[真人真事][校園][純愛]緣定·十年前: 第三十五章
話說喺上年七月其中一個星期六,
我就好似平時咁,
去朋友A間cafe度幫佢手
![](https://lihkg.com/assets/faces/normal/clown.gif)
咁喺行行下嘅途中,
我同一個喺街上迎面行緊嚟嘅女人對望
![](https://lihkg.com/assets/faces/normal/oh.gif)
之後大家都露出驚訝嘅神情,
![](https://lihkg.com/assets/faces/normal/oh.gif)
我同佢都走向大家,
準備問好,
我:「伯母你好呀,好耐冇見喇
![](https://lihkg.com/assets/faces/normal/angel.gif)
雪媽:「係呀丁仔好耐冇見呀
![](https://lihkg.com/assets/faces/normal/angel.gif)
我:「伯母仲記得我個名嘅
![](https://lihkg.com/assets/faces/normal/wonder.gif)
雪媽:「梗係記得啦,
唔好恰auntie老呀
![](https://lihkg.com/assets/faces/normal/biggrin.gif)
我:「邊度老呀,
同以前差唔多咁
![](https://lihkg.com/assets/faces/normal/good.gif)
唔係擦鞋,
呀雪媽媽真係保養得好好
![](https://lihkg.com/assets/faces/normal/hoho.gif)
同十年前比係滄桑左啲,
但唔係老左好多
![](https://lihkg.com/assets/faces/normal/agree.gif)
皮膚都仲係好白
![](https://lihkg.com/assets/faces/normal/good.gif)
基本上個樣冇乜點變,
我:「係喇伯母,
呀雪依家點呀?」
雪媽:「你仲好掛住呀雪
![](https://lihkg.com/assets/faces/normal/smile.gif)
得唔得閒呀,不如坐底飮杯野?」
我:「得呀
![](https://lihkg.com/assets/faces/normal/hoho.gif)
之後我即刻打比朋友A話要遲少少先返去cafe
![](https://lihkg.com/assets/faces/normal/clown.gif)
我就同呀雪媽媽去某間大型咖啡店坐低傾計,
雪媽:「呀雪好似就係十年前走左去外國醫病.」
我:「係呀,今年啱啱好第十年.」
雪媽:「我就將呢十年嘅事慢慢講俾你知
![](https://lihkg.com/assets/faces/normal/angel.gif)
呢一刻我好怕聽到一啲自己唔想聽嘅野
![](https://lihkg.com/assets/faces/normal/frown.gif)
但又好想知道呀雪呢十年嘅事,
好矛盾
![](https://lihkg.com/assets/faces/normal/frown.gif)
雪媽:「其實呀雪臨走嗰陣,
佢覺得自己好返個機會唔算好大,
即使好得返
![](https://lihkg.com/assets/faces/normal/frown.gif)
佢都覺自己要用好長時間先完全康復
![](https://lihkg.com/assets/faces/normal/frown.gif)
醫生話佢做完手術之後,
有幾大機會失憶,
所以佢喺臨做手術之前,
冇叫我喺佢做完手術之後提返起你啲野,
連一張相都冇留低,
話唔想拖累到你
![](https://lihkg.com/assets/faces/normal/frown.gif)
我呢個女好少會咁有決心做一件事
![](https://lihkg.com/assets/faces/normal/oh.gif)
所以喺佢做完手術之後我就冇提過你嘅事,
丁仔你唔嬲我地丫嘛
![](https://lihkg.com/assets/faces/normal/wonder.gif)
我:「點會嬲呢
![](https://lihkg.com/assets/faces/normal/angel.gif)
伯母,咁之後又如何?」
雪媽:「呀雪佢啱啱去到外國嗰陣等左個零禮拜先做手術,
嗰個個零禮拜,
佢日日都扮到冇野咁,
但我睇得出佢係好唔開心
![](https://lihkg.com/assets/faces/normal/frown.gif)
我:「原來佢嗰陣咁細個已經咁成熟,
咁個手術順唔順利呀
![](https://lihkg.com/assets/faces/normal/wonder.gif)
雪媽:「手術好順利,
但一如所料係失左憶
![](https://lihkg.com/assets/faces/normal/frown.gif)
後來慢慢記得返起細個啲野,
不過小學之後啲事就唔記得喇,
康復過程大約用左四年左右,
2010年尾醫生話佢正式康復,
同一般人一樣,
喺外國留左年幾,
之後喺2011年我地一齊返返嚟香港住,
始終我都係住慣香港
![](https://lihkg.com/assets/faces/normal/angel.gif)
又唔想呀雪爸爸成日兩邊走,
呀雪自己本身都想返嚟香港,
不過返嚟之後就住另一個地方,
唔係喺之前嗰度住喇
![](https://lihkg.com/assets/faces/normal/angel.gif)
我:「咁呀雪依家幾好嘛
![](https://lihkg.com/assets/faces/normal/wonder.gif)
雪媽:「幾好呀,
佢返左嚟香港之後就進修,
喺佢進修期間仲識到依家個男朋友,
依家一齊左四五年,
下個月結婚喇
![](https://lihkg.com/assets/faces/normal/angel.gif)
我:「咁開心,恭喜你地呀
![](https://lihkg.com/assets/faces/normal/hoho.gif)
雪媽:「多謝,
你嚟唔嚟佢地個婚禮呀
![](https://lihkg.com/assets/faces/normal/wonder.gif)
你都係對佢好重要嘅人,
呢啲野佢唔記得姐,
我仲好記得架
![](https://lihkg.com/assets/faces/normal/angel.gif)
我:「但我個身份會唔會唔適合嚟呀
![](https://lihkg.com/assets/faces/normal/wonder.gif)
雪媽:「點會唔適合,
你讀書嗰陣已經識你,
你係咩人auntie會唔知咩
![](https://lihkg.com/assets/faces/normal/angel.gif)
我:「好啦咁多謝先
![](https://lihkg.com/assets/faces/normal/smile.gif)
雪媽:「既然係咁,
不如聽日我約佢出嚟一齊見你
![](https://lihkg.com/assets/faces/normal/wonder.gif)
順便敍舊加派帖,
我會同佢講你係我最乖嘅學生(呀雪媽媽教琴的)
![](https://lihkg.com/assets/faces/normal/good.gif)
所以特登請你飮,
唔好意思難為左你要呃佢
![](https://lihkg.com/assets/faces/normal/frown.gif)
我:「唔該晒伯母,
不如聽日嚟xx街間cafe食,
我個frd開架,
我逢星期六日都去幫手,
同呢度好近咋,
一陣帶你去丫
![](https://lihkg.com/assets/faces/normal/angel.gif)
聽日唔收你地錢
![](https://lihkg.com/assets/faces/normal/good.gif)
雪媽:「咁多謝晒喇丁仔.」
點解我之前會話呀雪媽媽係好關鍵
![](https://lihkg.com/assets/faces/normal/wonder.gif)
哩個就係原因.
之後帶左呀雪媽媽去café同埋教左佢點嚟就走左
![](https://lihkg.com/assets/faces/normal/chicken.gif)
老實講,
我冇諗過喺咁嘅情況之下撞返呀雪媽媽
![](https://lihkg.com/assets/faces/normal/oh.gif)
知道呀雪好返,
我真係好開心
![](https://lihkg.com/assets/faces/normal/angel.gif)
但更令我在意嘅係,
呀雪下個月就結婚
![](https://lihkg.com/assets/faces/normal/frown.gif)
一下子覺得時間轉得太快
![](https://lihkg.com/assets/faces/normal/frown.gif)
冇諗過件事發展成咁,
不過無論如何,
聽日就可以見返呀雪
![](https://lihkg.com/assets/faces/normal/angel.gif)
停左十年嘅時間齒輪要再啟動,
嗰晚應該係近幾年第一次因為心情忐忑而訓唔著,
一方面見返呀雪覺得好開心
![](https://lihkg.com/assets/faces/normal/angel.gif)
另一方面知道呀雪就嚟結婚而乸住乸住
![](https://lihkg.com/assets/faces/normal/frown.gif)