我發現左我呀哥成日對住部電話講一種我聽唔明既語言: 15.第二季：第二個囚室

聽完我咁講，班新人都嚇到屏住呼吸，事實上我都係想佢地有心理準備面對佢地即將要面對既事。
其實呢個換面手術療養室既結構同囚禁人質既監房不遑多讓，都係無盡既走廊兩邊間隔住一個個房間。唯一唔同既係，私隱度高d，房間之間係一幅幅牆，而唔係一條條柱，彼此都睇唔到對方做緊咩，只係門口上面有一個手掌咁大既蓋，比外面既巡邏員打開黎睇入面既情況。而每一道門出面都上左鎖。

入到去Mary 問：「點解呢到似監倉多d既？」
「呯呯呯⋯呯呯呯⋯」某d房間傳出碰撞既聲音，打斷左Mary 既問題。
於是另一新人Jack 問：「其實最奇怪，係呢到點解一d人聲都冇？」

「係做手術既同時，會將佢地上下顎用身體可吸收既物料扣起，令佢地無法張開口，大概一星期後，物料被身體完全吸收，佢地就會講得返野。」我向佢地解釋。
「好殘忍，點解要咁做？」幸子縮起搏頭問。
「殘忍！咁你又加入我地？」Jack 不屑咁講。




「咁係為左佢地好，避免臉部肌肉既移動阻礙佢地傷口既癒口。因此佢地不能進食，幫佢地輸入營養液係就你地既工作之一。」我向佢地解釋。
「咁可以叫佢地唔好講野姐，唔使扣實曬咁誇張掛！」Mary 聽完之後講。
「吶喊，係一種典型宣洩情緒，痛苦既方式，手術後所引致既痛苦並唔係大劑量既麻啡可以抑壓到，為免令佢地受傷，我地必須咁做。」我再解釋。佢地聽完之後點點頭，冇其他問題，咁我就開始講解工作內容。

「你地要做既野好簡單，唔使洗傷口個d，個d會有醫生處理，你地只需要每日輪流入黎mark低儀器上顯示佢地生命表徵（呼吸，血壓，心跳，體溫）既情況，同埋幫佢地輸營養液，就得啦！每日三次，分別早午晚三餐晚時間，更表我陣間會比你睇。而家我會示範比你地睇，要點做。」我行去第一間房，拎起門口塊板，繼續講：「呢塊板係比你記錄房入面個人既生命表徵既，跟返上面既格式填返時間，資料。」我開左道鎖，帶佢地入去教佢地點睇度數。而入面個個人就被雪白既紗布包住成塊面，好安靜咁瞓左係床上面。我再教埋佢地點樣輸營養液。出返間房，我好凝重咁同佢地講：「巡房係要嚴格咁實施二人體制，一個人係入面做，一個人係出面睇。如果入面發生咩事，千奇唔好開門入面，先叫左支援先。至於岩岩因為有我係到先例外，比你地入曬去睇。」
「有冇你講到咁危險呀？d人咪就咁瞓左係到。」Jack
「佢係少數咁安靜既人。你，永遠都唔知佢地有幾痛，佢地癲起上黎唔係人咁品。終之，二人體制，你地必須實行」我冷冷咁講。
跟住落黎，我比佢地兩對兩對咁做一次，我係旁邊睇住佢地。
呀風同幸子一對
Jack同Mary 一對




好少出聲既小七就同我一對
兩個女仔都選擇做係出面睇個個，呀風同Jack入去輸營養液同抄資料。

呀風入去個間個個人，不停咁將櫃筒打開，然後大力咁關埋，造成岩岩一入黎聽到「呯！呯!」既聲。無法吶喊，佢就用呢種方式制造聲音黎宣洩。雖然呀風同幸子都好凝重咁，但我好放心，因為我巡過佢幾次，佢都唔傷人既。於是呀風順利咁完成左，佢出黎之黎，幸子就同佢講：「咁以後就靠你啦！」

輪到Jack同Mary，房入面個個人不停用手拍落牆到，難以想像佢有幾大力咁拍，佢既手掌都損曬，流曬血，而牆上亦有好多手掌既血印，多到令人心寒。不過我亦都知，呢個係佢既宣洩方式，企圖以痛去掩蓋更痛。因為呢d方式我都試過。而最後佢地兩個都順利完成。

輪到小七，佢去到個間房門口，我同佢講：「呢個人有好強攻擊性，其實每塊板都有mark左入面個人既情況，建議措拖。呢塊板上面都寫左佢係具攻擊性，宜先輸鎮靜劑。門口有個劑可以扭，一扭入面就會排放鎮靜氣體，氣體會係2分鐘內再抽返走，所以2分鐘後入去，就可以啦。」2分鐘之後，小七一個人入左去，係佢專心抄資料個陣，我見到個人打開眼，好快禁捉住小七，將佢禁係床到，搕住佢條頸。呀風諗住入去救佢，我捉住左佢，問大家：「入去之前記唔記得要做咩先？」
Mary答：「call支緩。」
「係！呢到有個制係call help既！」講完我先放呀風入去，呀風禁低發癲既個個人，用手扣鎖佢係床到，之後同小七一齊出返黎。




我同小七講：「經一事長一智，以後要更加警覺。」而佢地就驚訝魂未定咁點頭。

「呀～」叫聲貫傳整條走廊。
正當我地練習完準備離開之際，岩岩間房傳黎慘叫聲。
我地返轉頭睇，只見岩岩個個人頭上雪白既紗布已經染滿鮮血。
Mary掩住嘴，震住咁問：「點解？點解會咁？」
「強行掙脫上下顎既束縛，所引致既後果。」我答佢。
我一面開鎖一面講：「你地今日可以學多樣啦！未死就call醫生，死左就拖去後山埋左佢。」
我摸摸佢既頸動脈，冇脈搏。
「呀風、小七，拖佢去後山。」

待續

有興趣可讚黑柴Facebook
同步更新




https://www.facebook.com/%E9%BB%91%E6%9F%B4-879053098899020/