那一天，我再遇上了妳: 末期考試
終於都到左我要考試ge日子
今次考試比之前考試緊張，因爲我溫都無咩溫過...
今次真係叫裸考...點算...如果我唔及格邊課，我就要重新再讀過個課
唉...我真係唔想Repeat...
Shit! 夠鐘要出門口考試
原來諗諗下唔覺唔覺都已經八點幾...再唔出去就真係遲到
到時就真係直接無得考，自動要Repeat
不過一出客廳我發覺已經無晒人，個個都已經番左學校考試
所以我就係屋企樓下坐左架106 號巴士番學校
黎咁耐美國...好似真係第一次坐巴士
唔怪之得Kristy 同Emily寧願比多小小錢坐Uber
架巴士唔係好似大部分香港巴士咁又大架又有兩層
大部分美國巴士都係單層巴士，一入到去大概有十排座位到
但係有差唔多三排都係比傷殘人士先坐得
就算無人坐，根據美國法例都係唔坐得
咁姐係實際上得七排
每一排大概係有四個座位，所以一架車大概就只係得二十八個座位
仲要我學校係係城市ge中心，自然就會有更多人會搭我個架巴士
所以我一入到巴士就要係咁逼入去先上到車
上到車仲要無冷氣，又無暖氣，仲要站站都有人落
真係又逼，又多人，又嘈....算...下次如果佢地再唔係度，我都係自己叫Uber 算
幾經幸苦，終於我都番到學校
第一個數學考試我覺得我考得幾好，我覺得都幾簡單
做左差唔多一個鐘就做完成份卷
第二個英文考試我諗都可以，都可能有最多八十分，因為我都溫睇過下
不過第三個美國文化話，我咩Q都唔識...因為有A,B,C,D,E 卷，連比我抄下人ge機會都無
用晒我兩個鐘我都係左到一頭霧水
睇黎...今次我都真係要Repeat呢一刻啦...
不過都係個句啦
「無論多麼壞 好心態
若早知最壞 尚能更壞
凡事都很壞 仍能愉快
才是崇高境界 」
所以我考完都無咩再諗同擔心
咩都唔理，因為聽日仲要繼續考
所以就番左屋企，隨便咁住左個公仔麵
之後就訓一覺，訓醒再溫