《廿一歲個年，我成為左隱世富豪》－大結局: 結局篇（二）
「咪住，如果我地失敗左，咁就前功盡廢。」阿天同我講。
「你想？」
「無，只係確保下呢個係咪唯一既做法。」
「一人六個，無問題？」
「無。」
我地先將麻醉子彈插入我地左右兩個士兵，比人發現之後，我地開始用槍攻擊。
「阿天，你隔黎！」
「對面個兩個，小心！」士兵好多都反應唔切，估唔到機上竟然有叛徒，但係我地唔係叛徒。
有子彈射失，我就飛刀一把一把咁飛過去，好彩都能夠命中目標。
「呼...終於。」
「仲有前面個兩個。」
「你開門，我整暈佢兩。」
「好。」
我地衝入機室，將機師打暈，然後掉到地下，迅速坐上機師位。
「你識唔識揸直升機？」
「識少少。」
「你呢。」
「我都係...」我地兩個都係係到對望，今次真係得啖笑。
「唔緊要，我地而家開緊自動模式，只要將雷達，感應器，所有偵測到我地既野掉走。」
「好。」
「F103戰鬥直升機訊號消消失。」
「下，咩事！」奇月立刻衝入機室。
「係咪我地後面個架？」
「係，突然消失左信號。」
「今日天氣良好，無山，唔通佢地比人劫機？」
「無理由，上機前做好晒檢查...」
「豈有此理！」
「唔緊要啦，都係我地要去西班牙啫。」
「咁又係。」
「我地飛去敘利亞，再返香港接返佢地走，起碼要兩日時間。」
「希望夠我地用。」
「同我聯絡你阿哥，問下佢出發未。」
「好。」
「喂？邊個？」
「Dennis。」
「咩事。」
「你地出發未。」
「仲有六日，你傻左？」
「無，只係希望你地可以盡快出發。」
「無問題，報酬收貴啲。」
「奇月，佢地話報酬貴啲就會盡快出發。」Dennis攞開聽筒講。
「問下佢幾多。」
「你想加幾多？」
「空化集團既武器。」
「你...」
「我地比唔到空化集團既武器你。」奇月聽到之後，都呆左一呆。
「咁算啦，一星期後出發。」
「你...其他得唔得。」
「得，我要你個人頭。」
「你而家即係玩野啦！」Dennis開始掩唔住怒火。
「等我同佢講。」奇月行過去通訊器到。
「我係奇月，你就係Dennis阿哥？」
「我係。」
「你想要咩？」
「我想要咩？好簡單，核彈。」
「核彈？哈。」
「都得既，你要幾多？」
「早一個星期就一日一枚，合共五十。」
「你數學都唔錯，不過有得諗，聽日會答覆你。」
「好，等你電話。」
「奇月，答應左啲咩？」
「我會同大家商量下，五十枚核彈。」
「下？比左核彈佢地，佢地有機會研發，將來可能軍火仲勁過我地。」
「唔緊要，當佢地一攞到核彈，我就會引爆晒佢地。」
「引爆晒...？咁我地避去火星都避唔到喎。」
「或者唔係全部，一枚已經夠玩。」
「但係一枚爆炸，只會令到其他個啲都爆埋。」
「你絕得，我會比晒五十枚實核彈佢咩？」
「用下你個腦啦。」
「係...」
調教左往敘利亞既路線之後，我地開始搜索下機上既野。
「睇下啲士兵有無野可以攞。」
「好。」
係唔少既士兵口袋裡面，都有同親人既合照，同女朋友，老婆既合照，唉，原來真係我，係我害死左佢地。
「誠翔？」
「係，做咩。」
「你做咩神不守舍咁既？」
「我只係覺得自己做錯左。」
「阿天，你有無曾經一刻後悔自己做烽火聯盟？」我企起身，面對住阿天講。
「無，我明白你好重情，其實我以前都係咁，但係我並無後悔。」
「哦...」
「其實每個人既志向，理想都唔同，當初，烽火聯盟既成立，係為左將世界上無用既人，統治者消滅，再由我地當中一個做最大統治者，我地都只係追隨緊自己既理想，可能只係比其他人有錢，有權力，同埋癲狂。」
「能夠堅持自己夢想，我點解要後悔？」
「咁點解你唔跟奇月佢地？」我問佢。
「哈，乜你睇唔出，奇月呢個人既好勝心咩，由一開始，佢已經睇實烽火聯盟既位置，第一次投票佢無份，第二次，佢成功取代你，野心咁大，相信未同佢鬥，已經無得玩，何況係留係佢身邊？」
「嗯。」
「所以，你可能對情義好重視，我亦唔會介意，因為你都唔再係烽火聯盟既人，同埋你堅持自己所堅持既野，係最重要。」
「多謝你。」
「傻啦，我地仲係會思考既人類，唔係奇月佢地。」
「不如我地加快速度？」
「好，但係我地要睇住油量。」
「我地輪流係機室觀察啦。」
「咁誠翔你休息先啦，見你頭先比人用刀劃到。」
「係喎，連我自己都唔知。」
「你抖下啦，有咩情況我再叫你。」
「我地即將到達西班牙機場，因為士兵得返十個，要好小心，等陣比啲士兵落機先。」
直升機好快就到左西班牙機場，依然係一片冷風迎接我地。
「落機！」
持槍既士兵打醒十二分精神，不斷視察環境。
「安全！」
「咁我地落機啦。」
「地圖。」
「呢點就係革命軍既地方。」佢對所指既地方就係古城既位置，估唔到革命軍可以修復得咁快。
「車程大約三個鐘，車亦都準備好。」
「好，上車。」
「白陸，佢地去緊西班牙。」原來白陸被判囚之後因為暴亂，可以逃走，甚至做埋恐怖組織既首領。
「好，將Dennis阿哥鎖起先。」
「我等陣就要你親自睇住你細佬死係我手上。」
「就憑你個垃圾？」Dennis阿哥不屑咁講。
「你個賤人！」白陸一槍打落佢個膊頭到。
「槍法幾準啊。」
「唔需要你讚我。」
「哈，可惜，你個垃圾都係唔敢一槍打落我個頭到。」
「你真係覺得我唔會咩！」白陸再次舉起手槍，但係手卻不斷震。
「你揸好啲把槍先啦，驚你射到自己啊。」
「我就睇下你比啲咩你細佬，你兵都無得出啊，屠城！」的確，二人係敘利亞，Dennis阿哥又被禁錮，睇黎計劃要被打斷。
「你估我真係出唔到兵？」
（聼日會繼續出，應該都未到大結局。）