我發現左我呀哥成日對住部電話講一種我聽唔明既語言: 27.我好好奇，點解你家姐咁憎你？

「我好好奇⋯⋯點解，你家姐，咁，憎，你？」
佢呆左同我講：「你講咩話？」
「你應該好清楚！你唔好當我傻，你家姐既日程本係最近一年，都冇提過你，係，一個字都冇！究竟佢有幾憎你，先會連提都唔想提你？」
呀言好似受左好大既打擊咁，語無倫次咁講：「點解？點解？點解佢咁憎我？」
我冇理佢既失常，繼續講：「我係咩人？你又以為你係啲咩人？明明你家姐咁憎你，你仲係到扮咩手足情深。我對於你黎講係笑話？你知唔知你令我覺得好噁心呀！」我字字句句寸步不讓。
「收聲呀！」佢用槍指住我個頭大嗌。
我冷笑，冇打算收聲：「比我講中左呀？唔同我講原因，唔緊要。因為，佢，今後，會更憎你！」我捉住佢揸槍個隻手，毫不猶豫咁幫佢扣下板機。

「呯！」指彈唔止貫穿我既眼球至後腦，亦將我既靈魂射左出黎。過程竟然係咁快，咁無痛苦！
冇錯，我係突登咁做，突登打爛自己塊面，令佢痛苦一世。我就係旁邊望住呀言跪左係我條屍旁邊，正如我所言，佢家姐，一定會更憎佢。但我一啲都唔開心，只係覺得終於完啦！好似解脫左，又覺得好沉重。




呀言係廚房拎左把刀，扯住我既頭髮，一面嚎哭，一面大叫：「Nir！點解你要咁做？」，一面一刀又一刀咁砍落我條頸到，直到身同頭完全分離。我係佢耳邊細細聲講：「係你，逼我架！」可惜佢聽唔到！
佢抱住我個頭，亦都係佢家姐塊面，講：「家姐！我地返屋企啦！」就走出左小木屋，連望都冇望到，我條屍。

-------------------
以下為呀言角度

終於拎返家姐塊面，雖然有所損傷，但我知道呀穎會幫盡力幫我。我以最快既速度搭飛機返香港搵呀穎。終於幫家姐換返塊面。
我之前因為空襲受傷，去左整容，因而成功潛入撒旦，返到香港，我叫呀穎幫我整返做原來既樣貌，因為我唔想因爲見到自己個樣而回想起潛入撒旦既個段日子，一啲都唔想。而且我父母都不能接受我變左樣。
當我既生活回復正常軌跡，我開始整理家姐既遺物。發現有個上左鎖既盒仔收左係佢衣櫃，鎖匙掛左係衣架到，我打開個盒仔黎睇，入面有一筆錢，錢下面收埋左一封信。我打開佢，係用毛筆寫既，家姐生前好中意寫毛筆字，成日話咁樣可以陶野性情。仲有見到佢用佢啲唔湯唔水既文言翻譯寫，就知道佢寫呢篇野既時候，係半玩笑之下寫既，應該冇諗過真係會有咁既一日。





父親大大，母親大人，兄長大人：

近聞意外頻生，多番思量，天有不測之風雲，便提筆書此「遺書」。若小女命薄，微錢請用。雖自知微錢不足償還吾之學貸，還望將就！
父親大大，母親大人，抱歉往後日子未能盡孝，有勞吾兄代勞。望汝等勿久悲，雖吾慘死！吾欲言：有汝等相陪，終此一生，吾甚幸福。謝！

又有，若真有此萬一，勿容其往吾之喪禮，不然，九泉之下死不瞑目。

惠

---------------------





黑柴的話：
終於，完。🎉
多謝支持！

怕大家睇唔明啲亂黎既「文言文」，因此提供翻譯版本：

老豆，媽咪，呀哥：

最近見到新聞有好多意外，心諗天有不測之風雲，於是就寫左呢封「遺書」。如果我死左，筆錢你地就拎去用啦。雖然我知道筆錢都唔夠還我啲學貸，但將將就就啦！
老豆，媽咪，抱歉往後日子不能盡孝，拜託呀哥你啦！希望你地唔好傷心太耐，即使我死得幾慘都好。我想講，有你地係身邊，終此一生，我覺得好幸福。多謝！

仲有，若真有此萬一，唔好比佢黎我既喪禮。否則，我九泉之下亦死不瞑目。

惠






#有興趣可讚黑柴Facebook
https://www.facebook.com/%E9%BB%91%E6%9F%B4-879053098899020/