[有沙入眼]是咁的，我覺得我住嗰度有啲唔妥: 148水錶
「阿婆，點解你要望住個水錶呀？」阿公走咗無耐，屋企嘅經濟重擔就落喺阿婆身上。
至於我老豆喺邊，記憶中並無交代，但我完全唔記得自己有參加過佢嘅葬禮，所以可能係走咗佬啦。
「阿婆睇吓個水錶有無壞到。」水電煤，三樣基本嘅生活洗費，唯獨水費可以偷吓雞。
嗰陣我地屋企會放啲膠盆喺水龍頭下面，開水制，然後等水一滴一滴咁滴滿啲膠盆。
依啲水會用嚟洗米洗菜，仲有拖地抹屋嘅水都係靠佢。
阿婆話，咁樣儲水儲一晚，比直接開水喉用水，個水錶會跳得慢啲。
事實上，咁樣做個水錶真係會跳慢咗，月尾張水費單亦會平啲。