【被借走的時光】我救左一個自殺既少女: 【第九章】 出街

【出街】
 
「香港的大廈好高喔！一眼看過去很漂亮欸。」姿妮一蹦一跳咁行，睇黎佢好開心。
 
「對你來說是新鮮，對我來說是習慣了。」我厭倦左呢種飽受壓逼既生活。
 
「你想要去哪裡呀？」我地漫無目的咁行都唔係辦法架。
 
「去海洋公園！」佢好興奮咁係度叫，但其他人就咩反應都無。
 




只係用奇異既眼神望住我，但應該都見怪不怪架啦，香港痴線佬何其多。
 
「現在？」我望一望隻手錶，「已經3點多了，現在去也玩不了什麼呀？」
 
正常人點會揀呢啲時間去呀？
 
「但…我真的很想去嘛，我又沒去過。陪我嘛陪我嘛。」佢撒曬驕咁，我真係對呢一招無抵抗力，心就軟左落黎。
 
「好好好，陪你去就對了。」
 




我擔心既係，嗰個恐怖姿妮，又再出現多一次。
 
一人一鬼去玩，只要一人價錢，抵到爛。係旁人眼中，我只係毒撚一個咁黎海洋公園。但至少我唔悶，有鬼陪。
 
「快啦快啦！」佢拉住我隻手，飛咁向前走。
 
「你先進去啦，我先去買票。」我就行左去買。
 
入到佢，佢已經好乖咁等緊我。「欸，我剛剛看了好多女生，香港女生普遍都很正！」
 




我掃一掃個場，唔係細路就係帥奶，哪有女？
 
「你真的看到？」我小心翼翼地問道。
 
「真的呀！騙你幹嘛？」
 
仆街了……
 
 
 
相信大家都估到我係度講緊咩……
 
佢講緊見到好多靚女，可能係指同佢同一類既野。
 
「他們穿什麼衣服呀？」我打探一下。




 
「穿很普通的牛仔褲加Tee而已，好特別喔。」佢好驚奇咁講。
 
乜佢分唔清邊啲係靈體邊啲係人咩？有無咁豬呀？
 
就正如你自己係人，你都分得清邊啲係人邊啲係鬼啦下話？
 
而且！重點係，依家韓風咁勁，啲女一早跟曬風去著毛織背心、露肩衫之類既，係得返小學生先咁樣著。
 
唔通海洋公園都……
 
「好好好，你看完就差不多要進去了吧？我們沒時間了。」我指一指隻手錶。
 
「對吼！快快快！」佢一急起上黎就…
 




我相信係人地眼中，我唔知係度做緊乜撚野……單手跑步，成個Superman咁款。
 
依家好多人已經諗住離去，漸漸向出口方向走，好少人好似我地咁，仲諗住過山去玩。
 
我地慢慢爬攬車上去，竟然俾我發現一樣好有趣既野。
 
佢畏高！