女神話我考試排名高過佢 就滿足我一個願望: 第三十七章

去到後期冇乜野燒之後，其他人開始燒啲古靈精怪嘅野。

燒面包呀燒棉花糖呀嗰啲都話可以接受，但係居然有人喺到燒薯片。

塊薯片當然俾佢整跌咗啦，薯片咁脆邊有可能俾佢叉到。

食飽咗之後，我地就行咗落下面嘅沙灘玩。

有啲人衝咗過去玩水，但係好快就俾老師捉返上嚟。



我同曉琳拖住手圍繞住個海行，啲浪周不時彈上我地對腳到。

沿途見到好多遊客都喺到曬緊太陽同埋游緊水，其中一個曬緊太陽嘅灰色頭髮嘅旅客吸引咗我嘅眼球。

「曉琳呀，你覺唔覺得嗰個灰色頭髮嘅男人好熟口面呀？」我問。

「邊個呀？」曉琳呆呆地問。

「嗰個呢~」我指住嗰個男人。



「嗯……我記得啦！」曉琳說。

「邊個呀？」我好奇地問。

「上年我地去掃街嗰陣幫我地影相嗰個外國人呀，記唔記得呀？」曉琳說。

呢個時候，個外國人都見到我地，除咗太陽眼鏡行咗過嚟。

*為咗方便閱讀，以下內容將會自動翻譯。



「好耐冇見啦。」外國人說。

「係囉，又會咁啱嘅。」曉琳笑說。

「你地嚟沙灘拍拖呀？」外國人說。

「算係啦，今日係學校秋季旅行呀。」我說。

「可惜今日冇帶相機，幫唔到你地影相。」外國人悔恨地說。

我同曉琳一笑置之。

我地同個外國人講咗大約半個鐘野之後，佢聽咗個電話就走咗。

「希望你地可以白頭到老啦。」呢個係外國人臨走之前講嘅最後一樣野。



曉琳紅住面咁望住佢走。

「差唔多要集合啦，我地走啦。」我說。

「嗯。」曉琳回應。

當我地返到去集合地點嗰陣，其他同學都已經排好哂隊。

「好，4D班齊人，可以上車啦。」張老師說。

唉……仲諗住同曉琳一齊坐添。

「拜拜~」曉琳對我做口型。




上到車之後，我迅速陷入睡眠。

到我醒返嗰陣，架車已經就快返到學校。

黃家明好孤獨咁自己一個人坐，今朝同佢一齊傾計嘅人同佢隔得勁遠。

佢真係好快就變返邊緣。