[旅行鬼故事系列] [陳生返黎啦] 澳門旅遊之陰魂不散的傳教士: （二十四）
「上次你明明用唔到呢種力量架？點解？人類無可能咁易擺脫到恐懼，你究竟係咩人？」詹姆士仍然在掙扎著，但看來一時三刻應該跑不掉了！
「我係咩人？好明顯係天才啦，如果唔係點會咁快無事！」
不，其實我的內心仍然感到強烈的恐懼！
因為在說這句話的時候，我的身體仍然止不住顫抖，這就證明了對著這魔鬼仍然感到害怕！
但，我決定了，要賭在下一擊裏！
只有打倒它，我才能跨過這道恐怖的高牆！
「哼！你困住我又點！你一樣唔知道點樣離開呢度！你都係乖乖地放開我，我可以令你死得痛快D！如果唔係，等我解開咗之後，一定好似殺果班人咁，慢慢折磨你至死！哈哈哈哈！放咗我！」詹姆士掙扎的力度愈來愈強，看來他真的快要掙脫了！
而在聽見他重提起昨晚的情景，我的身體顫抖得更厲害了！
「仆街！唔好再震呀！」我在心裏大喊著，想要停止顫抖，但只能稍為緩和那種恐懼感！
「放你？你當我白痴呀？等我搞掂你再慢慢搵出口都唔遲啦！」沒有時間猶豫了，我走到他的面前，雙手結印，然後放到他的額頭上！
「你想點呀？放開我呀！」詹姆士加強了掙扎的力量，快要被他掙脫了！
「雖然我唔係教徒，但你地應該最唔鍾意見到上帝架啦，就等我送你一程！願主寬恕你的罪行，阿門！後面呢句係我醒你嘅，食屎啦！九字護身法！」我口中諗出咒法，把積蓄起來的力量從右手放出！
強光向前方散發開來，只聽見那魔鬼發出淒慘的叫聲！
在強光散去後，那可惡的魔鬼只餘下下半身，應該消滅了吧，也感覺不到它的力量了！
我坐在地上喘著氣，身體的顫抖總算停止了！
靈力充斥著我的身體，這種感覺真好，這才是原本的我啊！
「屌你，搞足我兩日，你呢鋪仲唔死！」我站起來，開始四處走著，搜尋著不知道在哪兒的出口！
我把整個禮拜堂都摸了一遍，但就是感覺不到充斥著靈力的位置。
照道理說，如果真的是結界，一定會有所謂的設立點，用以提供進出之用！
「究竟係邊呀屌！定呢個根本唔係結界呢？咦……唔通……」我靈光一閃，仔細看著四周！
「果然係咁……但係……如果係夢，我殺咗佢，應該佢個夢會消失先啱架？」我馬上回頭一看，只見原本躺在地上的那半具屍體，不知道甚麼時候消失了！
然後，我感到背部一陣疼痛，感覺像被甚麼鋒利的東西劃過似的！
「呀！！！！好痛！！！！」我感到背部應該正在淌血，那種痛楚使我差點昏倒過去。
「哈哈哈哈！傻仔，你終於發現呢度係夢啦，不過可惜，發現得遲左少少！」我回頭看著他，只見他已回復了人形，只是右手變成了類似野獸的利爪，而這變態傢伙，則在輕舐著利爪上的，本應屬於我的鮮血！
「點解你會無事！我明明已經……」我看著他那副模樣，不由得想起那些被他屠宰的人們，但幸好，痛楚早已勝過恐懼，想不到這樣反而幫了我！
「哼！無事？如果呢度唔係我嘅夢境，我一早已經死咗啦！喺夢入面我只要仲有殘留嘅形態，我就可以重生！不過你唔好以為咁樣我就唔痛！依家到你試下有幾痛啦！」詹姆士雙手變成野獸的狀態，狠狠的砍向我的雙腳！
我勉強滾向一旁，避開他的攻擊！
但左腳卻仍然被他的爪子給抓出了數道血痕，傷口深得差點能看見我的腳骨了！
「呀！！！！！」我真的很痛，我真的很害怕！為甚麼我要碰到這樣的事情？
「哼！你知道痛啦？你知唔知頭先俾你打爆咗上半身，我係幾咁痛呀！仲想送我去見上帝！哼！」說罷，他右手劃向我臉，雖然我稍為退後，但臉上已被他劃出數道血痕，我的左眼更痛得張不開來，我變瞎子了嗎？
「呀！點解……點解……」痛楚已把我的意志和內心都徹底摧毁了！
此刻我還能不說出一些求饒的說話，只是憑藉著天命叔曾經的教導，知道所有在夢中發生的東西，都存在逆轉的可能性！
不然的話，我可能已經投降，徹底的死去了！
「衰仔，你呢十年陰運唔係講笑架！」還記得大約一年前，半正式的跟天命叔學道後，他第一句給我的忠告，就是這句說話！
「超，駛乜驚者，之前果兩次咪又係無事！」我不在意地說。
「之前兩次係你好彩！同埋，如果唔係有我同小詠，你一早死鬼咗啦！」天命叔以責備的口吻對我說。
「知啦知啦！所以我咪跟你學道囉！」其實我也知道，之前的事件是有多危險的。
「知就好啦！之前你係我度偷學咗唔少咒印架啦！但係呢一刻開始，你唔可以再學新嘅咒印，你首先要明白，你擁有嘅力量係咩一回事！」他看著我，我點了點頭以示明白！
「首先，我地所用嘅力量，我就鍾意叫佢做靈力嘅！而靈力嘅來源究竟係咩，無人可以答到你！只係知道，呢種力量係儲存喺人嘅體內，並且會受到人嘅意志、心靈同埋情緒等等影響！所以，基本上任何人，都擁有某程度上嘅靈力，而強弱就要睇返果個人嘅容量有幾多啦！」我聽到這裏，打斷了天命叔的說話。
「咁即係任何人都可以做道士啦喎？」
「道你個死人頭士呀！你個頭就可以任何人都拎去打！呢個世界有好多唔同嘅事物，係識得運用呢D神奇嘅力量！果D可以係仙、係神、係魔、係妖……總之都係一個稱呼啦！至於所謂道士，只不過學嘅同埋相信嘅，係道家嘅理論！而每一家，其實都有引出自己靈力嘅方法！簡單講，好似功夫咁，有各門各派，但佢地都係叫做功夫，而且用起上嚟亦都對任何人有用！明未？」
「哦！」其實我本想問他，那我是否可以去跟隨其他教派，例如天主教，去學習他們使用力量的方式！但為了縮短他說話的時間，我還是忍下去了！
「我講到邊呢？呀！係每個人容量嘅不同！呢樣嘢可以靠後天鍛練嘅！所以嚟緊你需要每日修行，增加你嘅靈力！而講到尾，所謂嘅靈力，係經過咁多年嘅修練之後，我就大約知道，佢其實係同我地嘅意志有最大嘅關係！當你驚嘅時候，有再強嘅靈力都唔會有作用！而當你心存正氣，意志堅定果陣，你就可以引發出你所有嘅力量！而果D所謂妖魔鬼怪，往往都會蠶食你嘅內心，等你嘅內心軟弱之後，再嚟攻擊你！」
「我呢D內心堅強嘅熱血男兒咪唔駛驚囉？」我的額頭吃了天命叔一記的桃木劍，可惡，下次一定要避開。
「話你蠢就係蠢！人嘅感情係好容易受影響架，就算係我，都有驚嘅時候！而佢地最常用嘅方法，就係入侵你嘅夢境，或者將你嘅精神拉入佢地嘅夢境之中！小詠同黃大一果陣，我諗你都試過俾人入侵架啦！其實俾佢地入侵夢境嘅話，情況唔會有好大危險！因為果個係自己嘅夢境，只要你意識到呢一點，基本上你可以控制到夢境入面所有嘅事物！所以唔駛擔心自己會輸！」
「咁如果係俾人捉左入去佢自己嘅夢境呢？」
「咁嘅話就麻煩得多，因為夢境內容可以隨佢嘅意思轉變！佢可以製造出你最恐懼嘅情況，令到你愈嚟愈軟弱，從而破壞並吞噬你！」天命叔嚴肅地說。
「吓？咁大鑊？咁咪者係死緊？點解上次黃大一佢地唔咁做嘅？」
「呢種方法有利亦有弊嘅！第一唔係每一個人或者妖邪會有呢種能力！二嚟就係，如果被捉入去嘅人，內心唔屈服嘅話，佢地隨時都有機會俾對方反咬一口！」
「反咬一口？」
「無錯！係夢入面所受嘅傷害雖然有好強烈嘅真實感！但只要你內心知道呢個係夢，而且唔向對方屈服，你嘅身體係唔會受到實際嘅傷害！只有當你屈服，係夢入面受嘅傷害，先會實際顯現喺身體上！所以，如果用盡方法，對方都唔屈服，最後失去知覺，果個人就會成功逃離夢境！」
「咁都做唔到反咬一口架？」
「我都未講完！如果真係出現呢種狀況，捉人入夢境嘅妖邪，會因為失敗而被困於自己嘅夢境入面，無辨法再走返出嚟，直至肉體死亡！而妖邪一般嘅生命都會好長，長時間留喺同一個夢入面，對佢地嚟講係最大嘅折磨！順便講下，用呢種方法捉人入夢嘅妖邪，佢地喺夢入面死亡，亦都會導致肉身嘅死亡！」
「哦！咁即係話，就算俾人捉入去，只要我唔屈服，繼續對抗，就唔會死啦？」
「無錯！當然啦，最好緊係唔好俾人捉入去啦！同埋係夢入面，如果你夠堅定，你一樣可以用玏自己嘅靈力去對抗對方！總之，用盡方法都好，唔好屈服就唔會有事架啦！」
和天命叔的這段對話，在此刻猶如一個鐵鎚直擊我的腦袋！
我那點僅存的意志，開始使我分析現在的情況了！
「哈……哈……哈！」雖說是在夢裏，但受傷的感覺卻非常真實，使我的笑聲聽起來非常奇怪！
「你笑咩呀？係咪諗住求饒呀？哼！係嘅話大爺我就俾個機會你，話唔定你求饒嘅話我真係會放過你呢！哈哈哈哈！」詹姆士大笑著。
「求饒？你……你當……當我白……痴呀！」難怪剛剛他一直只是折磨我，並沒有把我立刻殺死！知道了這魔鬼的把戲後，我內心的恐懼慢慢減退了！
把我折磨得這樣淒慘！
我可要開始反擊了，看我把你困在這個夢中一輩子吧！