女神話我考試排名高過佢 就滿足我一個願望: 第三十九章

「喂！起身啦柒頭！」我輕啪方野吉的面。

方野吉已經喺我地屋企住咗一個月。

順帶一題，今日係雪彤生日。

「嗯……俾我瞓多陣先啦……」方野吉說。

「七點半啦！再瞓就遲到啦！」我說。



「屌你唔早講？」方野吉即刻彈起身。

雪彤一如既往早過我地出門口。

「頂你快啲食啦。」我說。

「我都想呀！」方野吉說。

「好心你早啲起身啦……日日都咁趕……」我抱怨。



「你真係好似我呀媽……」方野吉說。

「只要你喺兩分鐘內食哂，我地就有機會趕到返學校啦！」我看着手錶說。

方野吉即刻加快食野嘅速度。

佢食完之後，我地即刻拔腿狂奔，最後成功喺打鐘前一刻衝入校門。

訓導主任一臉鄙視咁望住我地。



「呼……啱啱好趕得到……」方野吉喘哂氣咁講。

「上去啦！仲企喺到！」訓導主任說。

我地即刻走咗上去。

一入到班房，張老師笑住咁望住我地。

「林浩雪，方野吉，你地有冇遲到呀？」張老師說。

「冇呀，啱啱好趕得到。」方野吉說。

「哦，咁都好啲，幾驚你地要俾三十蚊班會費呀。」張老師說。

冇錯，為咗改善我地班成日遲到嘅現象，張老師話邊個遲到一次就要交十五蚊俾班會，特殊職位交雙倍，即係好似班會主席，班長等等。



咁啱我同方野吉都係特殊職位。

「點會呢，我地邊敢遲到呀？」我說。

「冇遲到就好啦，快啲坐返埋位啦。」張老師說。

「係。」我同方野吉說。

上完成日嘅堂之後，終於走得啦......

咦？方野吉呢？

唉死仔唔等埋我就走。



我行到出去，見到方野吉唔知點解企係走廊到。

「喂！你企喺到做咩呀？」我喺佢耳邊大叫。

「嘩屌你聾啦！」方野吉說。

「行啦！今日雪彤生日呀！」我說。

「下？係咩？」方野吉驚訝地說。

呢條友仔唔係鐘意咗雪彤掛......

返到屋企之後，方野吉即刻同雪彤講咗聲生日快樂。

佢有八成係鐘意咗雪彤......



「多謝呀。」雪彤甜笑。

「差唔多齊人啦。」我說。

「仲有人嚟咩？」雪彤問。

「係呀，仲有一個，佢應該差唔多到啦。」我說。

一講曹操，曹操就到。

「suprise!」曉琳打開門說。

「曉琳你嚟咗嘅？」雪彤驚喜地說。



「俾個驚喜你嘛。」曉琳說。
---------------------------
我好成功咁打完三章啦，腦細胞都唔知死咗幾多。
仲要趕多六章呀！！！