<測謊眼>唔洗呃我啦，我一眼睇得出你係唔係處女: 9
「喂？」Braco對著Beats耳機的米高風說道。
他很快便意會到自己不應說廣東話，趕忙轉說俄語把頻道對上。「有第啲野要做呀？」待Braco說完一串我聽不懂的鬼話後我問道。「咁岩呢排有另外一個新人會黎總部實習，佢岩岩到左西雅圖，玩一個禮拜之後先過黎LA，到時我要去機場接佢。」「如果我到時得閒一齊去都得。」「叻仔啵，你又知佢係個靚女黎既？」「岩岩聽到少少女聲姐，俄妹應該唔會太差既。」「到時你咪知囉。」如果我有測謊的能力，就能知道Braco這詭異的笑容有甚麼含意，可惜我的眼只能用來分辨處女。「喂你岩岩咪話咩異能既起源既，講多啲我聽得唔得。」我把話題引回我的興趣範圍之內。「哦，其實就係咁既，所謂既異瞳者其實大部份都係向一個人對某樣野有強烈渴求既情況下，迫使基因突變而獲得相關能力，不過都有少部份異瞳者向原因不明下誕生，仲有啲係人工造成既。」Braco在十字路口左轉，我們已進入UCLA所在的西木區。「咁所以你係因為好想學識其他語言所以先會得到睇得明所有野既能力？」「類似啦，我之前咪話一開始既能力好廢既，我最初既時候只係識得將調轉左既字當無調轉咁睇，五年黎慢慢訓練先變到而家咁。我相信你都會有進步空間，只不過睇唔出原來你咁咸濕。」Braco掀起半邊嘴角。原來能力的覺醒與渴望有關，那麽知道我有這種能力的異瞳者，不就知道我是因為很想知道誰是處女才成為他們的同伴？一想到我將是個天大的笑話，即使天色已暗，我也想馬上找個洞鑽進去。唉，說不定在洞裡看星會特別明亮。 漆黑的夜空掛著繁星，卻不是每顆星星都受到人們的注目。即使大家同是夜星，暗淡的總會被璀璨的光芒掩過，有時甚至連摩登都市的霓紅都要比它耀眼。「你地好似全部人都好犀利咁，我既能力真係又低俗又無用，都唔知可以為社會貢獻到啲咩。」我幽幽的道，其實我由始至終只是個沒用的垃圾。「咁你又唔好睇小自己，話唔定有一日你既能力可以大顯神通啦，只要唔好放棄當初既目標，一直努力落去，一定會有成果既！」Braco的鼓勵並不是太湊效。「望就咁望啦。」坦白說，我沒有勇氣在Braco面前承認我的懦弱。「就係呢到啦，你帶齊文件去登記就得架啦。有咩問題就Call我，聽日記得準時上堂，拜拜。」Braco把車子停泊在路邊，幫我把行李拿出來後指著其中一棟學生宿舍。「好啦，唔該曬。遲啲見啦，拜拜。」道別後我越過綿綿草地來到宿舍的正門。當初的目標嗎？我可不像Braco一樣那麼有抱負。如果沒有得到這能力的話，我本來只是想庸庸碌碌過一生。僥倖地考上了大學，交了二十多萬學費宿費來換個學位，然後當個打工仔度過餘生。沒有甚麼明確的目標，能有三餐溫飽好像已經很不錯，畢業後每天要為儲錢買樓疲於奔命，就算真的有夢想也沒有時間追尋吧？更遑論我根本沒有遠大的志向了。以為自己成了異能人就能改變一生？因為對性幻想有強烈渴望衍生出來的異能又能成就甚麼大事？我承認自己是為了那筆獎金才來到美國，膚淺的我在聽多些關於異瞳會的事後卻妄想能成為一分子，也不看清楚自己有多少斤兩。可以的話，誰不想當瀟湘的英雄？可以的話，誰不想造福世人名留青史？先不要說成為特別戰力，我連小小的研究也幫不上手。還是早早認清事實，完成半年訓練後拿獎金回香港好了，至少那筆錢足夠我和Sarah生活無憂。進步的空間嗎？還是不要浪費時間在不設實際的事上了。市井之徒永遠只能活在市井，我只是比較幸運地中了張彩票，獎金總會有用完的一天。