女神話我考試排名高過佢 就滿足我一個願望: 序章

有人話，小學係拍拖既時代，因為啲女夠單純，而且升上中學後可以直接飛佐佢。

有人話，大學係拍拖既時代，因為啲女已經完全發育。

有人話，當你出嚟做野果陣先係拍拖既時代，因為雙方既思想已經成熟，一拍拖基本上就等於結婚。

但係我認為，中學先係拍拖既時代，因為啲女唔會因為利益而埋你身。

即使最後我地分手，但我都唔會忘記當初追到佢果陣，同佢拖第一次手同埋第一次kiss既感覺。





我唔會忘記，即使我係學校扮窮扮毒，你都對我不離不棄。

係你生命既最後一刻，我乜野都做唔到，但係你冇怪我，只係笑望佐我一下，然後帶往笑容逝去。

我唯一可以做既事，就係將我地既故事寫翻出嚟。

我既記憶，漸漸返返去中二果陣，

我地相識果一年。