[有沙入眼]是咁的，我覺得我住嗰度有啲唔妥: 182咩都無哂

月曦嘅亂髮遮掩佢嘅表情：「係，我好憎你。」

咁都係理所當然。

胸口被攪拌嘅感覺再次浮現。

「對唔住⋯⋯」

「唔好講對唔住⋯⋯講咩都翻唔到轉頭⋯⋯」

因為我當時選擇咗錢，所以唔會有機會翻轉頭再揀一次。

其實諗翻，覺得賺大錢發達嘅機會一生得一次，只係我揀咗錢之後嘅自以為是。

明明我仲有幾十年命，而阿婆只得幾十個鐘命，邊一方係最後一次，我心知肚明。明知正確答案喺邊面，偏要揀錯嗰個。

結果，我除咗錢之外，咩都無哂。