《廿一歲個年，我成為左隱世富豪》－大結局: 第三十七章：戰場
「王誠翔，可以出院啦。」
「啊～～」伸左個懶腰，望下出面既風景，難得一日既藍天白雲，但仍然聽到唔少炮火聲。
「你真係黎叫我起身架喎。」
「梗係啦，見你訓得咁舒服，驚你唔知醒。」今日欣婷換左見袍，再無血跡。
「係呢，你身上仲有無邊到痛？」
「無啦，都係得返啲皮外傷。」
「咁你執埋啲野就出院啦。」
「你女朋友呢？唔係黎接你咩？」
「我打比佢先。」
「好啦。」
「喂？」
「你所打既電話號碼暫時未能接通...」
打左四次，五次，佢都係無聽到。
「咦，佢無聽電話？」
「係啊...」
「可能佢未起身呢。」
「我做住你監護人先啦，我幫你比左錢架啦。」原來醫院係唯一一個地方會用錢。
「唔該你，幾錢？」
「計埋手術費，三千五。」
「比你銀行賬戶我。」
「寫係到。」我求其揾左張紙比欣婷。
「唔使啦，我請。」
「你欠我一餐飯。」
「嗯。」
電話響起，唔知係咪藍心呢。
「喂，西班牙有人發動政變，起軍攻打我地既士兵！」原來係穎心。
「得，我即刻返黎。」
「欣婷，我有急事，走先。」－
「哦...好。」
「誠翔，呢邊！」原來天鳴揸左架車黎接我。
「個邊情況點？」透過電腦同穎心視像通話。
「大約有五百人，擁有中等武器，最強武器有火箭筒。」
「佢地想點？」
「恢復自己統治，唔想軍兵巡邏，入侵佢地生活。」
「五百人就想發動政變？」
「而家參與人數達到一千。」
「派一架武裝直升機過去，將發動政變既地方亂槍掃射。」
「係。」
返到會議室，依然係五個人，依然係好多電腦，熒幕係到。
「誠翔，你點處理？」
「我已經派左武裝直升機過去，亂槍掃射。」
「嗯，你無事阿嘛？」問我既係欣翹。
「無，皮外傷。」
「阿天，報告各國情況。」
「好，首先，香港人口剩餘大約四百三十萬，中國大約三千萬，美國一千萬，日本七百萬...」
「全球每日平均死亡為五千四百萬，數字將會逐漸下降。」
「而曾經策劃，發動政變，革命，搗亂人士約有四千萬，全部射殺。」
「各國總統，內閣，宣布國家進入無政府狀態，有啲總統被市民親自處理。」
「聯合國宣布解散，各國電視台亦宣布歸烽火聯盟所有。」
「嗯，唔錯。」
「聽講，西班牙唔單只係市民搞政變，連士兵都想搞兵變。」Dennis提出。
「你指當地本身既士兵？」
「係，不過只係聽聞。」
「做好準備，全球啟動一級防禦系統，嚴厲打擊大批軍火交易，加強士兵巡邏。」
「仲有，我想知道我地而家有幾多兵力？」
「嗱。」欣翹將數據投射係熒幕上。
「七千萬？」
「加強徵兵，直到九千萬為止，要求嚴格。」
「係。」
「西班牙發動政變人士突然升到一萬！派出既武裝直升機被擊落。」
「咩話！」
「啟動一級程式，將革命人士電話入侵，安裝爆炸程式，再派特種兵，三架武裝直升機，一架戰鬥機。」
「而家徵詢成員意見，開始投票。」每一次使用烽火聯盟成員所研發既武器，都要經過投票，商量是否合適。
「五人同意，通過。」
「其實，誠翔你亂槍掃射先會導致更多人出黎反你。」尹樂同我講。
「佢地就係唔明白你點解要殺埋啲無辜既人，先會唔滿意。」
「我就係想要佢地知道，要睇住隔黎個個，甚至報告比士兵聽有人要搞事，咁先會維持一個安穩既社會，點知...」
「唔緊要啦，誠翔，你已經做得好好，跟住個兩日，就等我指揮啦。」其實我地有輪更，做最大指揮官，今日係我完結，聽日就輪到欣翹。
「嗯。」
「誠翔...西班牙革命人士達到十萬，要求發動第二級程式。」欣翹親自向我提出。
「我會飛過去西班牙。」
「下？」大家都好愕然。
「相信我。」
「但係，如果你有咩事既話...」
「我會提議一個人去代替我既位置，個個就係李奇月。」
「咁...」
「放心，我今晚會去，指揮權亦隨即交比欣翹。」
「要求發動第二級程式，開始投票。」
「五人同意，通過。」
「將當地革命人士地區封鎖，將持槍人士擊殺，派十架A09直升機，兩架坦克，五架F209戰鬥機。」
「同埋，將佩戴過天聲集團耳機既革命人士，將晶片引爆，同埋封鎖地區後，發射毒氣彈，同埋繼續引爆電話。」所有既直升機，戰鬥機，已經唔單只配備重型機關槍，仲有導彈，雷射槍，砲彈等。
「知道。」
「喂？Sorry啊，琴晚夜訓，黎唔到接你出院。」
「唔緊要，我而家準備啲野去西班牙。」
「下？去西班牙？個到唔係好多人反你咩？」
「放心，無事。」
「我要同你一齊去。」
「對唔住，我唔批准。」
「我係你秘書，仲係你女朋友，同你一齊去，有咩問題。」
「個問題就係我唔想你死！」
「我...咁你呢...你就唔會死？」
「今晚走之前我會黎揾你，到時再傾啦，我要執野。」
「好啦...」
「欣婷？」
「做咩事？」
「我要去西班牙啦，個餐飯，我唔知有無命還比你，但係我係你張枱到放左張卡，我諗張卡可以救你一命，或者幫到你。」
「點解...你要去西班牙？」
「我要同人傾生意，其實我係生意人。」
欣婷攞起張卡片，黑色背景，印上小丑面具。
「你係烽火聯盟既人？」
「我係同佢地做生意。」
「軍火買賣？」
「唔係，其實我係同佢地啲士兵有聯繫，交易。」
「哦...萬事小心，有咩事返黎，我一定會醫好你。」
「哈，多謝你。」
愛港出聲組織發起示威，表示嚴重不滿烽火聯盟統治期間所作所為。
「奇怪地就係烽火聯盟批准左愛港出聲既示威行動。」
「係囉，唔通佢要一網打盡我地？」
「無理由，今次示威佢話會電視直播。」
「傻啦，佢電視直播只係比香港睇，其他國家開始播返自己情況，直到烽火聯盟有重要野宣布。」
「哦...咁我地會唔會有事？」
「唔知架，我地咁愛香港，為香港死都在所不辭啦。」
「誠翔你好，請問你係咪已經佩戴好裝備？」
「係。」
「陪同既士兵，軍火，汽車，直升機，戰鬥機既名單係呢到，你可以睇下。」
「唔該。」
「提醒你一句，唔...保重。」
今次坐既唔係私人飛機，而係軍機，所以被擊落既機率會更大。
「聽住，我地今次任務係保護王生，佢係烽火聯盟既成員，有咩不測，大家應該知道後果。」
「係！」
坐左十個鐘飛機，終於到西班牙，未落機已經聽到炮火交往既聲音。
「大家準備，機場可能有埋伏。」
「係！」係我身邊既全部都係特種兵，係最精銳個隻。隨後又聽到戰鬥機同直升機係我背後飛過既聲音，全部都貼上左小丑面具貼紙，已示自己人。
落到機場之後，一片靜寂，有少許既風沙，見狀，我地都係衝入去機場，然後再坐車離開。
「總部，我係誠翔，一切安好。」
「根據衛星顯示，你只要坐三個鐘車，到風利車市就到達地方重地。」
「途徑會有人攻擊你地，自己小心，我會繼續衛星監測住。」
「報告，有人往我地基地進發！」
「三十架戰鬥機已經黎近！」
「撤退，游擊戰！」
「係！」
「誠翔，紅點突然消散，成為黃點，相信佢地已經分散左。」
「F1戰鬥機問總部，使用轟炸？」
「待答。」
「誠翔，戰鬥機可以隨時發炮。」
「好，開始。」
「我地停車。」
誠翔軍車係第一架，其餘都係後面，包括坦克。
一枚又一枚既導彈跌落到地下，發生巨大爆炸，係車上都感受到導彈既威力。
「幫我聯絡天聲集團西班牙分國經理。」
「係。」
「已經接駁完畢。」
「方倫，係咪你？」
「係，睇黎你已經揾到我。」
「勸你快啲停手，唔係既話，我只會派更多士兵。」
「你點先肯投降？」
「你。」
「我要你既人頭，係全球市民下，砍落你個人頭。」
「好，你係邊，我黎揾你。」
「你叫啲戰鬥機停火先。」
「揾唔揾到方倫既位置？」
「古城阿以吧落。」
「戰鬥機唔會停火，人頭落地既，亦只會係你。」
「哈，睇下點。」
西班牙既反抗浪潮激起其他國家都出現同樣情況，不過規模比較細，士兵好快能夠收服。
「將古城外二百公里放置毒氣。」
「收到。」
「而家進行分隊，一隊去攻打敵軍基地，一隊跟我去古城。」
「係！」
（祝大家新年快樂！）