[有沙入眼]是咁的，我覺得我住嗰度有啲唔妥: 106最重要嘅回憶

喺我地企起身後，不經不覺間，我同Lucy已經喺昏暗嘅走廊。明明我地兩個都無郁過，但空間自動由後樓梯轉移咗去走廊。

接觸不良嘅光管雜亂無章咁震出白光，一明一滅，長廊前面嘅黑色身影隨燈光一閃一閃變得更加清晰。

恐怖體驗唔係只會將傷心回憶扭曲嘅系統，佢不過係中性咁將重要嘅記憶轉化。我淨化Lucy嘅時候，心入面係對昔日童年嘅懷念，而唔係傷心。

我想繼續淨化落去，拎翻對我嚟講最重要嘅回憶。

好嘅、壞嘅、開心嘅、痛心嘅、堅強嘅、軟弱嘅，全部都想記翻起。



因為可以記得曾經遺忘嘅記憶，已經係幸福。