《地獄面試》: Ch.17 尾聲
Ch.17 尾聲
2018年10月20 日
白色建築物外的小花園中，一對男女坐在長椅上，和煦的陽光從大樹的枝葉間照在他們身上。
「啪。」男子關上手提電腦，平靜地看向天空的雲朵。
「之後呢？主角最後戴咗個白色面具？！仲有阿友呢？」女子緊張地問道。 這個女子娟秀可人，豐滿的胸差點便把潔白的護士服撐破。
「哦？嘿。陸姑娘你覺得呢？」男子不置可否，摸一摸下巴的鬍渣。
「我估戴咗......但主角咁就屈服起女魔頭嘅淫威之下？！」陸姑娘站起來，不滿地抱胸問道。
「隱忍，喺為咗走更遠嘅路。更何況，『小說家』一日未寫夠美好嘅橋段，『藝術家』一日都仲有存在嘅價值。」男子淡淡一笑。
「哼，我唔鍾意呢個故事，實在太唔合理。點解咁多年都無人揭發呢個失序島？」她問道。
「如果我同你講，『藝術家』除咗喺富可敵國嘅隱形富豪，仲喺某個國家嘅政治領袖呢？你覺得世界各地嘅政府會為咗幾個蟻民，同一個政治領袖作對？當然唔會。佢地只會配合，美其名喺大局為重，實際上則希望對人性嘅盡頭充滿好奇，嘿嘿。」
陸姑娘一時語塞，連忙轉換話題。
「點都好，天晴唔可以咁樣銷毀......死！」她氣得滿臉通紅，煞是可愛。
「…….」男子沒有答腔。
「我唔準一個同我家姐同一日生日嘅女仔俾個死矮仔殺死。我家姐.......家姐都喺警花，不過佢捉賊，英勇徇職。」說到自己的姊姊，陸姑娘眼眶中凝了一層霧氣。
男子目光深邃地掃了陸姑娘一眼，然後從椅上站起來，語氣沒有半點起伏地說道：「我想返上房喇。」
「嗯。」陸姑娘輕輕拭去眼角的淚水。
半小時後的走廊中，兩個人並肩而行，一個是捧著病歷表的陸姑娘，另一個則是中年女護士敏姐。
「你呢排成日同個病人行得咁埋，小心俾佢都搞到痴埋一份。」敏姐說。
「敏姐你覺得何志明呢個人真喺有精神病咩？佢睇落去好正常，比正常人更加正常啊！」陸姑娘若有所思地說道。
「痴線，阿妹你喺咪發梗燒呀？經驗話我知，愈正常嘅病人愈危險。你有無問過何志明知唔知點解入嚟？」敏姐放慢腳步。
「呃........佢話.......度假。」陸姑娘支支吾吾地說道，臉蛋霎時變得紅彤彤，顯然她也覺得這個理由白痴到家了。
「咁咪喺囉。你覺正常人會入嚟精神病院度假，仲要住足一年？都Short Short地！哈哈！」敏姐的雙下巴和肚腩隨著她的笑聲一顫一顫的。
「阿妹，你嚟呢到先一年半，做到阿姐我咁嘅年紀啦，你就會睇化喇。呢到啲精神病人，個個都話自己正常，有人仲話自己有特異功能，唔喺呢個世界嘅人添！」
這時候，一個醫生迎面而來，笑容可掬地看著陸姑娘，完全忽略了明明身型逼爆視野的敏姐。
「Dr. Cheng」陸姑娘跟敏姐點頭。
「陸姑娘，麻煩你入一入我房。」鄭醫生笑道。 陸姑娘愣一愣神，隨即點頭，跟著鄭醫生走進辦公室。 當鄭醫生甫坐在辦公椅上，陸姑娘便搶先開腔。
「醫生，我喺唔喺做錯咗咩？」陸姑娘怯怯地問道。
「啊，無，無。我只喺想問吓天音你聽晚有無時間？你唔介意我叫你天音嘛？」鄭醫生笑道。
「聽晚？呃.......」陸天音一時之間反應不及過來。
「放心，我無惡意喇，只喺想邀請你食一餐便飯。我覺得醫生要同護士要加深了解，好好『溝』、『通』，令病院嘅運作更暢順。你覺得呢？」鄭醫生目光停留在天音微微起伏的胸脯上。
「我、我可唔可以遲少少覆醫生你？」
「可以可以，我幾時願意等你，嘿嘿。」鄭醫生目光閃過一絲不忿，瞬間即逝，再次露出溫文儒雅的笑容。
「喺喇，鄭醫生。你記唔記得312號房嘅病人何志明？」陸天音尷尬地轉過話題。
「何志明？有啲印象。有咩事？」說到另一個男人，鄭醫生的臉色頓時沉了下來。
「你記唔記得佢咩事入嚟？」她緊張兮兮地問道。
「唔太記得。好似.......好似喺求職失敗，接受唔到現實導致Delusional disorder？做咩無端白事問起呢個病人？」鄭醫生問道，目光停滯在不遠處的窗外。
「航拍？」 「無，只喺好奇。醫生，你講咩？」陸天音見鄭醫生失神，不禁問道。
「啊，可能呢排太攰，一時眼花。」鄭醫生揉揉那雙陰險的三角眼，把目光重新投放在天音的奶子上。 片刻後，陸天音輕輕關上房門，離開辦公室。鄭醫生的笑容漸漸散去，口中喃喃自語。
「我鄭子誠要嘅女人，從來都唔會失手。」他緩緩吐出這句話。
同一時間，312號房中。 男子愜意地坐在病床上，看著手提電腦的螢幕，若有所思地發笑。誰也琢磨不透他這個詭異的笑容。
「差唔多喇。」他唸唸有詞，瞥看滿是傷疤的手心一眼，然後把視線移向窗外的落陽。
翌日中午，陸天音經過312號病房，掃了裡面一眼，看一下那個經常出現在自己腦海的精神病人。然而，下一秒她便楞在原地，久久不能回過神來。
「何志明！」她衝進病房中，敏姐整理潔白的床單。
「仲何咩鬼？」敏姐沒好氣地說道。
「何志明呢？」天音激動地大喊，一種不安的感覺直襲心頭。
「瓜咗柴喇。聽講今朝自殺死咗。唉，果然喺精神病。」敏姐隨意應道。
「咁佢條屍呢？！」天音按捺不住，朝敏姐大聲吆喝！
「…….我都喺聽返嚟。我今日返工嘅時候已經見到個床位吉咗喇。」敏姐面帶怯意地後退一步。
這時候，窗外傳來一陣微弱的歌聲，隨微風而至，旋即把失控的天音吸引住。
「Hey Jude, don't make it bad……..Take a sad song and make it better.Remember to let her into your heart,Then you can start to make it better～」 天音呆呆地走到窗前，凝神看著對面的大馬路，淚水終於湧出來，爬了滿面........ 何志明在馬路中心，跟自己揮手。
他身旁還有一個捧著相機的大胖子，不，正確來說是一手捧相機，一手搔肚皮的肥毒撚。
半晌後，隨車輛呼嘯而過，歌聲終於融進空氣，何志明亦消失於視野中。 天音任由微風撫摸自己的臉頰，吻走自己的淚水。她默默無言，因為她知道總有一天，何志明將會再次出現在自己眼前。 她期待著這一天的來臨。
另一邊廂，鄭醫生這時候正在「佯裝」看病人的報告，雙眼卻是放在陸天音的員工照片上，手在醫生袍中不停地擼動著。
「嗯......」 當他快按不住的時候，電話忽然響起........
「鄭子誠先生，你需要一份比宜家收入更可觀嘅工作嗎？」 鄭醫生茫然地看著手機，赫然發現這是手機的語音功能！
「請於五秒內回答，否則求職者將被銷毀。」
「5。｣
「4。｣
「3。｣
「2。｣
「1。｣
「你答案喺？」
《地獄面試》正篇完結，外傳即將更新，敬請各位多多支持。如果彩完有咩唔明嘅地方，歡迎去小弟FB PAGE又或者呢到留言，亦可以PM小弟。
註：更新得太慢，小弟萬分抱歉，跪玻璃謝罪。