【被借走的時光】我救左一個自殺既少女: 【第十三章】回去了，再見

「你真的要玩那個嗎？」我再三求證，因為我真係好L驚。
 
「真的呀，雖然我畏高，但我還是想要試一下。」姿妮眼甘甘咁望住個跳樓機。
 
「可以不要嗎？」我誠實地講出我心入面嗰句。
 
姿妮扁曬咀咁望住我，唉…我都知講唔要係唔得架啦。
 
正當我想改口既時候，「你也沒有多少時間可以陪我。」
 




咩意思？點解咁講？
 
姿妮嫣然一笑，然後無再問我意見，直接拉住我走去跳樓跳嗰度。
 
坐左上去之後，我乘機問佢，「為什麼你沒有多少時間可以陪我？」
 
姿妮無答我，只有我自己係度傻更更咁等佢答案。
 
跳樓機徐徐地往上升……
 




美麗既夕陽一樣照耀係我地眼前，只不過佢變得越黎越細，越黎越暗。
 
姿妮舉起佢既小手指，指住前方既太陽。
 
「怎麼了？」我不明所以。
 
「因為它。」佢依舊指著前方。
 
佢？邊個佢？
 




我搞唔明佢想講啲咩，但部機已經到頂。
 
姿妮無講啲咩，只係就咁望住我，好似望穿左我個心咁。
 
佢對住我又笑了笑。
 
「呀！！！！！！！！」又黎啦！
 
我未黎得切反應佢個笑容，個跳樓機就突然間下墮，真係毫無心理準備。
 
當跳樓機回升返既時候，姿妮已經唔係我身邊。
 
我嚇左一嚇，明明上幾秒仲係度架，跌左落黎就唔見左？
 
我下意識咁抬頭望一望。




一個白衣少女係跳樓機既頂端慢慢飄落黎，係姿妮既身影。
 
真係俾佢嚇一嚇呀我，然後佢乖乖地坐左係我隔離。
 
「你剛剛真的嚇死我了。」我拍一拍自己心口，順便睇埋自己仲有無心跳。
 
「鬼是沒有離心力呀。」姿妮也覺得驚奇，「我現在才知道我不能玩機動遊戲。」
 
跳樓機緩緩落下，我地出返去。
 
姿妮失落地行係前頭，我一個箭步走上去，拉住佢隻手。
 
「你真的很想玩那種機動遊戲嗎？」我認真問她。
 
「對呀！」佢諗都無諗過就答左我。「我生前就很愛玩這種遊戲。」




 
「那你可以上我身玩呀。」我都唔知痴左邊條線，會講呢啲咁既野，完全唔似會係平時既我講既。
 
「真的嗎？」姿妮隻眼即刻好似發光咁。
 
「我也是第一次上人身欸，我也有點怕。」
 
佢真係當正我已經應承左咁，嚇到鳩都縮一縮。
 
「真的要嗎？」
 
「當然呀，難得的機會呀！」你睇下姿妮幾鬼興奮呀真係。
 
「走吧！去玩雲霄飛車。」
 




「什麼是雲霄飛車？」我唔明啦，海洋公園好似無呢樣野喎，睇曬成個地圖都無。
 
「就是那個呀。」佢指一指前面既過山車。
 
「所以台灣叫那個是雲霄飛車嗎？」
 
「對呀，不然你們叫什麼？」
 
「過山車呀，因為會過山呀。」我講笑。
 
「哈哈，好爛喔。」估唔到一個咁爛既笑容都會引到佢笑。
 
到左呢個時候，我先發現……
 
姿妮原來一路都唔係我身邊，因為我隔離係無人。




 
「你…」
 
「你終於發現了？」一把聲係我耳邊響起，我沿著方向找，都唔見佢。
 
唔通……？佢偷偷上左身？
 
「對呀，你知道就好。」佢無再解釋咁多，我亦唔敢問。
 
但嗰種感覺好奇怪，好似心連心咁，我知佢諗咩，佢都知我諗咩。
 
同時間，我有一種好甜蜜既感覺圍住我身邊。我仲有自己既意識，感覺就好似我地兩個同步左咁。

哎...唔知點形容，就好似有左雙重人格咁，有時自己都控制唔到自己。

「我要走囉。」在我體內的姿妮跟我說。

「好。」但我無移動自己雙腳，反而係佢自己幫我行埋。

幾正喔，有鬼幫我行埋，我又唔洗行，爽呀哈哈。

我自己坐上去過山車度，然後就係等佢開動。

我一樣感受到嗰種離心力，嗰種因為速度而產生既刺激感。

「哇﹗﹗﹗﹗」呢句其實唔係我嗌，係姿妮嗌架，唔關我事架。

嗰種開心而興奮既笑，都唔係我架，係姿妮呀。

過山車好快就結束，落車既時候我聽到姿妮講，「你自己走下去吧，我玩到累了。」

我心不情，甘不願地行落去。

我一落黎，就見到姿妮再一次企係摩天輪上面。

仲記得嗰一日，我就喺係摩天輪上面發現姿妮係鬼。

太陽漸漸墜下，連同金黃色的光芒，一並拉下馬。

「我要走了...」佢表情望落去甚是憂傷。

對於呢句說話，我並不感到出奇。

因為我都感覺到，姿妮流露著不捨既氣味。
 
「很謝謝你給我這麼開心的時光，就算是借回來，我也覺得值得。」姿妮無再好似上一次咁飄落黎。

「我是時候該回去了...」

「我的時間是借回來的，要還也是應該。」佢兩行眼淚由高高既摩天輪上面滴左落黎。

「那你還會回來嗎？」我不捨地問。

唔想佢走又點？佢係鬼黎，我點阻到佢走呀...

姿妮搖一搖頭，「這一次過來，已經消秏了很多的元氣。」

「那我過去找你﹗」我堅定地道。

反正台灣又唔係好遠，柴灣去荃灣既距離，都夠我去一次台灣啦。

姿妮笑了笑，「你來就來吧哈哈，我來的話，我一定會在。」

「真的嗎？」

太陽已經照耀唔到呢個摩天輪，姿妮已經消失左。

你要等我呀...

姿妮。