【英雄系列2】無敵光晨: 18
「阿南！阿南呀！！」
流住眼淚既阿紫跟住擔架上既阿南，直到手術室前
「光晨...點解會咁架！」
「阿紫，對唔住」我低住頭:「我地...其實係查緊一單毒品案...」
「上次既李sir，同今次綁架你地既，都係參與呢單案既人...拉埋你地落水，好對唔住」
呢一刻我好內疚，我無諗過連阿紫都會因為我而被捉
「光..光晨先生...」
「光晨...其實都唔關你事既...」
阿咲同素素都連忙安慰我
「阿南佢..為左救我...」阿紫用手背抹淚:「點解佢要咁傻呀！」
我遞上紙巾:「阿南佢...一直都好緊張你..」
阿紫接過紙巾後，一面惘然:「吓...？」
「阿南佢....一直都鐘意你架」我嘆一口氣:「所以果一刻佢..先會咁奮不顧身咁救你」
「阿南佢鐘意我？！」阿紫呆著了:「但係..佢..一直都」
「佢由小學開始暗戀你，但一直都唔敢同你講姐..」
「阿南...」阿紫低頭痛哭
我地四人響手術室外等左足足一晚，但我地依然係訓唔著
大約係朝早7點
「你地邊位係鍾尚南既屋企人？」一名醫生從手術室出黎
「我地..係佢既朋友..」
「病人岩岩過左危險期，但係仲昏迷緊」
阿紫非常擔心:「咁...阿南幾時會醒返架！」
「呢層我地都答唔到」
「阿紫老師...唔好咁啦，阿南哥哥會冇事架..」素素道
阿紫抹住眼淚道:「嗯...」
今次阿南就話大命死唔去，下次分分鐘捉埋阿咲，到時就唔係咁好彩
睇黎，我一定要主動出擊..
「I push my fingers into my eyes！！！
It's the only thing that slowly stops the ache！！！」
「聽聞...你殺左5號，係咪？」
打黎既，正是1號
「估唔到你d消息幾快架喎，定係..佢就係你派黎既人呀？」
「你點睇我..隨便你，不過，我打黎係想提醒你....2號同4號已經準備黎搵你，你自己小心d」
「就算佢地唔黎探我，我都會主動搵佢兩個啦」
「咁..祝你好運啦慕容光晨」
「陳督察，我可以問一個問題嘛？」
「咩？」
「0號呢？佢去左邊？」
「當年..佢同你一樣，反對背叛美國政府，所以響殺死你女朋友之前...我地就已經解決左佢」
咩話！！！
「哼，原來係咁...」
「光晨，做咩呀？邊個打黎架？」阿咲問
阿咲...叔叔...Cobra符號....
「阿咲！！！！你叔叔死果日..係幾時？！」
阿咲比我嚇倒:「6..6月20號囉..做咩呀」
「有冇！有冇佢既相響度呀！？」
「手..手機有呀..」
阿咲開出手機內一張和中年男人既合照
呢個中年男人頭髮斑白，身材瘦削
佢，就係0號！
「阿咲...你個叔叔...就係當年招攬我入Cobra既人」
「唔..唔會架..我叔叔佢...」阿咲不敢相信呢個事實:「佢係個好人黎架，點會做呢d事呀...」
我冷靜道:「放心啦阿咲，你叔叔同我一樣，都係反對Cobra背叛美國政府..佢亦係因為咁，所以先會比Cobra既人殺死」
「...叔叔...」阿咲眼簾亦泛起淚光
咪住先
「殺死最親愛既人，係我地Cobra對付叛徒既傳統」
咁點解..Cobra冇殺阿咲..反而去左殺死0號？！
「I push my fingers into my eyes！！！
It's the only thing that slowly stops the ache！！！」
「喂..」
「8號，你又殺死左我地一個兄弟...！」呢把娘娘腔既聲音，一聽就知係2號
「係又點呀，唔將佢分屍算佢好彩啦」我故意以激將法，希望可以令佢地兩個肯出黎同我正面對決
「雖然1號叫我地唔好節外生技，但係，呢個仇我地一定要報！今日下晝3點，又一城天台」
素素鼓起勇氣問:「光晨先生...邊個黎架？」
「係..2號...佢地約我今日下晝3點..做個了斷」
我正想轉身而離
素素卻拉住我
「光晨先生...唔..唔好去呀..」素素流著淚，挨住我既手臂:「我唔想見到...你有事呀...」
「係呀光晨，阿南已經為左我搞成咁，我唔想你都好似佢咁呀...」
「今次，我唔去唔得..佢地班人已經傷害左我身邊既人好多次」
我摸住素素既頭:「點解你成日都覺得我會死架，死o靚妹...」
「放心啦，今晚平安夜，我..會返黎同你過架」
「吓...光晨先生..」
「做咩呀？唔想慶祝呀？唔要省返！」我轉頭道
「唔好呀...」素素拉住我:「我..我..等你」
「嗯，咁我去啦」
身後既阿咲都拉住我:「光晨..我都要去！」
「你？你幫到我手咩？」
呢一刻，阿咲既眼神十分堅定
「嗯，我要...為叔叔報仇..」