[有聲故] [少甜] 我同時做左三間大學嘅學生: 山城遊

---
 
翌日一起床已經是下午一時。糟糕！錯過了紅磚的早上的lecture，我立即在Whatsapp group找Ruby和Edward問課堂情況。幸好醒目的Ruby不見我踪影，便代幫我簽了點名紙。我草草梳洗一下，吃過工人姐姐Amy煮的brunch，便準備向山城出發去。
 
這天就是要跟阿璃談功課的日子。阿璃提議我到她宿舍初步討論小組功課的題目和方向，我把一整晚時間都預留了給她。下課後，我們肩並肩的從UC課室緩步而行。
 
「你宿舍好遠架？平時我真係番學放學都淨係搭校巴，冇乜點周圍行下。」在下了一條長樓梯後，我望著水塔下的那條人造瀑布，心不在焉的問。
 
「唔係好遠炸，喺NA。啱啦一於帶你行下，好多地方都好靚好有山城特色架。」阿璃搖身一變做了我的山城導遊。「嗱我地依家嘅右手邊就係出名全校最伏嘅UC飯堂，記住，係最伏，好Q難食。」我們繼續向前走，接著轉進了一條沒人幽靜小徑，夕陽的柔和光線從樹林滲進小徑。
 


「啊～呢度好靜，好舒服。」我享受著和暖的陽光，不禁讚嘆。
 
「哈，呢條小徑叫…情人路，係UC行去NA嘅捷徑。」
 
「哇，係唔係情人限定架。」我打趣地說，旁邊的阿璃好像有點臉紅，避過了我的視線。
 
「邊…邊個同你情人呀…」阿璃有點不知所措的樣子，很是可愛。
 
「咳咳，夕陽無限好～～Wowowo～～～」我清一清喉嚨，開始放聲歌唱。
 


「嘿，低能仔。」阿璃笑著輕輕拍打我肩膀。
 
「咁…你～折射了光線～～擦亮我眼邊～～」聽見我轉歌，阿璃沒好氣的又拍了我一下。
 
我們說著說著，走到了一個幽靜處。
 
「哇！好靚呀！！」眼前出現了一棵古老大榕樹，榕樹下有個雲石大型水池。仔細一看，水池水面與遠眺馬料水的海面融為一體；加上夕陽和晚霞襯托，此景只應天上有。
 
「嗚哇～真係夕陽無限好啊！」我忍不住又唱道。
 


「呢度叫『天人合一』呀，係成個校園最靚嘅地方，特別係睇日落。今日真係超級好天，我都未試過見過呢度個景咁靚～」阿璃邊讚嘆，邊著迷的望住美景。被夕陽光線從後照著的她比平時更美…能認識阿璃真是我的福份。我們並肩呆呆站著欣賞感受眼前美景，一句話都沒說，就這樣一直至入黑。
 
「喂。」
 
「嗯？」
 
「天黑喇，你肚餓未？不如去食飯？」阿璃問。
 
「好呀。」我的靈魂開始慢慢歸位。對，真的開始有點餓。
 
吃過飯堂的晚餐後，我們便上到阿璃的宿舍討論功課。阿璃帶了我到她的宿舍，穿過入口走廊時，我看到幾排銀色的宿生郵箱，有的郵箱上貼了五顏六色的便條紙、有的更被塞滿零食。
 
「哦～嗰D係secret angel送俾宿友嘅小禮物。」阿璃見我看得入神，跟我解釋。「透過呢D活動等Hall友們更有歸屬感，係咪好有愛呢。」我點頭稱是，便繼續跟阿璃走。
 
阿璃推開玻璃門。「呀，你喺度等陣先，我入房拎部laptop出黎。」她把我帶到宿舍的一間活動室裡後便去拿電腦。只見活動室十分簡潔；內有幾張湖水藍色的長沙化、茶几、幾張椅子和桌子。想必宿生平時都在這間房活動休息交誼，唉，有Hall life真是令人羨慕。


 
「好，我地可以開始傾下功課啦。」阿璃拿著手提電腦回來，她的手提電腦背面刻有外星人頭像，外型設計十分誇張，而且看來十分笨重。
 
功課要談的不算太多，幸好我和阿璃的做事模式相似，見解亦十分相近，很快便完成了功課的方向和後續部份的分工。
 
「好啦，咁我番去搵下料寫我嗰part，妳就做一開頭嗰part。下次再傾就combine同埋互相proofread下。」我收拾背包，準備離校回家。我望望阿璃，只見她又在滑動手機。「有咩咁好睇呀？」
 
「哦，冇呀，我睇緊新聞炸…《康晴樓焊接物含鉛量達41%，高出英國標準585倍》from 熱時…支那製嘅嘢真係冇好，以前英國統治嘅時候有幾可會出現呢D情況。唉，住嗰度嘅人真係陰公，難為D高官仲話飲左鉛水拉勻一生計都唔會影響健康…宜家就算又話會調查，我肯定最後都會不了了之，冇人要負責…依家乜嘢都跟蝗國嗰套，赤化左嘅香港只會越黎越多呢D事發生。」阿璃闡述她對這新聞的見解，顯然她對這單新聞很不滿。
 
「…呃，好彩我地屋企唔係嗰度炸…我之前都冇乜留意呢件事。」
 
「呀東，你咁諗就唔啱啦，唔係下下都要燒到埋身先有感覺架。嗱嗱嗱，你睇，《每年3萬多新移民來港，2043年人口達頂峰822萬》。新移民落黎香港拎晒D福利、加重社福界醫療界等等嘅負擔，關大家事啦，但係都係冇乜人會有反應，唉，香港人就係咁。」阿璃露出失望的表情。「呀東呀，希望你留意多D時事同政治，關心多D我地嘅社會，我地好可能係最後一代嘅香港人。就算唔咁偉大講救香港，我地讀呢一科社會工作都好關社會事架，對唔對？要為自己嘅GPA著想啊～」
 
「唔…我會試下留意多D時事架啦。」來我真的要好好反省一下，多加留意時事與政治。「呀，差唔多時間喇，我都要番屋企啦。」看我看時候不早，便準備動身離開。
 


「好呀，我送你出去丫。」雖被阿璃訓話了一番，但被她這位美女送行我不禁有點飄飄然，只可惜路上並沒有什麼戲劇性的事發生，我便上了校巴下山，再乘火車回家去。