《廿一歲個年，我成為左隱世富豪》－大結局: 第五章：眼中釘

琴晚成晚都訓唔著，只係係到諗有咩方法令到佢入唔到我地集團。不過董事會十二個人中，包括我同老豆，大家所擁有既得力董事都分別有五個，但係老豆作為董事長，有最後話事權，究竟點先可以拉攏埋老豆個邊啲人，同埋如果佢加入董事會，只會幫老豆個邊，令到董事會既局面一面倒。





「起身啦，阿妹。」今日阿妹要去公司視察環境，不竟佢今年就中學畢業，係我地集團做幾年野就應該可以成為公司董事，到時，係我個邊既人就會更多。

「起身啦，王秋婷！」





「做咩啊...咁早去邊啊，今日放假喎。」

「就係放假先帶你去公司睇。」

「睇咩啊，公司咋嘛，睇電視都有得睇啦。」

「你真係啊，再唔起身我就炒左天鳴。」

「下！唔好啊，得得得，我即刻起身。」天鳴係阿妹佢第一次參觀公司時候一見鍾情既男仔。









雖然阿妹只係中六，但係著起正裝黎，都幾得體，而且仲幾有氣質。

「行啦。」

「唔食早餐啦？」





「返公司先食，邊個叫你咁遲起身。」

「下，無得食蓮姐煮既歐式早餐...」

今日我都係親自揸車同個妹返公司，除左帶個妹視察之外，最重要既都係董事會投票。

「我地上去先，我叫阿發叔幫我地買早餐。」

「我要個番茄通粉！要多杯熱朱古力。唔該發叔」

「我要杯熱奶茶得啦。」

「誠翔你唔食野？」

「唔食啦發叔，你去買啦。」








入去公司門前，個六位保鏢再次出現。

而天鳴就係我六個保鏢其中一個，的確幾有型，而且係最後生個個，不過成日帶住副黑超，究竟阿妹點樣一見鍾情。

答電梯上到第九十層，即係會議室。




「副總，早晨。」





「王副總，早晨。」經過既員工都照常同我打招呼，而我只係微笑回應。




入到會議室，大家已經坐晒係到。

「秋婷，坐係我隔黎。」出聲既係我老豆。

「唔要，我想坐係阿哥隔黎。」

「秋婷！唔準任性。」

「乖，坐一陣。」秋婷死死氣咁坐左係秘書隔黎。





「好，今日會議開始，叫大家黎，其實係有一件事想同大家商討。」

「就係一個人才即將加入我地明雲集團，而佢就係白天祥個仔，白陸。」

各個董事都立即議論紛紛，大家都知道將敵人收係我地集團下係一件愚蠢既事，而且仲擔任董事角色。

「帶佢入黎。」聽到兩聲敲門聲，白陸亦隨住秘書走入黎。




「白陸，你介紹一下自己。」

「大家好，我係白陸，雖然我係白天祥個仔，但係我並無再為佢效力，而我今次想加入明雲集團既目的都係想展示自己實力，並且對抗凌升集團。」議論紛紛既聲音再次響起。





「好，大家先安靜。」

「我，作為明雲集團董事會董事長，即將動議，將白陸加入我地明雲集團成為董事會一員，而家開始投票。」

「贊成議案既請舉手。」秘書開始記下投票人數。

無估錯，老豆個邊啲人全部舉晒手，而我個邊只要有一個人舉手，議案就會立即通過。

「我贊成。」咩話！

我立即望住我個邊既董事，點解，點解佢會幫我老豆，佢肯定比我老豆威脅先會咁做，一定係咁！呢個人真係奸險，竟然夠膽搞我個邊既人？

「好，投票通過半數，由即日開始白陸將會成為我地董事一員。」拍掌聲好明顯地只由一邊發出，相信阿妹都見到我失落既樣。




唔知白陸有意定無意咁望住我，不屑既一笑，然後轉身離去，呢一幕我永遠都唔會忘記，佢黎，根本就係為左我。




返到辦公室，我無法脾氣，因為阿妹係到，而且法脾氣都無補於事，只會顯得自己無能耐。

「阿哥，你唔開心？」

「嗯。」

「因為個個哥哥入左黎。」

「佢唔係哥哥，佢係壞人，呢個人不懷好意咁入黎我地集團。阿妹到你大個就唔可以咁單純，要識睇人。」

「睇人，我識啊。」

「哈，食早餐啦，都餓啦。」好彩佢有我呢個阿哥，雖然阿妹乖巧，有才能，但係係我地集團，甚至出面世界，佢隨即比人食左都唔知咩事。




「咚咚。」

「入黎。」

「咦，阿妹都黎左啊。」

「Venus姐姐！」秋婷佢即刻放低早餐，衝過去攬住Venus。

「你地好熟架？」

「係啊，Venus姐姐好好人架，成人同人玩，嘻嘻。」兩個美人企係我面前，話佢地係兩姐妹都真係又有人會相信。

「係呢，今日白陸入左黎。」

「我知，我會幫你搞掂佢。」

「過黎。」




我地行左過去辦公室既另外一邊，費事比秋婷聽到我地講野。

「可惜個妹仲未係時候加入明雲集團，唔係既話，局面就可以打和。」

「你傻左咩，叫個妹入董事局，佢仲細，咩都唔識啊。」見到Venus咁緊張，睇黎佢地兩個感情真係好好。

「秋婷佢大個都係要係明雲集團做野，只係遲早既問題。」

「我明白你心急咩，但係你個妹真係唯一解決方法咩？」

「同埋你而家唔係應該揾個叛徒出黎咩？」

係喎，如果唔係佢，議案會咁快就通過？

「好，咁你幫我睇住秋婷，我去揾佢。」

「嗯，萬事小心。」