<< 那年初夏，我們在微信釣的狗公 >> 再釣一次?: ​Part 21 第二章 –來自遠方的訊息

Part 21 第二章 –來自遠方的訊息


不知道經過多少時間了…



從回憶的彼端醒過來時，我已經站在家門前。







回到家，例牌點上三支香「老豆…返黎遲左…sor…依家即刻開飯！」

平時好少晚歸既我，今日去到成夜晚九點幾先返到屋企，九點依個時段對我老豆黎講可能已經算係宵夜。



馬上將電話連接叉電器就走左去沖涼…

由於我屋企係使用煤氣供電既分體式熱水爐，所以唔使「煲水」就即刻沖得。





對於用電熱水爐既巴打絲打，我衷心講句rest in peace。



沙啦—

沙啦——

沙啦———







暖水從花灑流出，灑在我疲憊不堪肉體上，淨化我衰頹消沉既精神。

清泉一樣的甘露連綿不絕的落在我臉上，像為我一天進行脫毒儀式。

享受依種「受洗」過程亦足以見證我優質既生活態度。





「嘉怡…」熟悉既名字又不停刺激大腦的海馬體。







「六年黎都冇搵我…可能已經唔記得左我啦…」像是要擺脫回憶既魔爪，我拼命的為這個「脫毒儀式」進行加速，希望能從這咀咒中逃脫出來….



過去就讓他過去—



曾經畢竟只是曾經——



好！







我下定決心，



將「阿怡」這個名字刻在心裏的慰靈碑。



「電力充到30%...」沖洗清爽既我拿起書桌上既手機，我不得不配服sony牌手機「去得快同時也來得快」既快槍手精神。







【真係架？邵獨藍！你有三個Whatapps未接訊息。】



竟然？



拉開whatapps的訊息欄，置頂既亳無疑問是來自月球既訊息，





「嫦娥：仔啊！我今日同成叔陳嫂佢地打麻雀，你食自己啦～ 下午5:42」







…



好彩屋企仲有幾個杯麵頂住姐，如果唔係…老豆我要做你鄰居啦...



第二欄既係…?



因為whatapps既系統好Seven麻煩，同一個人send兩個訊息以上就要你自己禁入去睇。



「… +44-131-7123 456 789 ？」雖然還沒看到訊息內容，但對於這個絕非香港電話既區碼格式感到莫名奇妙。我應該冇任何國際朋友…就算有…都冇熟到要去搵既地步…



等…等陣！？


唔通係…



阿怡…！？