講故．講夢: 十四

「我諗左好耐㗎！你知唔知我點做到？」家澧像做了惡作劇的小孩般傻笑，好像在考驗我。
    
我深思了二十秒終於開口：「我已經知道真相係點，我賭上我爺爺金田一耕作之名，一定要拆穿你！」家澧沒好氣地拍我的頭。
    
「一睇就知你用Telegram自己pm自己錄音，頭先一插耳機個下你扮聽梗歌，之後幫我戴咗耳機就播錄音。」
    
「你又知係Telegram嘅？」
    
「你播第一段播音之後就冇再㩒過個電話，證明啲三段錄音係一次過播晒出嚟，WhatApp唔得夠一次過自動播晒分段嘅錄音，得Telegram得咋嘛。」
  




 「阿一你嘅推理好完美啊！」我想家澧沒有意料到我分析能力會這麼好。
    
「咁美雪，可唔可以畀我錫多你一次？」我輕吻家澧，如果這一刻香港下雪有多好。喂！作者，你是這小說的話事人，不如控制香港下雪啦！
    
「嘩！落雪啊！」嘩！作者你好有效率啊……天空滿佈白白的雪花徐徐落下。這個故事就在沒有BBQ之下大團圓結局。
  
 傻啦，怎會完？
    
「乞嚏！乜原來係綿花嚟咋……」家澧有點失望，我想這一刻的主題曲，大概是……
    




綿綿頭上飛花，散聚了無牽掛……
________________________________________
  
 如是者又過了兩個月，我的處男作在大受好評之下落幕，很多巴打絲打都期待我下一個故事，但我卻苦無頭緒。
    
凱瑞的賭場故事亦都完結，我們兩人對視而坐，各懷心事。
    
「個賭場故係寫得幾好，但牽涉太多賭博成分同粗俗對白，搞到出版社冇興趣為佢出書。聽講佢地對你個個惡魔故好有興趣，或者到你有機會出書。」
    
「我有冇聽錯？個故完左個幾月都冇人搵過我，我以為冇機會㗎喇！我當然想呢個故事可以出實體書，話晒係我同家澧好有紀念價值嘅故事。」




    
「呢啲嘢已經係其次，問題係而家我哋兩個都冇頭緒啊！」
    
「落街行吓啦，順便食個飯。」我建議兩人先稍作休息。
    
「係喎烙然，你有冇玩過呢隻game，我覺得幾得意。」
    
向來對手機遊戲零興趣的我根本沒有留意，於是敷衍地說：「咁鐘意咪課金囉！你又唔係冇錢。」
    
「你講多次？」凱瑞整個人怔住了。
    
「我話，你課金囉！」
    
「掂啊！掂啊！」凱瑞雙手捉著我的手上下搖晃，「Thanks，好兄弟！我返上去先，幫我買外賣！」他像一支發射了的箭直奔回他所住的大廈。
    




「即係有靈感啦……」我搖一搖走，行進轉角的茶餐廳內。
________________________________________
    
在我等候外賣期間，電話又響起。凱瑞打來嗎？
    
「喂，請問係咪伊高仙貝先生？」明明我沒有跟其他人透露我的身份。
    
「我係，你係？」
    
「你好我係星願出版社打嚟㗎，閤下所寫嘅《我係一個戴耳機扮聽歌嘅怪人》好有趣，所以想問下你有冇興趣同我哋合作？」
    
「好！好！好啊，幾時？我而家嚟？」我掩蓋不到自己雀躍的心情。
    
「下星期二下晝三點上嚟Okay嘛，地址係……」
    




「冇問題！我落堂即刻衝過嚟，多謝你！」
  
 我掛斷電話後立即致電家澧：「喂，BB我有機會出書喇！」我欣喜的向家澧、凱瑞和阿天報捷，但一切真的會這麼如意嗎？
________________________________________
    
「威啦，就出書啦高烙然！」我回到凱瑞家後把外賣遞給他。
    
「傾咋，不過已經近左一步啦！」我打開眼前的干炒牛河開始狼吞虎嚥。
    
「咁你又諗到啲咩啊凱瑞？」
    
「你有冇諗過如果人生所有野可以課金抽返嚟會點？無論友情、愛情、親情、事業、金錢、名利都可以由呢部抽蛋機抽出嚟。你想唔想抽？」