講故．講夢: 十八

或許凱瑞說的話是沒錯的。我依照故事本身的發展去寫，慢慢發覺讀者數量開始回升。

｛巴打我錯，呢個故純愛其實更加好#adore#｝

｛睇嚟巴打搵到自己應該寫邊種故事喇喎｝看來的擅長的的確是純愛的故事。故事雖然沒引起極大迴響，但總算對我筆下的角色有所交待地完美落幕。

「麻煩晒你阿天，你今晚搞掂之後我就將個打包放上Facebook。」阿天替我設計《Free Hug》的主題美術圖實在很漂亮。阿天跟男朋友阿助已經拍拖近兩年，一直是我跟家澧很羨慕的一對。

「Okay，你唔mind我走先？我約咗我boyfriend去Central。」我表示她可以隨時離開。阿助雖然已經在上班，但平時都會跟他的Band友一起玩音樂和出席大小的活動。他是樂隊的主音，聽說他和阿天的相遇是在學校的歌唱比賽。當時他的樂隊獲邀做評判兼嘉賓，當時身為活動負責人的阿天非常欣賞阿助的音樂風格。在活動完結後交換了電話，再過兩個月便順理成章於一起。
一個ABC跟一個Band友的組合其實很合襯，很快他們便成為同學眼中極為相襯的一對。




       
說回自己的近況，第二個故事完結之後又回到靈感搜集期，這回我想寫一個關於矛盾的故事，但暫時沒有實在的主意。我和家澧依舊每天相見，三個月形影不離的情侶已經不是恩愛，是噁心吧！最近我們一星期只會相見六日，因為她開始了模特兒的工作，即使工作一點都不頻密，但有時候她都因為要拍照而不能和我約會。
       
「BB，你下星期買XX雜誌睇吓！」家澧幸福地通知我，原來她為一個品牌影了一輯相片，會被刊登在雜誌的內頁。
       
「得嗰一頁就咁得戚，作家同模特兒嘅愛情故事好似唔錯喎！」
       
「又擺我上枱，好彩冇其他人知你係講故台寫梗故仔咋。」對於大家而言可能有點奇怪，我在講故台寫故事一事只有家澧、凱瑞、阿天、阿祖和一些較熟稔的朋友知道，我連家人都沒有通知過。也許我不喜歡其他人因為我是高烙然所以「俾面」而追看我的故事，而是希望他們喜歡伊高仙貝所寫的每一句每一個字。
       
「你又向梗你夢想行，我又向梗我夢想行，我哋係咪夢想夫婦？」家澧續道。




       
「邊個話娶你？同埋你遲啲出名就越識越多靚仔明星，邊會記得我呢個只係幹頭寫字嘅傻佬。」
       
「衰人，係啊我唔會要你㗎喇，你做一世毒男啦！哼！」定澧別個頭假裝不理我。我從後抱著她在她耳邊說：「非卿不娶啊袁家澧！」
       
她轉身滿意地笑笑，嘴唇蜻蜓點水的輕吻我一下，「非君不嫁……我都係諗吓先！」
       
公平咩？       
「凱瑞你個故拖到而家都仲未完嘅，想點？」我笑笑問凱瑞。雖然我們經常為文章吵架，但好像一直都傷害不到我們之間的情誼。
       




「我有個問題想問你，你想sad ending定happy ending？」
       
我想了良久後發表自己的意見：「你如果心入面嘅係sad ending咪sad ending，happy ending咪happy ending囉！你先兩日先教訓完我。」
       
「問題係兩種結局都係我想見到嘅結局。」
       
「咁啊……你見凍忌廉sad ending寫得幾入心入肺，成個人可以灰幾個鐘，無話唔可以嘅。」
       
「一係我出咗sad ending再睇反應，happy ending就當番外篇咁出。」
       
「都可以啊，咁你個sad ending係點，拎嚟睇下。」