[有沙入眼]是咁的，我覺得我住嗰度有啲唔妥: 79唔理咁多

我唔知Lucy到底係咩人，我淨係知，腦海深處有把聲叫我企喺佢面前。

「磨利刀磨利刀。」睇住佈滿血粉嘅豬肉刀，腦海再次浮現自己被肢解嘅情景。

就算畀你肢解過幾多次都好，只要今次淨化到你，你就無得再殺死我。

豬肉佬大概係覺得把刀已經夠利，開始靠近我地。

好喇，問題嚟喇，我要點樣淨化豬肉佬依個恐怖體驗呢？



所謂愈窮愈見鬼，人類嘅大腦總係喺緊要關頭閉塞。

我唔敢話自己平時轉數快，但係思考一旦畀恐懼同緊張介入，就會立即失去應有嘅靈活性。

情況就好似玩找不同嘅時候，眼見得翻五秒，通常一急就搵唔到兩張圖嘅相異之處。

唔理咁多，都要上架喇！