[深夜重口味] 女神日記: Simon 的真面目
話說我忍受唔住女神 Athena 做咗 Simon 嘅性奴，我精神崩潰了...
可能係迴光返照，經過受盡折磨嘅一星期，禮拜一朝我突然清醒翻小小，去咗食早餐，不過仍然係無味覺。
嚮屋企，見到自己張床我會記起曾經同 Athena 嚮上面纏綿過，但跟住諗起 Athena 嚮床上面服侍 Simon，好難受。
嚮 office，見到 Athena 被 Simon 挑逗我會慘過死，變成一條無靈魂嘅喪屍。
嚮呢度，我曾經每朝同 Athena 一齊食早餐，有講有笑，係我最開心嘅時刻之一，我地嘅感情亦係由食早餐開始...
呢度係唯一得我地兩個嘅地方，可惜依家只剩翻我一個。
趁仲算清醒，我即刻寫封辭職信...
『Dear Grace,
I resign, effective today.
Rds, Andy』
得三行，全手寫，如果返公司用電腦打，我怕未打個 D 字已經因為見到 Athena 同 Simon 我又變翻喪屍，一陣返到去，我要即刻遞畀 Grace 然後離開。
返到公司，唔見 Athena 嚮位，果然成個週末同 Simon 不停做愛，做到唔記得返工。
「Andy，Grace 一早搵你，叫你一返到即刻見佢。」
Grace 搵我? 想炒我? 啱喇，我正想搵佢遞信。
去到 Grace 間房，Athena 已經坐咗嚮度，個樣好驚，咩事?
「Andy，入嚟先，閂門。」
「嗱，Athena，我問多一次，你老老實實答我，究竟呢件事你有冇份?」
「冇呀，冇呀，Grace，我真係乜都唔知架。」
咩事? Athena 嚇到想喊。
「Andy，我地發現有人出賣公司，我地已經報咗警。」
出賣公司? 咁大件事?
「Simon 可能將我地同上海科隆個 project 賣咗畀 competitor，科隆果邊發現咗，可能會告我地...」
咁大鑊?
「上海科隆個 project 得 Simon 同 Athena 有 access，Simon 上星期四已經失咗蹤，搵唔到佢...」
星期四已經唔嚮公司? 我上星期冇晒意識，個個都係 Simon 個樣，唔知原來真正嘅 Simon 已經唔嚮公司。
「嗱，呢個係其中一份證據，Athena 你點解釋?」
「呢份...」
我睇到個 key point...
「等陣，Grace，呢份野 Athena 一定冇見過，嚮上海最後果日，Simon 叫我出一份 backup 但又唔使入 copy code，我怕分唔到邊份係 original 邊份係 backup，所以嚮份 backup 個 control code 打多一點，其實呢個係個 bug 嚟，個 validation check 唔識認一點，你睇，呢度全部都有果一點，呢份野 Athena 一定冇見過，一定係由果份 backup 度出嚟...」
「咁即係話... 係你幫 Simon 出賣公司?」
「唔係呀，唔係呀，我唔知架，我只係知一定唔關 Athena 事。」
「又會咁嘅，想問你有冇線索，點知你變埋疑犯... 唉，咁啦，你兩個都 hold 住啲 project 先，一陣 IT 部會嚟 check 你地部電腦，你地返出去先。」
我同 Athena 出返去。
「Andy，頭先唔該晒你，仲連累埋你。」
Athena!
Athena，你呢句說話...
你呢句說話係呢幾個星期唯一一句對我講嘅正常說話...
我等咗你呢句說話好耐... 好耐... 真係好耐...
因為你呢句說話我突然間好似死而復生!
「我都係講事實啫，Athena，放心，唔會有事。」
平時又唔見廢人 Grace 咁快，今次我地未埋位個 login account 已經 lock 咗，真係冇野可以做，只有等。
我其實唔清楚情況係點，不過從頭先 Grace 所講，睇嚟 Simon 已經走咗佬，留低啲蘇州屎畀 Athena...
Athena，你依家睇清呢個人嘅真面目啦，佢不負責任，過橋抽板，絕對唔係好人。
最衰我唔早啲話畀你知，累到你...
冇幾耐 IT 部宅男 Aden 同 Tommy 嚟到，佢地 check Simon 果兩部電腦先，Simon 有部 notebook 又有部 desktop，一坐低佢地已經 login 咗入去，即係話啲所謂 password 其實嘥氣。
其實我地個個跟咁多 project，除非 filing 好似我做得咁好，否則電腦入面咁多野都唔知你地點搵?
「嘩呢條友... 返工係咪做野架?」
「咩呀 Tommy，咁快搵到野嗱?」
「唔係... 不過佢個 browser history 有好多叫雞 site 啫。」
叫雞 site? Simon 叫雞?
我偷偷地望 Athena，佢塊面黑晒。
「喂，我搵到個 file 有 password protect 喎。」
「自己部 notebook 都要 password? 咩嚟?」
「等等，我有 program 開。」
原來嚮佢地面前咩秘密都冇。
「得喇，Excel 嚟喎，睇吓係咪 Grace 要搵嘅野先...」
「咦? 呢啲咩嚟?」
「等我睇吓... 挑! 呢啲咪叫雞紀錄囉!」
「嗱，有晒日期，囡囡名，地址，價錢... 佢都去得幾密下喎。」
「頂! 連賽後報告都有，佢唔係諗住出書呀?」
慘囉，原來 Simon 係雞蟲，Athena 仲被佢食過，會唔會惹到性病架?
Athena 塊面愈嚟愈黑。
「咦? 呢個 page 啲女冇價錢喎，又冇地址，個名得兩個英文字，唔通係佢啲女朋友?」
Athena 突然擘大眼。
「RN... RN 係邊個? Comment 好抵死，冇波冇籮只係靠褻衣，反應似死魚，target: 即飛!」
「哈哈! 好賤!」
冇波冇籮... 莫非 RN 係 Rebecca Ng?
Rebecca 的確幾靚，但係身材平過平板，除咗佢啲煙友之外對個個都冷冰冰，有時都會著得性感，不過性感嘅平板令人反胃，所以我從來未 J 過佢，原來佢同 Simon 有過一手，仲被 Simon 食完飛，唔怪得佢地好似有啲唔妥。
「JW 個 comment 都正吖，波大但下垂，籮柚肉夠厚但樣衰，望住錫唔落，口技 OK，target: 後備糧食」
「後備糧食? 哈哈哈! 賤得佢!」
我估係 Jessica Wong，佢成日一副戰鬥格，同 Simon 交過手都唔奇，不過我諗佢估唔到 Simon 只當佢後備糧食，連 SP 都不如。
「佢真係有幾多女朋友喎，最後果行叫 AC。」
AC?
AC 即係 Athena?