[真人真事][校園][純愛]緣定·十年前: 第二章

九月一日真係學生哥同埋學生妹嘅惡夢
因為已經適應左個幾月嘅遲睡遲起生活,
晚晚就係打機同打丁,打到成一點幾先訓,
就係咁毒架喇
之後第二日最快都十點幾先醒,
經歷左呢啲生活成個半月,
霎時間叫我七點幾醒又點會慣呢

媽媽:「夠鐘起身返學喇!」
之後我就好唔情願底下咁醒左




唔知各位巴打絲打喺俾人叫醒返學嘅嗰一刻有冇想唔返學呢?
我嗰時就有喇,
仲話快啲讀完中學就好,唔使咁早起身(好似同之前好矛盾)
冇計啦,我個人一訓唔醒就亂嗡野同埋好燥,
講多少少,
依家讀完中學都好多年,真係唔使咁早起身喇,
但你問我想唔想返去讀中學嗰陣,
我諗都唔諗就可以答你:「想」

回歸正題,我喺屋企食左個生果就出門,




因為我同我班朋友住得幾近,
所以多數會約埋一齊返學,
當中最frd嗰個叫呀余,
直至依家都仲好frd(非hehe)
咁好啦,因為平時同呢班朋友都有約出嚟玩,
所以咁耐冇見都唔會好生保
我地一路行一路傾計,
傾傾下,
朋友A就講:「今年係第一年高中,一定要喺遲啲班際比賽拎塊牌!威俾啲女睇.」
朋友B:「你得唔得呀,平時成日單刀炒飛機 」




朋友A:「平時玩下姐,喺學校就認真架啦.」
朋友C:「除左拎牌,我今年一定要溝到女神 」
我:「好似有啲難度喎 」
余:「唔係唔得嘅,六合彩都有人中啦 」
朋友C:「你兩個睇住嚟,今年最低限度都要拎到女神個msn同電話,
唔得嘅話以後唔打丁 」
我:「咁你諗下點樣戒丁都得喇 」
朋友A:「丁仔呢?唔係冧呀瑩咩?去馬啦!」
我:「唔喇,淆底呀 」
朋友C:「冇周用.」
我:「含啦.」
我地成班朋友就係鍾意咁樣抽水,
但點抽都唔會反面.