[有沙入眼]是咁的，我覺得我住嗰度有啲唔妥: 90純粹想咁做

即使明知係一場誤會，屋邨中仍然出現「咩咩單位嗰個豬肉佬呀，殺咗人將條屍收喺屋企唔知邊度」嘅謠言。

「屋企啲味點打掃都好似喺度，無辦法啦。咁起碼袋壞肉丟遠啲，唔會加重啲味丫嘛。」

既然屋企先係惡臭嘅源頭，自然無人會去留意阿公每日靜靜棄置喺後樓梯嘅壞肉。

就好似無人會在意肥人嘅內在美一樣。

鄰居有無因為我地將爛肉丟去後樓梯，而體恤我地嘅努力？



無。

重要嘅唔係我地有無阻止問題惡化，重要嘅係我地有無根治問題。

如果無一個好結果，無人會去認同徒勞無功嘅努力。

原來白費心機嘅，係阿公。

「我只係純粹想咁做。」



但就算明知係白費心機都去做，或者我就係學咗阿公嘅依一點點倔強。

「哈哈，你仲細，未必明阿公講咩架喇。」

可能，而家嘅我會明白。