那一天，我再遇上了妳: 機會

「緣份讓我們相遇亂世以外,命運卻要我們危難中相愛

也許未來遙遠在光年之外,我願守候未知裡為你等待

我沒想到 為了你 我能瘋狂到

山崩海嘯 沒有你 根本不想逃」

鬧鐘一響，凌晨六點半...唉..





沖個涼，換套西裝，八點鐘

一出到房門就見到老豆已經坐左係沙發到等緊我

老豆：「早晨啊仔....真係無遲窩」

我：「嗯...早晨....」

其實我想同佢講我隻眼都仲未打得開





老豆：「出發！」

我：「喂老豆你仲未同我講我地今日去邊窩..」

老豆：「去帶你見一個人」

之後我就上左我老豆架Bentley 到....

我地過左海，去做港島個邊





上左幾次山...再過左幾次屋苑大閘檢查

我地就到左一座別墅

一入到門口....就好幾個大隻佬企左係度唔比我地入去

過左無耐我地係個門口到等左差唔多十幾分鐘

個幾個大隻佬聽完一個電話，佢地就放左我地入去

入到我地就上左見別墅的二樓...之後原來個度好條隧道穿去令一間別墅ge第一層

第一間別墅我已經覺得好大...差唔多有Kristy個間咁到

不過第二間別墅足足有六層咁高





但係邊個富豪可以張一間別墅連係令一間別墅個度？？！！！

我細細聲咁同老豆講

我：「老豆究竟我地要見邊個啊...睇落呢條友好有錢窩」

老豆：「等陣你就會知」

之後過左幾分鐘，就有個女人係二樓落左你

女人：「早晨啊..主人去左做晨運...你就係王生？」

老豆：「我係....唔緊要我地可以等」





就係咁...我地有再等左一個鐘...究竟邊條友要我同老豆等咁耐先見到佢啊？

邊撚個咁把炮啊

終於再等左半個鐘

有一個啊伯係係屋ge另外一邊好慢咁行緊過黎

仆街...個個未係

香港房地產企業家

長江集團董事局主席

老豆：「老李今日晨運點啊？」





老李：「無啊都係咁啦小王...不過今日天氣幾好..無落雨...又唔係太熱...呢位後生仔係？」

老豆：「啊...呢個就係我個仔....軒...快D叫人啊」

仆街...咁次真係仆街...點解會有D咁ge事發生....

我：「李生...你好....我係..王亦軒...」

老李：「乖...軒...聽你爸爸講你而家搵緊工做窩...」

我：「係啊係啊...不過我唔想....麻煩你...咁唔係咁好ge」

老李：「你覺得我幫唔到你搵工？」





我：「緊係唔係....我絕對無咁ge意思....李生你...都係一間大公司主席...我點可以麻煩你....」

老李：「哈哈哈哈哈哈哈....」

我望一望老豆

老豆：「其實老李頭先都係講下笑...唔係認真...」

感覺我又比D大人玩...

老李：「咁係一間好事呢ge...做野認真係一間好事呢...哈哈哈...後生仔坐低同我地兩個老野食下早餐啊...我而家有小小興趣想認識下你」

我：「嗯嗯」