女神話我考試排名高過佢 就滿足我一個願望: 第三十三章

我同曉琳拖住手行過一條又一條嘅小徑。

不知不覺間，我地已經行到曉琳屋企。

「咁我走啦~」曉琳說。

「好啦，拜拜~」我說。

我目送曉琳入屋。





咦？

點解曉琳唔入去嘅。

曉琳好似喺到不停扭動門把。

我行過去，問：「做乜仲唔入去呀？」

「道門開唔到呀……」曉琳無奈地說。





「你冇帶鎖匙咩？」我問。

「冇呀……我以為呀爸或者呀妹會喺屋企呀……」曉琳說。

「咁呀……你就只可以瞓街或者等佢地返嚟啦~」我說。

「喂吔！」曉琳打咗我手臂一下。

「講笑啫~你嚟我屋企食飯先啦~」我說。





「唯有係咁啦……」曉琳說。

「等我打電話俾雪彤叫佢加餸先。」我說。

「嗯。」曉琳回應。

「嘟嘟……」

「喂？」雪彤接聽了。

「今晚曉琳嚟食飯呀~加多少少餸呀~」我說。

「哦好呀，咁我宜家再落街買啲燒肉啦。」雪彤說。

「速去速回啦~」我說。





「得啦我地行啦。」我轉身向曉琳說。

「嗯。」曉琳說。

我地沿路折返。

天色亦都逐漸變黑。






「雪彤呀……」





「嗯？」雪彤說。

「說好的加餸呢……」我說。

眼前嘅飯枱就只有一碟青菜同埋一碟番茄炒蛋。

「你咁遲先打電話過嚟，乜餸都買唔到啦！」雪彤反駁。

ok you win.

「唔緊要啦，我地食得飽就得啦~」曉琳說。

呢句野由你口中講出嚟特別冇說服力……





啲餸唔夠三分鐘就俾曉琳同埋雪彤清哂，可憐嘅我就淨係可以食白飯……

食完飯之後，我地睇咗陣電視。

「差唔多啦，呀哥快啲送人返屋企啦。」雪彤說。

「咁我地走啦。」我說。

「嗯。」曉琳起身。

由我屋企行到曉琳屋企，只需要十五分鐘。

我地默默拖住手行過呢段旅程。

「好啦我走啦。」去到曉琳屋企門口嗰陣，曉琳說。





「嗯，拜拜~」我說。

「路上小心呀~」曉琳說。

我地互相抱住大家，然後我地塊面越哄越埋，最後我錫咗落去。

呢一吻好長，長到我地都唔記得咗時間。

最後喺曉琳輕輕咬咗我嘅脣一下，我地先分開。

「好啦我真係要走啦。」曉琳說。

「拜拜~」我說。

「拜拜~」曉琳講完之後就轉身入屋。

我就企喺原位等曉琳入咗屋之後先走。
-----------------------------------
俾樣野你地估下，
你地一定估唔到。
就係我又要停更幾日啦，
盡情屌我啦！
其實係因為要去camp，
呀sir話嗰到唔會有wifi，
所以我就算寫得到都更唔到。
7月5號先返嚟，所以我地兩日後見啦。
順帶一題，我考試好成功咁攞到全級16名，
所以呢篇估暫時唔會被迫腰斬啦。