[旅行鬼故事系列] [陳生返黎啦] 澳門旅遊之陰魂不散的傳教士: （三）
（三）
「起身啦子鋒！我地到啦！」
阿奶的聲音使我清醒過來，我朝後方看了一下，那個混血的男人已經離開了。
「我地行啦，其他人都落晒船啦！」冰冰催促我們。
我環視了四周，明明還有很多人在船上啊！
然後再仔細一看，我發現那些不是些普通人，而是親愛的「好朋友」！
天賜看我在發呆，便在我耳邊說：「唔好望啦，行啦！大家都有戴住手繩，唔會有事嘅！」
我加快了腳步跟上他們，幸好今天沒有太多人，很快便成功過關了！
「好啦，總算黎到澳門啦！不過未夠鐘登記，我地去邊度好呀？」雷少說。
「梗係去拎返張地圖先啦！同埋你地肚餓未呀？不如去食D野先囉！」阿奶說。
「都好喎，我想食水蟹粥！」冰冰說。
然後他們便到旅遊詢問處拿取地圖，我則襯著這個時間走到洗手間！
就在我離開洗手間時，一名身穿天主教牧師袍，手上拿著聖經的人，正站在詢問處外看著天賜他們！
我也沒有太過在意，便越過了他，走到詢問處！
在經過他的時候，我感到背後突然湧起一陣寒意，我下意識的回頭一看，只見那位牧師已經不見了！
「子鋒！我地拎好地圖，行得啦！」阿奶走過來，挽著我的手臂說。
「哦？係呀，咁……咁行啦！係呢，頭先……你地有無見到個著住牧師袍嘅人係度呀？」我不經意地問。
「牧師袍？無喎，無D咁顯眼嘅人係度喎！」冰冰回答，然後用奇怪的目光看著我，像是詢問我是否又看見奇怪的東西了！
「唔好講咁多啦，行啦！我同阿詩都肚餓，去食野啦！」天賜大慨意識到我看到了甚麼，於是替我打了圓場，便離開碼頭範圍！
但是，此時的我們，仍不知道在碼頭範圍，有一位身穿牧師袍的「人」，正目送我們的離開！
「好好好好好攰呀！搭左咁耐終於到氹仔啦！」我伸了個懶腰，讓自己的筋骨舒展開來！
「好，我地去食水！蟹！粥！」阿奶拉著我前往官也街！
不知道是時間尚早，還是星期一的關係，官也街並沒有想像中的人山人海情況山現！
來到那間，備受各大旅遊書和一眾名人推介的店鋪，說真的，那時是我們第一次在澳門嘗試水蟹粥！
說真的，先不說價錢，確實有一種名大於實的感覺！
可幸的是，阿奶、冰冰和阿詩在店內也吃得頗為開心，這樣已經值得我們來了！
畢竟食物是其次，氣氛是最重要的！
吃過水蟹粥後，我們離開了店鋪！
「唓！間野都唔好食嘅！」阿奶突然這樣說，怎會這樣？是我聽錯了嗎？
「咪係囉，D雜誌講到有幾好有幾好，都唔好食嘅！阿詩你話係咪啦？」冰冰也附和著。
「又真係無想像中咁好嘅，不過試下都無妨，最多下次唔去食者！」
怎麼連阿詩也這樣說，不會是這麼快便撞鬼吧？
可是，我完全感覺不到在他們身上有任何靈體的力量啊！
雷少和天賜看到我像化石般看著幾位女士，便輕輕的搭著我的肩膊！
「你遲D會慣架啦！」雷少在我耳邊說。
「女人嘅野，係要用心去揣摸架！佢地口講好，心又未必係咁諗！而口講唔好，又唔代表佢地真係唔鍾意，學野啦！」天賜也在我耳邊說。
我看著他們二人，瞬間感到他們倆就像飽經滄桑，經驗豐富的真男人一般！
「巴打，你地果然係真男人！之後要好好指教小弟！」我捉著他們激動地說，此刻我才知道，女人是這麼深奧的生物！
我們三個男人，互相搭著對方的肩膊，頗有識英雄重英雄的感覺！
「喂！你地三個企係果度做咩呀，快D過黎幫我地影相啦！」阿奶大叫，我當然不敢怠慢，馬上走到她身旁！
在官也街拍了好一會兒後，我才發現原來拍出一張令她們滿意的照片是多麼的困難！
尤其是要替阿奶拍出一張滿意的獨照，隨時也要拍上數十張才能找到好的作品！
反觀天賜和雷少，他們替冰冰和阿詩拍照時，那種駕輕就熟的感覺，我真的不知道該羡慕他們，還是感到悲哀才對！
不過，我應該也很快成為專業的攝影師吧！
我們在官也街前拍了好一會兒，最後，由天賜替我們六人進行自拍，作為官也街的終結！
「好啦，都影得差唔多啦！我地跟住去邊度好呀？」冰冰看著阿詩。
「難得過到黎氹仔呢邊，我地不如去睇D葡式建築啦！同埋呢度有個好靚嘅教堂，我地不如去睇下啦！」阿詩拿出一本記事簿，對我們說出接下來的行程！
「教堂？」阿奶和冰冰同時發出期待的聲音，看來女士對這些地方還是頗感興趣的！
「係呀，話唔定仲有機會見到人結婚添！」阿詩笑著說，只見天賜呆呆的看著她，大慨天命叔的擔心是多餘的，看這兩人的情況，即使天賜到了外國讀書，阿詩和天賜的關係也還是會好好的吧！
阿奶挽著我的手，冰冰則連挽帶拖的把雷少強行帶走了！
阿詩看見她們這個模樣，只好趕緊走在前面帶路，天賜則不知道甚麼時跟在阿詩的旁邊，和她一起前行！
步行了約五分鐘後，我們便看到一楝又一楝的葡式建築，看來應是澳門被葡萄牙佔領時的住屋吧！
「咦？教堂呢？」阿奶看不到教堂，轉頭望向阿詩。
「教堂係上面少少嘅位置，反正我地都係觀光，所以我帶你地睇左D葡式建築先！雖然星期一無得入去參觀，但係出面影下相都唔錯架！」
聽見又是一個拍攝景點，阿奶和冰冰立刻雙眼發光！
不會是又要來拍照吧？
「子鋒，呢邊好靚呀！快D過黎幫我影相啦！」阿奶走過來，把我帶走了！
只見另一邊廂，冰冰也把雷少拉得遠遠的，我們還真是同病相連啊！
天賜和阿詩則給我們遺留在原地了！
「好啦！就係呢度幫我影啦！」阿奶擺出充滿青春氣息的姿勢！
「OK！望鏡頭！笑！好！」
我幫阿奶拍了好幾張照片後，發現天賜和阿詩在遠遠的地方散步，我便想著上前找他們來一起拍照。
「子鋒你想去邊呀？」阿奶阻止了我前進。
「吓？無呀，我見佢兩個散步咁悶，咪諗住叫佢地過黎一齊影相囉！」
說完後，阿奶狠狠的朝著我的頭殼敲了一下！
「哇，做咩呀？我講錯D咩呀？」我按著頭說。
「死蠢，我同冰冰咁辛苦拉開左你地，等佢地有機會二人世界！你唔好諗住走去搞破壞呀！」阿奶嘟著嘴說，還真是挺可愛的！
「唔係卦？佢地成日都一齊架啦，仲駛乜二人世界呀？」我不解的問。
「話你地D男人唔細心就係唔細心！天賜佢咪決定左去外國讀心理學嘅，黎緊同阿詩會分開一段時間！雖然依家科技進步，有好多方法可以聯絡者，但係咁樣分開一段時間，阿詩點都會擔心架啦！」
「吓？唔係卦，阿詩會擔心？佢擔心D咩呀？點解我一D都睇唔出嘅？」我又吃了阿奶一拳。
「所以咪話你唔細心囉！不過唔怪你，天賜係男人黎講都算細心，但都察覺唔到阿詩嘅擔心！我偷偷地同你講，唔好話俾阿詩聽我講左你知呀！阿詩佢......驚天賜去左外國之後……會……會偷食呀！」阿奶小聲的對我說，仿佛怕阿詩會突然出現似的。
「偷食？天賜？哈哈哈哈！唔好玩我啦，天賜點會咁做！如果天賜都偷食嘅話，我諗呢個世界得返我係唔會偷食架啦！」我真的感到好笑！
「笑笑笑！有咩好笑呀！你唔會知女人諗咩架啦！阿詩再溫柔再善解人意都好，佢都係一個唔夠二十歲嘅女仔Ja！就算佢理性上知道同諒解天賜嘅決定，但一樣會擔心架！所以我同冰冰先叫佢同天賜講清楚，睇下天賜會點處理囉！仲有，你唔好扮晒野諗住借D意讚自己呀！你係偷食唔到Ja，有機會偷食你估你唔會！」阿奶忽然嗔道，女人的心思真難捉摸。
「痴線啦！我邊有可能偷食！就算有十個祼女係我面前，我都會不為所動！我心入面只有你一個！」
當然了，要是在我面前的是十個肥花，我當然會不為所動！
而更重要的是，在這個節眼上，即使蠢鈍如我，也知道好好利用這個機會，去哄我的好女友吧！
「真……真係？」大慨我說這番話時真的很認真吧，阿奶臉上紅紅的，帶點感動的看著我！
看著她的樣子，我忍不住踏上前，看著她的臉，慢慢往她的嘴唇靠近！
阿奶也閉上了眼睛，等待下一瞬間發生的事情！
「你唔好過去阻住天賜佢地啦！」
忽然不遠處傳來冰冰的大叫聲，我和阿奶都被嚇得分了開來！
我倆互相看著，只見阿奶臉上仍然泛紅，實在太可愛了！
我伸手拖著阿奶的手，然後互相笑了一下，便朝冰冰和雷少走去！
雖然這次親不到阿奶，但她對我的好感應該有所增長吧！
反正還有整整兩日，就讓我慢慢來吧！