[旅行鬼故事系列] [陳生返黎啦] 澳門旅遊之陰魂不散的傳教士: （三十）
進入到大教堂內，內裏漆黑一片，只有微弱的蠟燭火光，在照亮著室內！
而室內的裝修，跟我夢見的情景一模一樣！
「天賜，睇嚟呢個真係被催毁前嘅聖保祿大教堂！」我輕聲說。
「點解你會知道？」天賜在說話的同時，撿起了散落在地上的木捧，利用蠟燭的火會點燃了它！
木棒被點燃後，強光照亮了整個教堂！
「因為我曾經夢見呢度！如果我無估錯，禮拜堂隔離應該有一間細房先啱！」我搞過了一支火把，靠著火光尋找著記憶中的小房間。
「就係呢度啦！」我推開了小房間的門，一股刺鼻的味道向我們襲來，是一種腐壞的味道！
「好……好臭！」我忙掩著鼻子，眼前出現的，是一堆已經腐爛了的屍體，地上亦佈滿了那些屍體所流出來的屍水！
「好……好可怕！」天賜掩著鼻子，驚恐的說著！
「天賜，過嚟呢邊幫手，我想搬開呢個櫃！」
我和天賜合力把一個櫃子移開，後面是一個壁爐！
我在房間內四處張望，想找一些鈍器來破壞壁爐內的牆壁！
「子鋒，你搞咩呀？」天賜問。
「好，搵到啦，你讓一讓開先，我要打爛呢道牆，如無意外應該會有條秘道！」
我奮力的敲打了數下，牆壁果然出現裂痕！
我再用力的敲打了數下，牆身被我敲出一個大洞來，背後果然是一條秘道！
我和天賜進入了秘道內，又聽到了阿詩的求救聲：「快D嚟救我呀！」
我和天賜加快了步伐，來到盡頭時，我憑記憶找到了秘道，之後順利的來到一個寵大的空間，是當日那些傳教士被困的地方！
「呢度係？」天賜疑惑的說。
「呢度就係果D傳教士被逼到走投無路嘅地方！亦係我同果隻魔鬼戰鬥嘅地方！只係……有一個地方唔同！就係出口係開咗嘅！」我指著出口的方向，當日那些傳教士，就是因為弄丟了鑰匙，所以逃不出這裏，才會被那些人殘殺而死！
「咁……企係十字架下面果個係咩人？我……感受唔到佢嘅氣息！」天賜輕聲的說。
「我都唔知，不過出現得喺度都唔方係咩好嘢嚟！」我回答天賜，但眼睛一刻也沒有離開那個人！
只見那人突然站了起來，回過頭來看著我們，看來只是一個普通的中年人！
「שלום！」那男人對我們發出了一些奇怪的音節。
「你講咩呀？你究竟係咩人？」我警戒著說。
「Oh，wait！唔好意思，轉唔切語言！我頭先係講『你好』，我等咗你地好耐啦，嚟，跟我行啦，我主人等緊你地！」這人慢慢的走到我們身旁，來到我們身前約五步的位置。
然後，我總算感受到這人的氣息了！
他的體內混雜著正與邪的氣息，由於兩種力量互相干擾抵消，所以天賜才會感覺不到他的氣息！
「停低！你未答我地，你究竟係咩人！」天賜把桃木劍刺向對方的咽喉，並剛剛好的停在咽喉前！
「哈哈！唔駛咁緊張，我只係帶路人，負責引領你地去主人面前！不過，估唔到你地嘅力量......係咁吸引人……難怪詹姆士竟然想搶奪佢主人嘅獵物！」這男人看著我們，嘴角竟流出了大量液體，十分嘔心！
我和天賜馬上退後了數步，警戒著這可疑的傢伙！
「呀！唔好意思，失禮啦！」他用雙手抹掉了嘴角的唾液，回復了原本正常的樣貌！
「你主人究竟係邊個？同詹姆士又係咩關係？你係咪又係瑪門派嚟嘅手下？」我盯著他不放，手上亦已結好了定身咒的手印，準備隨時封鎖他的行動！
「既然主人無禁止我講，我就盡量滿足你地嘅疑問啦！不過，你地都要乖乖咁跟我去見主人，如果唔係，果兩位小妹妹會有咩事……我就唔擔保啦！哈哈哈哈！」
天賜正想發作，我卻先他一步施展了定身咒！
然後運起劍指，在他臉上劃出一道血痕！
「唔好以為我會同你地D魔鬼做任何約定！你只要乖乖地咁答我地問題就得啦！」我指著他的額頭，示意我隨時能把他殺掉！
「點解……你嘅力量會咁……算啦！我就先順一順你地嘅意思，反正果兩個妹妹仔仲喺我地手，量你地都唔夠膽亂嚟！首先，我主人唔係瑪門，呢頭純種惡魔唔配做我主人！詹姆士嘅主人先係瑪門！簡單講，我主人同瑪門，暫時係同盟嘅關係，今次原本係瑪門嘅手下負責，不過估唔到詹姆士會中途叛變，想私底下吸收你嘅力量仲要失敗埋，所以我主人先會親自出手嚟對付你地！」
「你仲未答我，你主人究竟係邊個？同埋點解要捉走阿奶，究竟有D咩目的？」
「我地嘅目的？哈哈，你根本唔了解我地，瑪門嘅目的係將佢老豆薩麥爾復活，重新統一魔界！我主人幫佢，只係因為瑪門答應咗，一旦薩麥爾復活，就會借出兵力俾主人去攻擊天界！依家你應該知道我主人係邊個啦！哈哈哈哈！而果個女仔嘅靈魂，非常之適合我主人，只有背棄神，離棄神嘅人，先可以得到救贖，得到永生！我地先係真理！哈哈哈哈！」媽的，這傢伙看起來是瘋了！
「唔……唔係卦？無可能！」天賜好像不太相信眼前這瘋子的說話！
「天賜，你係咪知佢講緊乜？我完全聽唔明，又瑪門又薩麥爾！究竟佢主人係邊個先得架？」我對宗教的認識實在不多。
「算啦，到呢個地步我都係唔好懷疑真假啦！子鋒，你聽住，如果呢條友講嘢係真嘅話，我地更加要救出阿奶同阿詩！因為……就佢頭先所講，佢主人應該就係墮天使路西法！」那瘋子聽到路西法時，發出詭異的笑聲。
「路西法？咩料呀？我完全load唔到你講乜！」我腦內的中央處理器快要燒壞了！
「簡單講就係，佢地要阿奶嘅靈魂，係用嚟復活薩麥爾同埋成為路西法嘅手下！而且，當薩麥爾復活之後，就會借力量俾路西法攻打天界，即係再次對神進行叛變！」
「吓？唔撚係卦？」大家請自行補上「唔撚係卦」的圖象，那便是我現在的表情了！
「哈哈，講得啱呀！路西法就係我主人！佢將會再次侵略天界，再一次挑戰神！我地今次係唔會再輸嘅！」
我冷靜下來，稍為整理一下，發現根本處理不了這大量的資訊，但……我還是得出了一個結論！
「簡單講，呢班唔知天使定魔鬼嘅生物，就係諗住要我同阿奶條命啦？知道咗佢地目的就得啦，果D咩神呀魔呀，佢地想點打係佢地嘅事！但搞到我同我條女，仲要搞埋我D朋友，我就要你地後悔！既然無嘢再需要佢，天賜，我地行啦！快D去救返阿詩同阿奶，跟住開開心心咁玩埋今日就算啦！」我其實是不想再聽那些難懂的事情了，所以便打算沿著出口離開，救出阿奶和阿詩！
「你地唔可以自己去，我係帶路人，一定要我帶你地去！」那瘋子被我的定咒綁得死死的，口中卻還在說瘋話。
「唔駛客氣啦！既然係呢條路，我地自己行得啦！天賜，我地行啦！」
我示意天賜跟我離開，因為我感覺到，這瘋子有點不尋常，照道理說，以他的力量，應該能破解我的定身咒！
但他仍然裝作被我的定身咒困著，肯定是有甚麼圖謀，對付這種人，最簡單的方法，就是不跟他那套去走就對了！
所以，我決定跟天賜沿著出口，去尋找阿奶和阿詩！
「我叫你地唔好自己去呀！點解你地唔聽呀！」這瘋子終於露出他的本性了！
只見他一下子破掉我的定身咒，然後身體慢慢變成了像詹姆士那樣的魔鬼形態！
只是，他的外形有點不同！
他背部的一對羽翼，竟是一黑一白！
黑色那邊，跟詹姆士的一模一樣，但白色那邊，卻感覺有種神聖的感覺，只是在神聖中，混雜著一絲不祥之氣！
他毫不猶豫，把一些東西射向我和天賜！
在不清楚那些是甚麼東西前，我們選擇了迴避一途！
我們各自向左右兩方閃避，只見那些東西狠狠的打在地上，弄出了一個又一個的小洞來！
「頂，魔鬼學咩人用子彈呀！」我還以為他用了手槍類的東西，向我們射擊！
「子鋒！唔係子彈嚟！呢D係……銀幣！」天賜在小洞裏把剛剛那些東西從洞中挖出來，竟是一個又一個的銀幣！
「天賜！放手！」我用力的打向天賜的手，想把他手中的銀幣給打掉，可惜還是慢了一步！
只見那銀幣像有生命般，以高速回歸到那魔鬼化的瘋子身上！
而天賜手中的銀幣，則在回歸到魔鬼身上時，把天賜的手給弄傷了！
「仆街！五雷咒！」我從天命叔學來的新咒術，總算是派上用場了！
只見一道閃光激射向那魔鬼，我原以為能一擊即中，卻想不到，剛剛那些銀幣，變成了像避雷針一樣的形態，把我的五雷咒給引開了！
「哈哈哈哈！你嘅力量果然好吸引，難怪詹姆士會背叛瑪門！我要得到你嘅力量，到時路西法又好，撒旦又好，我都唔需要再聽佢地嘅說話！乖乖地俾我吸收啦！」然後那些銀幣聚集在他的面前，形成一把像是利劍的東西！
「一個二個都痴線架！又話要聽主人講又要嚟殺我！都唔知咩設定嚟，食屎啦！」我再以五雷咒攻擊，卻再次被那銀劍給引開了！
「主人？背叛本來就係我嘅本性！只要有足夠嘅報酬，任何人我都可以背叛！」這瘋子抓著那把銀劍向我們襲來，我準備迎戰！
天賜卻向前走了一步：「火神咒！」
一道烈焰向前激射，擊退了這個瘋子，銀劍變回普通的銀幣，散落一地！
「廿八，廿九，三十！三十個銀幣，原來你就係猶大！子鋒，你去救阿奶同阿詩，我係度解決呢個背叛者！」天賜雖然堅地說，但只見他的左手仍在淌血，看來不能輕鬆應對啊！
「但係……」我真的放心不下，但天賜的一句話卻讓我改變了主意！
「唔好再但係啦！已經五點幾，時間無多啦，你要趕喺六點六分六秒前救返阿奶，我地兩個再喺度拖落去都唔係辨法！區區一隻魔鬼，我五歲果陣已經見過老豆點樣對付佢地，我唔會有事，快D走！」
我看了看錶，如果天賜所說的真的是最後時間，那麼我只有一小時不到去解救他們！
算了……此刻也只能相信天賜了！
「呢度交俾你啦！我救返阿奶同阿詩之後，就會過嚟搵你！」我馬上繼續前進，天賜，拜托可不要出事啊！
「明知道我就係猶大，都仲敢同我對抗！你嘅力量弱過頭先個細路咁多，咪盞送死！不如我幫你救返你女朋友，你加入我地陣營啦！」猶大不愧是背叛的標志，此時還不忘放出誘惑的果實！
一時火焰劃過猶大的臉傍：「我無興趣加入將死嘅妖怪陣營！準備受死啦！」
天賜把袋裏的符咒還有令旗都拿出來，準備放手一搏了！