講故．講夢: 廿九

阿天的精神狀態對於我而言是首要的任務，如果放任不管她有可以自毀，甚至去殺死阿助……我靜坐在阿天的身邊靜靜地陪著她，她偶爾會放聲大哭，但亦會突然靜了下來。
       
「起碼證明你直覺有九十度吖，離開個賤男未嘗係一件好事。」我本打算安慰，但句話又刺激得她「嗚」地叫。
       
唉，出殺手鐧……
      
  我拿起一部結他坐在她對面，生疏地彈起一首歌。
       
https://youtu.be/-KHfowrzRy4       
我放下結他，坐回她身邊對她說：「呢首歌係講一個人被另一個人拋棄，得返自己一個係好可怕，因為習慣咗兩個人所以一定會適應唔到，但要知道佢只係你生命中嘅一個過客，無論點都要向前行。係，你係受到好大打擊，但唔好對愛情失去希望，失去憧憬。」
       
阿天好像停下了哭泣，她如是者又靜了五分鐘，終於抬頭望向我。
       
「Nice Song，原來你識結他。」她微笑地說，「首歌你作嘅？」
       
自從我上大學後已經沒有再碰過結他，結他的每一顆音符曾經拯救過我，這次換我去拯救人。
       
「係，呢首歌係我係中學個陣寫嘅。當時我畀初戀女朋友飛咗，所以就用咗我鐘意嘅歌手嘅歌去填廣東話詞，諗住用音樂去鼓勵自己向前行。我識彈結他呢件事除左中學同學之外基本上冇人知，你係第一個再一次聽到我演奏嘅人，益咗你啦！」
       
「仲有冇？」阿天笑問。
       




「有嘅，我曾經寫過一隻歌喺聖誕聯歡會嗰陣唱，但情歌嚟喎，你頂唔頂得順？」阿天看來心情好多了，於是我再拿起結他高歌一曲。
       
當我唱到副歌的時候，阿天又再一次哭起來，我停下演奏，怎料阿天竟然撲過來抱著我。
       
「喂……我有女朋友㗎！」我意圖擺脫她，「Elvin，借嚟用下啦！畀啲人性！」阿天在我懷內繼續哭泣，直至她睡著……怎麼跟我小說的內容如此相似……
       
「係啊，阿天叫我去同佢捉姦，係啊兩個裸女啊！冇……冇……佢地經過我個陣個身掂到我囉……冇！我邊敢望！係……佢地係喺我前面換衫，但正所謂非禮勿視嘛！」我甫離開阿助的band房便立即向家澧警官報案，「阿天？冇咩事喇，佢仲係我心口都瞓著咗……唔係！你聽我講，咁佢唔開心佢想點就點㗎啦……痴線，佢唔係啲咁嘅人……佢同男朋友都冇做過㗎！」我知道我如實相告簡直是衝向地雷陣一樣引火自焚，但要知道我寧願家澧生氣我一會，總好過將一切隱瞞，會分手的啊！坦誠在戀愛當中是很重要的元素，所以大家千萬不要對另一半說謊啊！不過呢……要家澧下了這口氣看來不容易，畢竟我又看了兩個裸女，又讓阿天抱了近二十分鐘，唯有去日本的時候做些驚喜吧……