[有沙入眼]是咁的，我覺得我住嗰度有啲唔妥: 179無如果
我想向開門轉身嘅Lucy伸出手，但手係半空停止前進，明明佢衣袖同我隻手只有一隻雞蛋嘅距離，我都無捉住佢。
遺書故入面講過，呢個世界無如果。
無如果，只有後果，同結果。
我知再講任何野都翻唔到轉頭，所以任由自己沈默，畀心痛侵蝕自己嘅靈魂。
Lucy等咗三秒，深深咁吸咗口氣：「我無你依個阿哥。」
世界上最痛苦嘅事，就係我以為自己係你嘅金仔，而你只當我係一個陌生人。
嗰年係二零一九年，我賺到好多錢。
但我已經，無辦法再同細妹一齊食阿婆煮嘅紅豆沙。