陸行貓的毒撚溝女日記: 貼近

我梗係答左鍾意。
然之後佢話我唔係好鍾意你。
我當堂好似俾盤凍水由頭淋到落屎眼一樣全身冰涼。

之後佢問我，不如交換MSN傾。
我心諗都好呀，於是就雞咁腳down返MSN用。
毒撚就係咁，俾人明確拒絕左都唔識收手，仲諗住有無得挽回。

第一次交換MSN就傾到凌晨五點。
話題講起佢玩online game本來有個男朋友，俾阿魚飛左，點知條仔轉個頭用世界頻話佢俾人飛左，咁知道乜事既網友就對女主角八卦一番。




總體而言就係佢好傷心，想搵人傾下。我地一直無確立男女朋友關係。

有一日，佢向我介紹一隻MMORPG，叫做伊希歐之夢。
亦即係 エミル・クロニクル・オンライン，港台版已執柒，不過日版我仲有玩。
佢係Game入面有個公會，而我都跟佢入左去。

不過係以姊弟身份。我地兩個扮係現實中既兩姊弟。
係呢個公會，我遇到另一個女仔。首先向我第二位認識既女仔講句抱歉。
希望妳已經忘記。不過假如妳係任何途徑見到呢句野，請妳加油，早日脫離屋企獨立生活。





我係果個公會入面扮左一段時間純情正太，都有幸認識到幾個女仔同少數人妖。
其中一個同我行得特別近，暫時稱呼佢做藤子。果陣佢讀緊中一定唔知中二，而我當時中五。

我地好似普通會員咁識。至於點解行近，就係因為一次毒撚救美既故事。
果陣公會組左個小隊去地牢探險。行到一半，發現少左個人。
然後就聽到佢好哀怨把聲咁話：唔緊要啦……無左我你地玩得開心D……之類。
我急急腳咁原路返回，發現佢角色條屍仲係地下。
佢當時80Lv，而行過去果條路D怪得大約20~30Lv。我到而家都未明點解佢會死左係度。

據佢後來所講，呢件事係佢鍾意我既起源。





 果時有個香港中五仔加左入我地公會。
我覺得佢同我果時好似，都係會扮純情正太然後逢女就叫姐姐。
有個女公會成員單獨同我講，呢條友入黎純粹係想呃閪屌。
佢有一點同我唔同，就係如果有人開佢玩笑令佢覺得過火，佢會好似爆囝咁洗板。

其實呢種毒撚式「溝女」法有咩結果可想而知。
佢終究乜撚都呃唔到，最後淡出。

不過阿魚當時都係佢既目標之一。
阿魚係資深玩家，佢作為新手經常向阿魚問長問短，順便詐嬌。
阿魚當時似乎鍾意細過佢既人叫佢姐姐，於是條友就打蛇隨棍上，自稱弟弟。

當時我作為標準既小氣毒撚，自然覺得身為弟弟神聖不可分割既主權受侵犯，於是強烈譴責阿魚。
咁標準既中國口交部口術，阿魚自然理都唔理我。





於是玻璃心受損既我開始同藤子一齊玩。