女神話我考試排名高過佢 就滿足我一個願望: 後記

我終於打完啦，由上年十二月唔知幾號，去到今年七月二十九號，用咗八個月先冩完呢篇文。

總共60248字，感覺良好。

其實我都覺得自己寫得太耐。

如果唔係逼自己喺暑假嗰陣一日一更嘅話，我諗我作到下年都未必作得哂。

其實本身係諗住sad end，不過去到後期真係寫唔落手。



不過有讀者話想睇sad end，睇下遲啲得唔得閒作埋囉。

好多謝你地一直以嚟對我嘅支持，如果唔係你地啲留言，我諗我真係頂唔順。

對於我有254個留言，最多留言榜第5名感到無解。

雖然我知有超過8成係鬧我拖文XD。

有啲忠實讀者真係又一開始就有睇我篇文，仲不停留言支持我，認真我覺得好感動，



篇文一開始係諗住hea下hea下之後就棄故，係你地令我有一直作落去嘅動力。

或者遲啲我會作個修正版，因為有好多內容都好矛盾，個簡介已經係一個例子。

仲記唔記得以前有第二個作者寫咗篇《如何獲得女神級的女友》，啲角色名同我一模一樣，

愛永恆同觀星者（唔知你宜家仲係唔係呢個名）應該比較熟識，因為係你留言嘅。

其實嗰個係我死黨，佢本身都係喺「風花雪月」呢個帳到作嘅。



應該咁講，最一開始嘅「風花雪月」係有四個人喺到，

但係最後得返我一個喺到。

其中一個開另一個帳抄文俾官方封帳，

其中一個作咗一章之後棄文。

寫《如何獲得女神級的女友》嗰個寫到大約十三章都棄埋。

得我一個仲喺紙言努力。

其實講真嗰句，我有諗過放棄。

「你班死黨都放棄咗啦，仲咁辛苦喺到寫做咩？」



「睇人啲文咪得囉，寫文俾人睇做咩？」

「你為人付出，最後你又得到啲咩呀？」

「做個作家，有前途咩？乖乖地讀書算啦。」

我內心一直湧現呢啲說話。

但係如果個個都好似我咁諗嘅話，成個世界就會變得荒謬。

所以我最後都係堅持寫文，我唔會放棄，下一篇故好快就會開始連載。

春有百花秋有月，夏有涼風冬有雪



風花雪月
2017年7月29日