【小喬初嫁了】初戀女友結婚前的一場鴻門宴: 第八章

「你去唔去溫書呀？」下車前，張彩悠轉頭問我。 


「溫書？」 


溫書這兩個字簡直與我毫不相干，就如太陽和月亮；共產主義跟資本主義；東林黨跟閹黨；磁石中的南北極，我跟溫書也是一樣，有溫書就沒有我，有我就沒有溫書，總之誓不兩立。 


「係呀，我去溫書，你一唔一齊？」 






「好呀！」 


如果溫書的同伴也是其中一個考慮因素...... 


第一次尾隨張彩悠下車，心情有點雀躍。 






離開電車後，兩個人走在街上，感覺好像有點奇怪。 


似是不在電車，說話就變得難起多，就如現在whatsapp對話很多，但現實面對面時卻無話可談。 


就是這一種尷尬。 






二人並肩而行，我還會聞到張彩悠淡淡的髮香。但我們並無話題！不知說什麼好。 


「呃....妳知唔知，有條鯊魚唔小心吞咗一粒綠豆，佢會變成乜野？」我隨口說。 


「嗯......會變咩？」 


「綠豆沙！」 


她瞪大圓潤的眼睛望著我。 






「妳知啦.....鯊魚吞咗綠豆.....就係綠豆沙.....無野啦。」我越說越細聲。 


我好像還是不說話比較好。


來到街市旁邊的自修室，我們找到一個角落的位置坐下。 


她自動自覺就打開書包，拿出課本溫起來。 


我就照著她，拿出殘破的書本，當中不少封面跟書跟分離的。 






想起手冊寫滿滿的欠交功課，還是做功課好。 


我又拿出厚厚的功課，全都是欠交。 


「嘩，你咁多功課嘅？」她目睹也不禁驚訝起來。 


「係呀，要補做返。」 


「全部都係欠交？」 






「無錯呀。」我神氣地說。 


「好壞呀你。」 


「唔鍾意讀書係咁架啦。」 


「無人會鍾意讀書架啵，不過係做好本份啫。」 


「睇妳嘅本份係咩啫。」 






「學生時期，就係盡學生本份。」


「都唔知係學生定考試機器。」我說。 


她呆愣一秒，然後望著我說：「你好搞笑。」 


「點解？」 


「無野啦，做野啦你，咁多一陣做到聽朝。」 


我開始拼命，用盡吃奶的力做起功課來。 


越做越有衝勁和動力。 


熱血起來了。 


正！ 


大概衝刺了十五分鐘後我睡得像豬一樣。 


這個不能怪我，自修室的環境實在太容易讓人入睡。 


我睡得不能自拔，起來時張彩悠的位置早已空了。 


走了？ 


怎麼不說一句？ 


難度說，她對我失望？ 


我發現四周的人都望著我。 


走到廁所，打算洗個臉時，發現臉上有一張便利貼。 


便利貼寫著：「係豬先會訓咁耐！」 




回到座位收捨書包時，才發現我破了的書本，已經不知何時給黏好。