那一天，我再遇上了妳: 康復

之後個幾日除左係翻學之外我就去左醫院探Kristy

醫生話佢而家已經恢復正常ge血糖指數，但係最好做一個詳細身體檢查

確保佢身體係真係無事，先再出院

原來呢幾日Kristy 原本要係學校考試，不過佢要過多幾日先可以出到院

所以我就同Emily 係醫院拿假紙..證明佢係入左醫院先考唔到試同埋安排佢出左院之後可以補考





翻到學校個個都係度問我Kristy點，由其是個D狗公

日日係學校見到我個時都係甘係度問，又唔見佢地問下我點？佢有男朋友嘎啦，各位狗公，收皮啦

唉，呢幾日個屋企都係得我同Emily，其實屋企就只係小左一個人

不過已經變得好冷清

我同Emily都無再係屋企煮飯，我地差唔多都係餐餐出去食





雖然話Kristy而家已經無事，但係我同Emily都仲係好擔心佢

希望個驗身報告係正正常常

終於Kristy聽朝就可以出院，今晚我比平時早左D訓

我想精精神神甘接Kristy翻屋企

較好個手機鬧鐘聽日六點鐘起身，之後我就訓著左





不過到左凌晨兩點...

你有找幸福的自由 我未夠他得天獨厚 我也想對我這塊鏡擲石頭

屌邊條仆街又係夜晚打黎阿

我：「Hello...」

媽：「仔仔！！！」

我：「咩料，媽...我而家呢邊凌晨兩點阿」

媽：「甘我見你上次無啦啦打比我，我以為你掛住我阿嘛」

係窩，有真係好似有件甘ge事





我：「係啦係啦..甘你去完旅行未阿？...」

媽：「去完啦...琴日翻左黎香港啦...仔你最近點阿？」

我：「我還好啦」

媽：「甘你女朋友呢？」

我：「佢有小小病，不過而家好翻好多啦，你唔洗擔心啦」

媽：「你阿...唔好嫌阿媽長氣...你個人其實都幾好，但係就係唔夠細心...記住阿仔...就算女人話唔洗你幫，唔洗你理...其實大多數都係相反嘎...唔好問阿媽點解...女人就係甘嘎啦」

我：「得啦得啦阿媽...」





媽：「人地同得你一齊你就好好照顧人地阿記著！女人係要人錫嘎！好啦..阿媽唔左住你訓啦...我第二日再搵過你啦」

我：「好啦，掰掰！」

媽：「Bye Bye 」

之後我就Cut 左線，攤翻落床

諗番阿媽頭先講ge野，其實都有D道理

就係因為自己唔夠細心，所以Kristy先會搞到甘

好，由今日開始，我要做一個細心ge男朋友！不過而家都係要訓下先，過幾個鐘就要去醫院接Kristy翻黎