＜＜紋身師──帶著濃厚殺意的善良＞＞: 後記

------------------------------------------------------------------------------------ 

　　我就係咁一直聽住「一仔」講每個羅馬數字背後的意義，由「Ｉ」說到「ＩＩＩ」，「Ｖ」……

　　最後我印象中是額頭有「Ｏ」字的瘋子，我開始時還一字一字的打著，慢慢我就停下了。

　　靜心的聽著，又試著打斷他，甚至跟他玩同一個手機遊戲。
 
　　一仔：「我想講既野就講完喇，好開心你一口氣聽曬。你係第一個。祝你本『爸爸腦內能撐船』寫得完啦。」
 




　　我看著他，眼睛還是止不住淚水，得到能力後的他無所不能。但在成為紋身師前，究竟感受過多少生離死別，多少傷痛，又多少次癒合？還有，那個叫「顏冰」的究竟有幾靚女，我好想親眼見一面。

　　當然，我冇哩份勇氣問出口，如果唔係我應該唔可以再係度打字。
　　
　　然後佢再見都冇講一聲就消失左，留低我哩個本身冇諗過要寫小說既人係床上發呆。

　　「一仔」，如果你有睇緊我哩篇，証明我已經節錄左你世界既一少少部份。

　　你跟我說的那些秘密，我會慢慢一字一字重組起來。為了記念你那帶著濃厚殺意的善良。