《廿一歲個年，我成為左隱世富豪》－大結局: 第三十五章：白色
「唔好走住...」
「做咩？」
「你叫咩名？」
「我叫欣婷。」
「你呢？」
「我...叫誠翔。」
「哈，香港咁細，我地有緣再見。」
望住佢既背影，心裡有啲不捨。
「喂？」
「做咩？」
「即刻同我揾呢個女仔。」
「電腦個個？」相信天鳴電腦已經有個個女仔既GPS，就係佢轉身既時候，我將追踪器掉左係佢身後。
「係，追踪佢，直到我食完麵為止。」
「係。」
「喂？誠翔？你唔係上黎咩，做咩咁耐都未到既？」
「唔...我諗今日唔得閒啊，你自己係屋企抖下啦，我聽日再黎揾你。」
「咁好啦，咦，唔講住啦，有人打比我。」
「唔該，埋單。」
「出去埋。」
當我行到去收銀枱前，攞個銀包出黎既時候，個店員睥住我。
「先生，而家唔收錢架啦，你第一日生存？」
「使唔使我報士兵？」而家已經唔再係報警，而係報士兵，真係搞笑。
「唉，同你講，而家全港，甚至地球上好多國家已經唔用錢做交易，係用武器，生存用品等等做交易。」咁講，即係我地去返一個以物易物既時代。
「嗱，我身上得一個手榴彈。」
「哇，手榴彈啊。」
「客人，你走得架啦，多謝你惠顧。」哈，原來一個手榴彈就可以收買一個人既態度。
「如果你唔信既話，我可以幫你掉一個出去試下。」
「唔使啦，客人，你可以走架啦。」
「嗯。」
「喂？」
「你有無野做？」
「無啊，我而家好悶，你上黎陪我？」
「都好啫。」
「我而家係公司過黎。」
「咁穎心呢？」
「佢要幫誠翔做野，好忙。」
「咁好啦，你上黎順便買幾支紅酒，屋企個啲飲晒。」
「嗯。」
「誠翔，個女仔去左東區醫院。」
「東區醫院？」
「係。」
東區醫院竟然仲有人會去？係士兵最嚴密既地方，除左真係受傷，重病，或者係醫生，護士之外，無人會去醫院。
揸車去到門口，已經比士兵截停。
「你見唔到我架車插住支小丑旗咩？」
「唔好意思，我地發現市面上太多人售賣，製造呢種旗。」
唉，逼不得已，我先咁做。
「我係王誠翔，請問入得未？」
「對唔住！可以入去。」
「下次見到我唔比我入去，後果自負。」
「係，對唔住！」
士兵即刻開路，更吩咐其他人睇住我架車，同埋圍住我。
「其實呢，你地可以走開。」
「我地都係擔心王生既安危。」
「得啦，我有能力。」
「咁...」
「我地會離開架啦。」相信係一個士兵長官。
「醫生，呢個病人吸入大量毒氣，侵蝕得好嚴重。」
「聽住，我地救唔到呢啲病人，毒氣太強，一旦入侵人體，只會強化自己，而唔會被消滅，所以大家都小心，著好防護衣物。」
「係。」
「醫生，佢比手榴彈炸傷！」
「呢個都係！」
一車一車既救護車黎到醫院，差唔多全部都係頭破血流，斷手斷腳。
不過，我終於到見欣婷。原來，佢就係醫生。
著起白色長袍，冒住生命危險去救人，我相信，佢就係天使既化身。
「唉。我點救啊，個個黎到都半死，同我叫晒所有Off duty既醫生，護士，實習生返黎。」
「係。」
「救邊個先？」
「兩個一齊入手術室。」
「下...但係...」
「醫生，呢個病人受槍傷。」
「阿威，你處理個個病人，其他人，跟我入手術室。」
再次見到佢既背影，原來身上已經沾染左唔少血跡。
「先生，請問你企係到做咩？如果係家屬，麻煩坐係個邊等，唔係既話...唔...唔。」同我講野既女護士，我一手掩住佢個口。
「唔該，我會坐架啦。」
「痴線佬，無端端掩住人個口。」講完就衝左入去手術室。
「手術刀。」
「準備十包血。」
「係呢，欣婷，頭先有個變態佬掩住我個口啊。」
「哈？一定係你太多野講。」
「唔係囉，我叫佢坐低，佢唔肯，係都要望住個手術室門口。」
「可能佢好緊張個親人呢。」
「不過，佢個樣又唔似變態佬，都幾靚仔，又後生。」
「哈，專心做手術啦，等陣出去可能可以見到佢呢。」
「我先對變態佬無興趣啊。」
「手術完成，兩名病人都需要截肢，今晚做肢解手術。」
「係。」
安頓好兩個傷者後，一批醫護人員係手術室出黎，同時等左十個鐘既誠翔都企左起身。
「就係個個變態佬啦。」
「咦，個個咪係...」
「下，欣婷你識佢架。」
「我好似今日見過佢。」
「佢行緊埋黎啊，我都係走先。」個女護士急腳咁行左去女廁。
「Hi。」
「Hi，咁啱既？」
「唔係咁啱，係我特登黎揾你。」
「下...」
「Woo，我地唔阻你啦，李醫生。」
「你班友...」
「係呢，有無興趣食個飯？」
「而家？」
「係。」
「無所謂啊，不過等我換衫先。」
「無問題，唔差在等埋你換衫。」
「咁...你咪足足等左十個鐘？」
「係啊，就係為左等你。」我行近欣婷，佢矮我一個頭，佢要仰望住我先可以同我講野，我咁望落去，顯得佢好可愛。
「哦...咁..我換衫先。」原來佢都好怕羞。
換好衫，欣婷只係著返一套白色T恤加冷杉就出黎。
（真係想知道大家覺得呢個故事點樣，好睇，唔好睇都好，希望大家都可以留個言，同小弟反映下。）