[深夜重口味] 女神日記: 飢渴的女神
話說原來 Venus 為咗令我升做 department head，獻身畀 CEO，高登仔反應好兩極...
『唔好信佢，佢同 CEO 扑咗野，個心已經唔嚮你度，遲早實飛你。』
『如果 Venus 要跟 CEO，佢唔使幫你升職啦。』
『佢畀咗帽你戴，只係想心理上好過啲啫。』
『如果你地三個開會會唔會好尷尬?』
『你地講到 Venus 咁差，如果佢真係咁狠心就唔使理個心好唔好過啦。』
『如果你覺得戴住帽做人都冇所謂咪繼續戴囉。』
『聽講以前打完伐，經濟玩完，男人冇野做，為兩餐啲女人出去做雞養起頭家，啲男人唯有扮睇唔到。』
『反正都做咗老襟咯，下次開會咪 3P 囉。』
『你都痴嘅，依家打伐咩? 依家唔做呢份工會死咩?』
『其實，你有冇諗過 Venus 點解咁大犧牲嚟幫你? 為咗咩? MK 妹就話被仔呃l啫，Venus 唔似咁蠢，為咩?』
「Andy，好夜喇，瞓喇。」
「哦，嚟緊喇。」
好攰，我個腦好攰，雖然我每晚攬住你瞓，不過我唔知你諗咩...
「Andy，你個肚點呀?」
「肚? 個肚咩事?」
「頭先你話食滯咗肚痛。」
「呀... 係，冇事喇。」
「咁就好喇。」
Athena 攬住我。
「Andy...」
「嗯?」
「我地... 好耐冇做喇...」
佢伸手摸我下面。
「聽講... 呢啲可以幫助減壓。」
想做愛呀? 做囉，除底褲啦...
不過，你啱啱先同 Jerry 做完，我...
Athena 主動趴上嚟錫我條頸，平時無論係我撩佢又好，佢撩我又好，都係我趴嚮佢上面錫佢先，呢次掉翻轉。
頸都算係我嘅敏感帶，佢塊面好暖，嘴唇好熱，條脷嚮我條頸舐下舐下，好似貓仔咁，我聞住佢頭髮啲香味，真係好香好性感，不過...
頭先 Jerry 就係咁錫你，你係咪好享受? 依家你用第二個男人對你嘅方法對翻我?
雖然你舐得我好舒服，不過同平時唔同，我產生唔到性衝動。
「嗯?」
佢發覺我好似有啲唔妥...
「Andy，係咪我肥咗砸住你唔舒服?」
我冇答佢，佢繼續錫我，不過我都係冇勃起。
於是佢轉移陣地，爬去我下面，直接攞我支肉棒嚟啜。
其實依家支肉棒未算肉棒，只係小 JJ，睇住佢照含落口我覺得好心痛，雖然平時口交實際上只係佢取悅我，佢個口唔會有咩快感，不過至小我有支正正常常嘅肉棒畀佢吮，依家見佢連小 JJ 都要擺落口，好可憐。
佢盡力刺激我，無論用嘴唇套，用脷卷，定用手搓春袋，咩都出齊，我亦想盡力勃起，但就係控制唔到肉棒，我試下幻想，不過就只係諗起佢跪嚮 Jerry 面前同 Jerry 用口...
Jerry 支陽具係咪扯到好硬好直? 你套弄得好輕鬆? 係咪? 我支肉棒整極都好似軟皮蛇，你係咪好失望?
「Andy，你放鬆啲啦，唔使咁緊張。」
「嗯。」
搞咗一輪，小 JJ 都只係軟腍腍嘅小肉棒，點會咁架? 點解我會不舉?
佢唔理咁多，爬翻上嚟騎嚮我度，用陰戶磨我支小肉棒...
你幾時學識呢招? 又係 Jerry 教你? 佢都勃起咗，點解仲叫你磨佢?
我地做愛比較小採用女上男下，因為佢喜歡被我抱住嘅感覺，我攬住佢抽插佢會覺得親密啲，坐蓮雖然可以畀佢自由控制，不過嚮床上佢都係鍾意畀我話事。
佢好努力，出盡腰力去扭籮柚，我感覺到陰唇多方向磨擦肉棒唔同位置，有時龜頭，有時棒身，有時春袋，我係 feel 到嘅。
佢亦彎底身同我 kiss，好熱情咁啜我條脷，又伸入去我個口挑逗我，完全唔顧儀態，當自己 AV 女優咁，唔理淫蕩又好，發姣又好，甚至出埋叫床聲嚟刺激我...
「嗯... Andy，Andy 呀... 我好熱呀... 我要呀... Andy...」
不過... 肉棒始終冇法勃起。
但磨下磨下，佢下面真係開始出水，雖然我冇插入陰道，但其實咁樣磨同用手指捽陰戶效果差唔多，嚮不舉之下令到佢有小小快感，我總算冇咁難堪。
但我見佢扭腰扭到好攰...
「算啦，對唔住，我冇用。」
我咩都比唔上 Jerry，連令你享受性愛都做唔到。
「唔好唔開心啦 Andy，好小事啫，你可能太攰先會咁，我地唞下。」
佢失望地喘氣，跟住趴翻低攬住我，繼續好香，好柔軟，好溫暖。
「Andy，你諗緊咩?」
我諗緊點解你同 Jerry 做愛。
你地幾時開始?
係咪你同佢接觸得多，畀佢迷住?
佢已經有老婆，咁你係咩身份? 情婦? 定只係一個呼之則來嘅 SP?
既然你同佢做愛，點解仲同我做? 係咪想比較下我地兩個邊個勁啲?
我係咪輸咗? 你會唔會唔要我? 會唔會離開我?
點解你叫佢升我? 係咪想補償畀我?
點解? Venus，點解?
Andy，係你要我同 Jerry 做愛。
我?
係我?
係我叫你獻身畀 Jerry?
點會? Venus，我幾時叫你咁做?
Venus，你講清楚啲... Venus...
Venus... Venus...
「Andy...」
Venus...
「Andy... Andy...」
「Andy... 你醒下啦...」
「嗯? Athena?」
「Andy，你發開口夢，頭先發惡夢?」
「我... 唔知... 唔記得...」
「你嗌住 Vince 定 Venus... 邊個嚟架?」
「嗯? 我唔知咩嚟...」
「Andy，你係咪覺得好大壓力? 所以先發惡夢?」
「唔... 唔係...」
「你有咩心事?」
我唔知點解你話係我要你同 Jerry 做愛? 我真係唔知點解...
「Andy，我好擔心你，你有心事又唔同我講，我係咪畀咗太多壓力你? 對唔住...」
雖然心情好差，我都繼續嚮高登出文...
『之後幾日，我每朝特別留意 Venus 著咩絲襪返工，如果佢著吊帶絲襪，即係果日佢會同 CEO 做愛，所以每當佢揀絲襪我個心會跳得特別快，求佢千其唔好揀吊帶絲襪...』
高登仔同情我...
『日日唔知佢地幾時扑野都幾悲，不過既然 Venus 有 spare 絲襪嚮 office，你唔畀佢返到 office 先換吊帶絲襪? 可能佢地每日扑緊了。』
『即係你接受咗佢地嘅 SP 關係?』
『長遠唔係辦法，遲早你會精神崩潰。』
「Andy，我呢對絲襪靚唔靚?」
「Andy?」
「Andy!」
「吓? 哦? 咩呀?」
「我對絲襪靚唔靚?」
「你對腳咁靚，著咩都靚。」
好彩唔係吊帶絲襪。
「嘻嘻... 係喇，Andy，廈門紅鴻個 project 下星期四有 presentation，我要 present，如果搵埋你幫手得唔得?」
「紅鴻? 唔係 Rebecca 同 Eva 負責緊咩? 點解由你 present?」
「Grace 同我講，Jerry 同紅鴻果邊傾過，大家想大搞，佢話呢次可大可小，驚 Rebecca 孭唔起，所以叫我 present。」
「咁 Rebecca 點呀? 佢 in charge 喎?」
「佢梗係發晒脾氣啦，仲話唔撈，Eva 又聽晒佢話要共同進退，唉...」
「咁咪即係 Grace 擺你上檯? 呢招好毒。」
「都唔可以咁講，佢都有道理， Rebecca EQ 唔高，紅鴻出名仔細，如果畀人 chok 兩 chok 唔識答又發脾氣，到時 Jerry 嚮紅鴻面前出醜就好大鑊，所以不容有失。」
Jerry 會嚟睇?
「加上自從我升咗之後 Rebecca 已經唔妥我，可能佢諗住早過我嚟，但畀我騎住唔忿氣啩，咪搵個籍口發難囉。」
早過你嚟又畀你騎住嘅有好多人喎，包括我。
佢發覺講錯野，即刻攬住我嗲我...
「點啫，Andy，幫下我啦。」
雖然同時見到 Venus 同 Jerry 會好尷尬，不過我唔想逃避，我要面對佢，面對面面對佢。
「好，我幫你。」
「錫晒你，Andy。」
到咗星期四，廈門紅鴻個大老闆同三個高層嚟咗，我地呢邊有 CEO Jerry，Jerry 個秘書唔知叫乜名，Grace，Athena 同我，Athena 負責 present，我協助佢，當佢講到冇氣要飲啖水唞唞，我就幫佢補充，如果遇到啲 out of scope 嘅問題，佢吹住先，我即刻摷 backup slide 甚至即場砌，其他人睇唔出，仲以為我地準備到十足十，歎為觀止。
其實我同 Athena 合作真係冇得輸。
「Andy，今日個 presentation 好順利，唔該晒你，好彩有你... 嗯? 做咩黑口黑面?」
「我見到紅鴻個老闆色迷迷咁望住你。」
「唔係喔，我唔覺喎。」
「咁明顯都唔覺? 佢望實你，對眼冇離開過你。」
「你太敏感喇，我係 presenter，又企嚮個 screen 側邊，佢梗係望住我啦，而且我記得佢有時同 Jerry 傾野添，都唔算望實我啫。」
佢同 Jerry 一定唔方好野，可能同你有關。
我嬲爆爆 update 高登...
『同大陸客開完一個非常重要嘅會，Venus 同 CEO 檢討會議結果，我偷偷地聽下佢地講乜。
CEO 話下次個黃昏例會要改期，因為個大陸客都想加入...』
乜話? 我有冇聽錯? 下次你地做愛個大陸客都有份? 3P?