女神話我考試排名高過佢 就滿足我一個願望: 第十五章----煮飯仔

嗯......睇嚟我可以唔洗咁緊張比賽既勝負。

因為我可以買「月」之戒嚟向曉琳表白。

憑曉琳望住「月」之戒既眼神，我就知道曉琳已經俾隻戒指吸引。

希望我下次嚟果陣，「月」之戒仲未俾人買啦。

「我地今晚食乜野呀？」曉琳問。





「我記得屋企有杯麵......」我尷尬地説。

曉琳聽到之後即刻係咁搖頭，好似好抗拒杯麵。

「呢啲野冇益嫁，我地返屋企玩煮飯仔啦！」曉琳説。

「你識煮？」我問。

「咳！我唔識煮啫，你識丫嘛！而且你仲可以教我添！」曉琳説。





唔好啦......教人好煩呀......

我冇得拒絕，俾曉琳拖佐我去街市。

冇錯，係拖！

一開始我地都係並肩慢行，但係曉琳望一望隻錶之後，佢就拖住我跑去街市。

第二次俾曉琳拖住我隻手，佢隻手都依然係咁滑。





「喂喂喂！你跑咁快做乜呀？」我説。

「再唔跑快啲，啲靚食材就會俾人揀哂嫁！」曉琳説。

點解一個唔識整野食嘅人會留意呢啲野......

入到街市，曉琳好熟手咁揀食材，同啲老板討價還價。

我喺隔離睇到呆哂。

行咗參唔多半個鐘，曉琳先話買完，佢兩手空空咁走咗。

我就拎住十幾個袋。

行到一半，曉琳好似終於發現我跟唔上佢嘅速度，行嚟我身邊幫我攞走幾個膠袋。





「重唔重呀？」曉琳問。

「唔......重！」我咬着牙説。

「唉......唔好死頂啦！」曉琳説。

跟住佢幫我拎咗一半膠袋。

就咁睇，曉琳好似好輕鬆咁，但係我感覺到佢都只係喺到死頂。

我冇再喺佢手上攞返啲膠袋，同甘共苦好似就係佢嘅特性。

一返到屋企，曉琳將啲食材掟哂去廚房升盤，然後軟哂咁瞓咗喺梳化到。





「唔好瞓喺到啦！要瞓就入房啦！」我説。

「俾我瞓啦！啲食材好重，搞到我好倦呀！」曉琳説。

「重你就唔好幫我手啦！」我説。

佢冇應我，原來佢已經瞓着咗。

有冇咁倦呀......

我去咗洗一洗手，就入咗廚房睇下曉琳買咗咩食材。

蘿白，豬肉，金菇，肥牛，黄花魚......

一般家庭會食嘅餸。





--一個半鐘後--

「呀......」曉琳瞓醒。

「咦？醒咗啦？」我説。

曉琳睡眼惺鬆咁伸懶腰，嘴角仲有少少口水。

「咁香嘅？咩嚟嫁？」曉琳問。

「啱啱好整完晚餐，快啲洗完手出嚟食野！」我説。

「哦......」曉琳説。





曉琳洗完手出嚟之後，望住個飯枱望到呆哂。

「嘩！蘿白湯，金菇肥牛卷，香煎黃花魚......咁好餸呀！」曉琳説。

「坐低食啦咁多野講！食完俾啲意見嚟！」我説。

「稿稿滴呀！(好好食呀)」曉琳食到停唔到口，個口漲卜卜。

「慢慢食啦！小心哽親呀！」我勸説。

曉琳冇理我，繼續瘋狂咁食眼前嘅食物。

「咳......咳......」曉琳真喺哽親。

我拿拿臨攞咗杯水俾佢。

「都叫你唔好食咁快嫁啦！」我幸災樂禍地説。

「仲好講！明明就係因為你咒我我先會哽親嫁！」曉琳理氣直壯地説。

「一定係咁啦！」我説。

「嗯嗯！」曉琳和應。

快啲叫人Call白車呀，我就嚟頂唔順啦！

呢餐飯食得好快，因為曉琳暴風雨似的吸食。

「浩雪，你玩緊咩呀？」曉琳指住我嘅電腦屏幕問。

「英雄聯盟囉！」我説。

「教我玩！」曉琳要求。

「下......唔好啦......」我

唉......唔應該玩㗎......

「有得你唔俾咩？」曉琳説。

曉琳推走我，搶埋我個滑鼠。

「唉......」我歎氣。

經過一個鐘嘅教導，我肯定！

曉琳係永遠都唔會識玩㗎！

精湛嘅走位，直接行過去食技。

完美嘅出裝，六把多蘭劍。

準繩度極高，指向技命中率0%。

「隻game咁難玩嘅......」曉琳垂頭喪氣地説。

「放棄啦！你唔會識玩嫁啦！」我説。

曉琳難得冇駁我，只係冷哼一聲。

之後曉琳就一直坐喺後面睇我打機。

俾人望住打機真係好大壓力......

玩多一陣，我望住曉琳，先發現佢已經瞓着咗。

「衰妹......」

曉琳瞓得好冧，嘴角仲流咗少少口水。

我望住佢，居然有種想咀佢嘅沖動。

林浩雪！你思想唔可以咁邪惡㗎！

我抱起佢，慢慢咁行去佢間房，我輕輕咁將佢放上床。

唔知曉琳幾時會走呢？

如果可以嘅話，我希望佢永遠都唔會走。

但係我知唔得。

第二朝，我行入曉琳間房，先發現佢已經走左。

而書枱上面放咗一張紙。
-------------------
Sorry ar咁耐冇文，啲排名跌得好勁
禮拜二就考完試㗎啦