[深夜重口味] 人妻下屬: Ceci 的決定
話說 Ceci 終於知道咗我同細 V 嘅野，佢一怒之下要請一星期假...
連續幾晚我都瞓唔到，不斷諗住 Ceci，好驚最終佢決定離開我。
終於到星期五...
「阿頭?」阿 Grace 一早搵我，唔通 Ceci 返咗嚟?
「細 V 有冇打畀你?」
「冇。」原來係講細 V，「佢冇打畀我...」
「佢打咗畀 HR 話唔返嚟，佢話會寄張 cheque 嚟賠翻果一個月通知... 佢有冇同你講?」
「冇，佢冇搵過我。」
細 V 咁就走了，其實佢同我已經冇晒關係，不過始終我地做過好多次愛，而且仲有感情，所以佢依家一句說話都冇同我講就走，我有啲難過，不過我依家最重視嘅唔係佢，係 Ceci，佢先係我嘅一切...
到 5 點半 Ceci 都未有消息，我好擔心。
到 6 點半其他人走咗七七八八，唔通佢星期一先返? 我準備執野走，突然電話響，caller ID 係 Ceci!
「喂 Ceci? 我...」
「你係咪仲嚮公司? 我想依家上嚟...」
After office hours 先返嚟? 我有好強烈嘅不祥預兆，不過我真係好掛住佢...
「阿頭...」佢終於返嚟，成個人瘦晒，個樣好憔悴，我好心痛，係我搞成佢咁，佢一定係成個星期都好傷心...
「Ceci，對唔住，好對唔住，我...」
「阿頭... 唔好意思要你等咁耐，我諗咗好耐，我地... 」
「我地都係分手啦...」佢放低一封辭職信...
吓? 點解咁架? 佢唔係應該原諒我咩?
「Ceci，對唔住，係我唔好，係我衰... 係我呃你，對唔住，求你唔好離開我... 我唔可以冇咗你...」
「唔好咁啦... 你同細 V 嘅野已經過咗去，至於你呃我，我都已經冇怪你...」
「咁點解你仲要走? 我唔可以冇咗你...」
「我諗得好清楚，雖然我唔怪你，但呢件事永遠係一條刺，就算我地繼續嚮一齊，呢條刺會一直存在，我會成日懷疑你又呃我，日日擔心會令人好辛苦，之前我已經試過，我唔想再係咁...」
「Ceci 我對你發誓我永遠唔會呃你，求你唔好離開我，請你畀多次機會我，我地以前好開心格，我之前從來未呃過你，我地可唔可以從新嚟過?」
「阿頭，其實... 其實問題唔係嚮你度，係嚮我果度...」
「我不斷諗，你點解要呃我? 你都冇做錯，你係被迫嘅，你係受害人，點解唔同我講?」
其實我只係開頭被迫，後來我好鍾意同細 V 做愛，但我點講得出口?
「我相信你係對我冇信心，你認為我會同其他女仔一樣唔信你，所以你暪住我。」
「Ceci，我...」
「不過其實係... 我對你一樣都唔夠信心。當你同細 V 去美國果陣，唔知係直覺定係咩，我已經形住會出事，我成日同自已講，要對你有信心，點知最後都係忍唔住用 facetime 嚟 check 你，事後我好後悔，阿頭，我問自己，我其實想搵乜野? 我係咪一定要搵到證據先心熄? 但我點解要咁做? 我愛你應該要完全信你，我應承自己一定唔可以再咁做... 點知... 點知你一返嚟我又即刻檢查你...」
「我好討厭自己... 經過呢幾日，我終於諗清，其實我... 其實我冇我以為咁愛你，我只係被自己呃咗... 可能我第一段婚姻唔好，令到自已好迷失，當你出現，當你教我野，當你支持我，當你保護我... 我以為自己好愛你，其實只係表面，當我一面對第三者，我先發現自己對你嘅真正感覺...」
「我相信... 如果我係真心愛你，無論你係點我都唔應該懷疑你，不過我...」
Ceci 你誤會晒，你擔心係啱，你懷疑係啱，因為我真係...
「Ceci，我地可唔可以忘記以前啲野，從新嚟過?」
「阿頭，又係你教我做人要向前望，睇住倒後鏡揸唔到車嘅?」
「我地返唔到轉頭...」當時我勸佢同老公離婚所以咁樣講，點知依家佢同我講翻...
「Ceci... 我... 我唔可以... 咁我地個 BB 呢? 我地個 BB 點呀?」
佢猶豫咗一陣:「個 BB... 我地個 BB... 我前日已經去咗醫生度做咗終止懷孕...」
吓? BB 冇咗? 你剎咗我地個 BB? 莫講話我未見過個 BB，我連佢係仔定囡都唔知... 你咁就剎咗佢? 你點解唔同我傾下先? 個 BB 我都有份，你點可以咁做?
不過再怪佢都冇用，我睇得出冇咗 BB 佢都好唔開心，我最重要係留住佢，不過依家連 BB 都冇埋，我仲憑咩留佢?
「Ceci，對唔住，真係好對唔住，不過我真係唔可以冇咗你，求吓你唔好走，冇咗你我真係唔知會點...」
「阿頭，咁耐以嚟我真係好開心，你教咗我好多野，嚮我最唔開心嘅日子全靠你支持我，我永遠都唔會忘記，多謝你，或者... 或者係我地係有緣無份...」
「你要好好照顧自己...」佢起身:「再見...」
「Ceci...」佢行到房門口，我嗌住佢...
「阿頭，保重。」佢擰轉頭走了...
Ceci 咁就走咗? 我最重要嘅女人，我最重要嘅一切，Ceciia，佢咁就走咗? 點解佢咁決絕? 我地感情咁深，點解佢依家話唔夠愛我? 我連反應都未嚟得切，佢咁就走咗? 我剩翻啲咩?
我坐嚮 office 發呆，腦海空白一片，我好想喊，不過眼淚流唔到出嚟，困住嚮眼入面，好痛好辛苦...
我要諗吓點樣追翻 Ceci，不過思想完全唔受我控制，Ceci 嘅決定對我打擊太大，我接受唔到...
嚮 office 坐咗唔知幾耐，我起身離開公司，不過唔知應該去邊，四週維都好似好陌生，我竟然嚮自己公司樓下迷路...
行下行下突然有人嗌我:「老細，你點呀?」把聲咁熟? 係邊個?
「你點呀? 我特登嚟揾你...」原來佢係 Christy。
「Virginia 打咗畀我，佢話晒你地嘅野畀我聽，所以我特登嚟揾你...」
Virginia? 邊個係 Virginia? 個名有啲熟，我識佢咩? 記得喇，Virginia 即係細 V。
「不如我地返上先傾...」原來我不知不覺下行返去舊居。
入到屋我坐低，Christy 冇點執過，所有野同我搬走時差唔多。
「原來果日我走咗之後發生咗咁多事...」
個廚房我同 Ceci 一齊煮過好多次飯，又試過一邊煮飯洗碗一邊做愛...
「佢應承咗佢老公唔再搵你，無論咩途徑都唔會，所以冇辦法親自同你講再見...」
透明浴室我同 Ceci 度過咗好多溫馨時刻，雖然浴缸好細，不過更加令我地緊貼對方...
「佢跟佢老公返咗去澳洲，佢托我同你講再見，佢話跟你嘅日子佢學到好多野，好開心...」
大床除咗做愛，亦係我同 Ceci 傾心事，互訴心聲嘅地方...
「佢知道佢破壞咗你同你老婆嘅關係，佢好對你唔住，但希望你可以原諒佢，同埋忘記佢...」
Christy 講咗一堆野，不過我唔知佢講咩。望住呢間屋，呢度充滿咗我同 Ceci 嘅回憶，終於困嚮眼睛嘅淚水開始流出嚟，點知一發不可收拾...
「嗚... 嗚... 嗚... Ceci... Ceci 佢唔要我... 佢離開咗我... 嗚... 嗚...」
「嗚... 哇... 哇... 點算呀? Ceci 走咗喇... 點算呀? 點算呀?... 哇... 哇... 哇...」我喊到收唔到制，喊到好似一個被媽咪拋棄嘅小朋友咁。
人人都話眼淚係女人嘅武器，不過當一個男人對住女人喊，其實剎傷力仲大。
Christy 見我喊得咁慘，過嚟攬住我個頭，畀我枕嚮佢胸度繼續喊，喊到佢心口濕晒，佢雙乳雖然冇細 V 咁大，但都好好枕，不過呢一刻我冇任何性衝動，只係覺得佢攬得我好舒服，好溫柔，我可以好安心繼續喊。
「Virginia 叫我照顧你，你今晚唔好走，留嚮度...」
我繼續喊。