那一天，我再遇上了妳: 默默

所以之後個幾日我都無再刻意去同Kristy傾計...

每日Kristy一係就要番學...一係就係學校圖書館幫人補習,同埋自己搵書，日日佢番到屋企,都已經九至十點

好多時佢都同唔到我同Emily一齊食飯...不過我發現佢都唔會自己係出面食完先翻黎

佢一係自己煮個公仔麵,一係就整Salad食，雖然我唔想刻意去煩佢，但係見到我ge天使日日都搞到咁夜，難免有小小心痛

所以我有個主意，我決定為去做第一樣野，就係之後嘗試下早D同Emily食完飯之後去Walmart 買定D野，煮晚餐等佢翻黎有野食





不過今日係星期日，Kristy 唔需要翻學同埋補習，要等到聽日先可以試下咁做

Emily :「Kristy，阿軒，而家快D係房出黎!」

我，Kristy:「 做咩阿」

Emily :「 Look at our living room! 垃圾又唔清，張食飯台又好亂, 你地D野又擺到成個廳都係...totally unacceptable!」

不過我係個廳到見到有胸圍，個cup都幾大下，應該係Emily 





我:「喂喂喂...但係胸圍應該唔關我事窩..係唔係你嘎Emily？」

Emily :「咩...咩窩...咁我頭先係個洗衣房出黎...唔小心...掉左係度渣嗎...」

我:「Thats totally unacceptable!」

Emily :「咁鬼叫個洗衣房係個客廳隔黎阿嘛.....Kristy阿...幫我講下野啦!」

Kristy:「咁...咁...Emily 都應該係唔小心ge....其實..不如我地整個時間表...我地輪住負責打理客廳啦...」





Emily :「都係Kristy講野有Point過你阿阿軒!」

我:「咁kristy...你想點分阿？」一對住Kristy講野，我隻手又開始出汗...屌...點解會咁嘎

Emily:「我二四要番學..咁我就負責星期一，星期三，Kristy就負責打理星期二星期四，星期五，六日就係阿軒負責...okay？」

Kristy :「okay！」

咁樣唔係唔好，但係Kristy已經日日都要做野做到咁夜先翻，我真係唔想見到佢咁攰都仲要翻屋企清潔，所以我決定我要幫Kristy做埋佢個份

我:「唔得，Kristy星期一到五都已經好多野做，就等我幫佢清潔埋佢需要個D日子！」

我好大聲咁講，搞到Emily同Kristy都好似比我嚇到咁，隔左幾秒，Kristy就話

Kristy :「唔好麻煩阿軒你啦..我都應該可以...」





我:「唔得，就咁決定,今日係星期日...我而家就翻房換見衫..出黎清潔...」

我無比佢地反駁ge機會..我就衝左入房,瑣埋門

入到自己廁所望下塊鏡...屌...王亦軒究竟你自己係度做緊咩阿...我先自己發現......我好想去保護Kristy，好想話佢知呢個世界唔係個個男人都好似Patrick 咁

我覺得自己已經默默咁鍾意左Kristy.....作爲一個男人，我決定我要嘗試融入佢ge生活...嘗試去擁有佢...

不過佢係天使..我就係平凡人...我覺得佢點都應該唔會鍾意我...

之後我就洗下面...聽到有人敲門...

Emily:「既然你今日要幫手清潔...我同Kristy 就唔打擾你啦...me and Kristy is going to shopping now!我地好快就會翻黎嘎啦」





女人行街又點話快阿，我阿媽以前夠話只係落樓下行半個鐘就會翻黎，點知過左成兩個幾三個鐘先翻..

Emily講完呢句野後，佢就開始好大聲咁係度係咁笑..之後就開屋企大門同Kristy走左，屋企又係得翻我一個...

當我開始想出客廳清潔個時...我就見到我房門下面有張小紙條...上面寫住...

「多謝你阿軒...From Kristy」雖然只係幾隻字...但係見到呢張小紙條，我更加肯定兩樣野

一，就係我頭先做ge野係無錯

二，我真係唔知由幾時開始已經默默咁鍾意左Kristy...我好想默默咁係佢身邊保護佢....