<< 那年初夏，我們在微信釣的狗公 >> 再釣一次?: Part 16 第二章 - 損友

Part 16 第二章 - 損友



冇電———



「吊，一定係尋日玩wechat太耐，搞到無向左走向右走哂電啦」鬼咩，平時部手機仲靜過開左飛航模式，即使面對舊電好似倒水咁快既Sony Z，隔日先叉都遊刃有餘…加上尋日太多野諗，仲邊記得叉電啊…







「算數，反正都冇人搵」無視手機既存在，就繼續趕返學。



交完份report，係學校食埋個單人single早餐就打算離開學校carteen踏上歸家之旅。







「獨藍！暗戀你，見到你真係好彩！」依個亳無修養直接響人朵既男人叫阿朗。唉，不過都唔怪得佢，其實到依家我都唔知佢係抱著叫「毒男」定「獨藍」既心態稱呼我。



「hi auntie，都話叫阿藍就得」點都好，佢算係我係現實為數很少既朋友之一。



原因？大概因為係小學同學…又咁岩係大學度撞返掛。







由於佢唔知我中學時代既遭遇，對住佢總算做返少少以前既自己。



「NoNoNo，巴打我留意左你好耐，你真係好拎幽默，我自問都算係個ok幽默既人 但係…」冇聽到佢完整開場白就stopSeven左佢已經係我地之間既共識。



「Stop la啦，係咪有野要幫？」明明唔係個高登仔，又背哂Ｄ潮文扮大袋，都唔向左走向右走明佢係乜心態。



「Of course啦！you always know my heart丫，好兄弟！」平時就扮哂ABC，要佢用果陣就即刻rest in piece。睇佢個好樣就知，「我份report今日交但係仲未做哂丫.jpg」啦。







陪佢係library做完份report要離開果陣已經係六點。



當係慰勞我又好打發我又好，請左個廿蚊high tea就話有急事要走先，依咪好兄弟囉。



「係啦！」校門前阿朗好似醒起Ｄ野咁突然望住我







「下個月五號交果份我唔會幫你」根據過往經歷所鍛鍊出黎既自然反應。



「暗戀你，講呢啲，唔係丫」阿朗擺出一副劉江poker face



「阿怡佢…好似返左黎香港喎，你知唔知？」



颼飀————







風蕭蕭的在吹個不停。



夏天的風來得急，吹得也特別熾熱，


凝視阿朗被夕陽餘光半掩的身影


他兩旁臉頰早被沸得像染上紅暈。








「阿怡…? 」




腦內的齒輪慢慢轉動著，打開了名為「回憶」的藩多拉箱子，





啊———



對了，



今天是…6月1號啊…



霎時有無數記憶碎片在眼前掠過，一閃即逝。



啊———



對了，



六年前的今天，




我封閉了自己的心。