那一天，我再遇上了妳: 掛念

就係咁，我成日都無出過街，成日都留左係屋企度睇下視頻同埋打下機咁

我打咩遊戲多？其實通常都係槍game 多

以前就有「Sleeping Dog」， 而家就玩「Overwatch」，「Titanfall 2」同埋「The Divison」多

我覺得打PVP 其實好玩過打PVE 好多, COD 同埋BattleField 我都有玩過

不過唔夠一個禮拜，我玩左一陣就爆左個故事模式





覺得好無癮，所以就在無玩

你地一定依家會話屌，佢地都有PVP 嘎窩

我知佢地都係有PVP

不過次次上網D 留言個個都話佢呢兩隻槍game 故事模式好好玩

坦白講我覺得都係名過於實





所以每次打爆佢呢兩隻遊戲出ge最新版本

我都係有D失望，所以就無繼續打落下

就係咁，好耐都無打過成日機ge我，決定繼續「The Divison」入境區繼續拆裝

於是，不知不覺我就打到夜晚七點幾

直至我老豆翻完工翻黎





老豆：「老婆我翻黎啦...」

老母就係個廚房好大聲咁講

老母：「老公你翻黎啦...我仲煮緊飯啊...好快有得食...你入去沖個涼先啦」

之後我老豆就入左煮房

老豆：「依....點解我地今日煮飯ge老婆？」

老母：「阿仔今日無出街嘛...所以我未諗住係屋企煮下飯，煲碗湯比佢飲下咯...佢係外國都應該無咩湯飲過啦」

老豆：「幸苦晒啦老婆...咁我而家去沖涼先啦」

之後隔左差唔多半個鐘就有人敲我門





「各...各...各...」

老母：「仔出黎食飯啦」

我：「得...而家出黎！」

出到客廳，就見到啊媽蒸左條魚，炒左碟菜，同埋有羊架，仲有紅蘿蔔節瓜湯

諗下諗下...其實好耐都未一家人食過飯

以前係香港日日食就覺得我老豆老母好煩，想同朋友出街食

不過出左美國讀書幾個月，原來一家人可以齊齊整整咁坐低食飯





係一間幾咁難得ge一件事

之後我就坐低左，同啊爸啊媽食飯

成餐飯，佢地都係問下我係美國點，識左D咩人同埋Kristy 個D野

又講下老豆同埋我係溫哥華食飯個時比啊媽聽

我咩都有同佢地講，除左一件事

就係我連自己都估唔到我會咁掛住同屋企人相處ge時間

同屋企一齊去飲茶，啊媽ge囉嗦，啊爸ge長氣

其實我都好掛住





講到呢度我都有小小眼濕濕

不過好彩終於我地都食完飯，唔洗在講我D野

之後我就幫手收晒D碗去洗碗機之後

老豆就叫左我出去露台傾下計

老豆：「頭先老李搵左個人上黎我公司，講關於你聽日翻工ge事」

我：「點啊點點啊點啊？？佢話我做咩啊...唔會真係百佳啊哇....」

老豆：「你就百佳啊...李生話佢對你好有興趣....」





我：「我係唔會為左份工出賣我女朋友ge！」

老豆：「你講左去邊啊..老李話想你由聽日開始代表佢去睇舖啊」

我：「喂我唔係黑社會窩..我咁細粒...點受保護費啊...唔得唔得唔得」

老豆：「軒！...佢ge意思...姐係叫你係佢公司做非執行董事啊」

我：「下...姐係做咩嘎？？？！！！」

老豆：「其實...老豆都唔知...你唔好問咁多啦？！你聽日八點鐘跟住呢張紙個地址去翻工就得！仲有...呢張係你翻工ge卡...袋住佢...千其唔好唔見!」

老豆：「啦」

老豆就比左張紙同埋張卡我之後佢就入翻房訓覺

而我...就入翻房，沖個涼....之後先睇個張紙

上面寫住「中環皇后大道中2號」

邊度黎嘎？去都未去過...算...都係聽日起身先搵下點去

最多未搭Uber

而家都係訓覺先，聽日仲要早起身