那一天，我再遇上了妳: 計劃

到左夜晚十點，我個鬧鐘就響起...所以我就照原定計畫打比我老母

我：  「阿媽，係我阿.. 」

媽：  「仔...我地好耐無傾啦！！喂...話時話....點解我同你老豆打你個電話個時直接飛左去留言ge？」

阿係窩...之前去百貨公司個時，Emily幫我換左張美國電話卡...唔怪之得我阿媽打長途過去我香港電話個時會直接飛左去留言

我：  「喔...唔好意思啊啊媽...我之前換左張美國電話卡...」





媽：  「咁你又唔話比我聽？！咁你而家電話幾多號啊？」

屌美國電話咁多個數字，我鬼知咩

我：  「等等，等我睇下我自己電話個設定...啊...啊...我搵到啦...係....8123271XXX....」

媽：  「好！我抄低左啦..」

我：  「其實啊媽我搵你係有D事....」





媽：  「仔....仔仔！你唔係有咩大件事啊？你唔係搞大左人地個肚啊？？？？！！」

我：  「緊係唔係啦.！...係我下個星期放假...之後我個兩個室友想...」

媽：  「姐係你個兩位女朋友啦...」

我：  「阿媽！都話係室友咯....都唔係ge...其實有一個...唉講翻正題先...佢地話想係個個時間去旅行阿...」

媽：  「其實你阿媽都好開通ge....你而家都算係讀緊大學啦...拍拖都好正常...係唔係有一個係女朋友阿？ 同埋你地想去邊？ 只要唔好太危險ge地方...阿媽都覺得去到外國都應該要周圍見識下...」





我：  「係...係有一個而家係我女朋友咯....不過講個名比你聽你都唔識嘎啦...」

媽：  「咁你地想去邊啊？」

我：  「佢地好似話去Los Angeles, Miami 或者 Vancouver...」

媽：  「Los Angeles 同 Miami  我就未去過啦...不過 Vancouver 我都有幾個朋友移民左去個度...聽佢地講應該都幾好...個度又有飛機比你阿爸飛過去睇你，之後直飛翻香港...」

我：  「咁姐係阿媽覺得Vancouver 會比較好？」

媽：  「係啊...」

我：  「好啦...咁阿媽我同佢地講下啦...」

睇下個電話，原來而家已經十一點幾...





我：  「阿媽...咁我訓啦....你幫我同阿爸講下啦...同埋比埋我電話佢阿！」

媽：  「得啦長氣...你早D訓啦...拜拜....」

到左聽日...我一起身已經係下午一點幾...好彩今日唔洗番學姐...

出到客廳...點解一個人都無ge？之後我就打比Kristy 

我：  「早晨啊...阿永Bb....你地去左邊阿？ 」

Kristy：  「早晨啊軒軒...我同Emily 見你未起身，但係我地就十點幾就已經醒左..所以未出左去食野吖...洗唔洗買外賣比你啊？」

我：  「喔...好啊好啊...你幫我決定買咩食啦...咩都無所謂...」





Kristy：  「喔咁好啦..」

我：  「係啊...我琴晚打左比我啊媽...佢話去溫哥華應該無問題啊...你地得唔得？」

Kristy：  「我同Emily都應該無所謂啊....咁我叫Emily幫我地安排啦...一向都係佢搞呢D...所以應該無問題啦..」

我：  「咁...咁需要有咩幫手就出聲啊知唔知啊？你翻到黎再講啦...」

Kristy：  「嗯嗯..Byebye」

收左線之後我就不知不覺咁係客廳張沙發到又訓著左...