<< 那年初夏，我們在微信釣的狗公 >> 再釣一次?: Part 19 第二章 - 那年深冬 (上)

Part 19 第二章 - 那年深冬 (上)




和她的十一年歲月，印証了我們今生的「有緣」，



同時，印証了我們今世的「無份」。







=====================================================================



「喂！阿藍！唔好訓！有野問你啊！」拍打著我肩膊的，是一雙白玉似雪既小手。







「唉…咩春野事丫…」從書桌撐起沉甸甸的身軀，拼命從夢魔中掙托過來，伸懶腰就像是要宣示戰勝睡魔的指定動作。



「你呢～係咪真係同阿怡連續十年都同班架！？」睡矇了的雙眼開始習慣周遭的光線，出現在我位子旁的是一個同班的女生，名字…不太記得了，好似係叫suki？咁上下啦吊，總之就係阿怡Ｄ好姊妹啦。



「…哦，係啊。」面對突如其來既問題恍神了一下，完全弄不清她這條問題有什麼意義…







「哇…好神奇丫…由小學就一直一齊…唔怪得知見你同阿怡四年黎都糖癡豆咁啦…唔通E Ｄ就係緣份！？好浪漫啊~~~~」女人就係一種又迷信又長氣既生物，明明同自己毫無關係既無聊事都可以八成日…



無視佢眉飛色舞咁發表青春戀愛既偉論，我被窗外一片灰暗的景色吸引著——



原來，不經不覺，校庭地上早已佈滿枯枝落葉。







蕭蕭———



怒嘯的風正猛烈敲打窗台 彷彿令人覺得額外寒冷…



時間正值十二月下旬，也是我中四那年的冬天。





「人生有幾多個十年？今年係你地相識十周年喎！聖誕節會有咩特別慶祝節目？」…Suki仲未走。







原來，我同阿怡不經不覺已經一起渡過十年寒冬———當然係以好朋友既關係。



而被她問起才醒覺離聖誕節只餘不足一個禮拜既時間。



「其實我同阿怡———」









「轟———」



一聲巨響由班房門口傳出來，只見房門好似被暴民以佔領中環既氣勢衝破。



而站在那裏的主人翁，就是阿怡。