那一天，我再遇上了妳: 李生

秘書：「請問有咩幫到你？」

我：「係李生叫我上黎」

秘書：「請問可以點稱呼你？」

我：「我姓王」

秘書：「好...咁王生，請等等」





就係咁，我係出面等左十幾分鐘，個秘書就係李生個辦公室門口出翻黎

秘書：「王生你可以入去啦」

之後我就入左李生的辦公室

哇....佢間辦公室大到呢

咁樣一望入去，間辦公室我諗都應該最小有兩千尺





周圍都擺晒好多好多有中國歷史ge繪畫

李生：「亦軒你到左啦」

我：「係啊李生」

李生：「呢幾日你翻工翻成點」

我：「幾好啊」





李生：「老實D 啦」

佢想我講咩啊？

我：「其實...」

李生：「照直講」

我：「除左周圍係公司到參觀之外...我都無咩實質野做過」

李生：「你好似係做...？」

我：「非執行董事」

李生：「我頭先沖壺茶，你飲唔飲茶？」





李生飲得落ge茶都應該好貴，咁大個在都未試過

不過咁樣好死會搞到我好Cheap 咁

我：「唔洗啦李生，我都唔係好識喝茶...無謂浪費左你壺茶」


李生：「啊係...咁不如咁...我有個好主意」

可能係因為我老豆ge原因

次次佢講親呢句都係比到好多「驚喜」我

所以通常聽到呢句，我仲係覺得我又再次比D大人玩





我：「？？」

李生：「你熟唔熟悉香港ge物業？」

我：「唔係好熟悉」

李生：「咁你聽日跟啊老鍾學下野...遲D 我秘書會聯絡你嘎啦」

我：「咁好啦李生，無咩野我唔左住你啦,我落翻去做野」

李生：「嗯」

之後我就落翻去，無無聊聊咁又過左一日





見今日無野做，之前又搞到Kristy鬼咁唔開心

所以我放左工之後，我就去佢屋企

比個Suprise 佢，同埋同佢食晚飯