<< 那年初夏，我們在微信釣的狗公 >> 再釣一次?: Part 34 第四章 – Tomo的策略
Part 34 第四章 – Tomo的策略
「咁同剛完成基礎訓練的新兵就被派上前線送死有咩分別！？無實戰經驗既我地只會淪為厹既午餐死！」坦白講，亳無頭緒之下要進行狩獵行為基本上係九死一生，我唔想壯志未酬就身先死—！
為左進行即將來既「狩獵」，我同Tomo進行緊戰前既準備工作，雖然以本人立場黎講接受唔到Joey用獎品黎形容自己，但係相較「J、K、A」三組各自都有經驗豐富既專業釣手係度，而我地只有同為新兵的Tomo兩人；情況有如全身赤裸進入福島核泄露災區，亳無經驗裝備，基本上是自殺行為！
「其實…只要唔比厹發現我地作為『釣員』既身份就好了。」Tomo冷靜的說著
「如果被發現了呢？」
「恐怕…帳號會被舉報而永久封鎖吧…」Tomo說出最壞的可能性。
想起當初亳無防範就直接用「手機號碼」進行註冊的我，「帳號被封鎖」就如同告知永久死亡的事實；只要失敗了就意味著「沈嘉儀」這個存在的消失。
「作為首戰的目標，我地應該選擇等級最低的『厹』…我認為這裹是最適合的地方。」如同指揮著我們接下來的進軍路線，Tomo隨手一揮傳來由Google Map所提供GPS定位地點：「Tomo現在的位置是：旺角—西洋菜街」。
「首先今日係星期日，正值學生放假既黃金時間，仲有依家已經係下午三點幾，亦都係人流比較旺既時段，而且旺角聚集既好多都係處於成長期，精蟲上腦連毛都未出齊既厹，只要有女女yo可以連老豆姓乜都唔記得！」雖然Tomo既分析係好普通，但係對於當時處於混亂狀態既我無疑起了鎮靜作用。
「由行為心理學既角度黎睇，星期日下午就係MK流連既女仔好多都係對自己儀表打扮有信心既一群『純種』，所比由佢地襯托起我地黎差距唔會過大，相反可以加以利用從而達致魚目混珠既境界！而最重要既係即使我地釣厹既過程失敗又好成功又好，都可以賴落MK妹身上黎洗脫高登仔既嫌疑。」Tomo一輪簡潔精癖既論點充分提出旺角作為我地作戰地點既利弊，而我亦都開始有條不紊咁部署下一步既計劃。
「Tomo…？難道你由今朝早就一直潛伏係旺角！？」我對Tomo的行動力感到十分詫異，竟然會主動進入敵方的大本營展開視察同組織攻勢。
「當然唔係啦～個『現在位置』係假架！其實只要down一個叫『Fake GPS』既apps就可以將自己目前位置set係唔同既地方。方便我地係安全既位置進行狙擊！你都快Ｄ去Google Play到下載啦！我地係時侯要出陣啦。」
Tomo在微笑著，她的答容彷彿為我解開重重疑問，帶來一絲曙光———
嗯，我明白了。
謝謝妳，Tomo。
==============================================================================
吵鬧的大街伴隨著烈日蒸騰的暑氣教人汗流浹背，
「我」漫不經心地流連在旺角的大街小巷…
由地鐵站E2出口的銀行中心一直走到信和中心
再向左轉步入號稱為MK聖地的「潮流特區」。
叮咚———！
嗯？
「附近的人」偵察到厹的氣息———！
【煞氣”。ｂ傑：「汪汪！女神可唔可以比我奶下你腳板底！！」】
這名擁有不遜於魂。初弒名字的生物，就是我要狩獵的對象。
時機終於成熟了———
「為自由與尊嚴獻出心臟！『沈嘉儀』出陣！」
背負著數百萬名男性同胞的宿願，我呼喊著。