<< 那年初夏，我們在微信釣的狗公 >> 再釣一次?: Part 11 第一章 - 釣厹台分舵作戰支部（三）
Part 11 第一章- 釣厹台分舵作戰支部（三）
【Mandy Sze邀請你加入聊天室，現在聊天室人數有如下…. 共11人】
【歡迎來到 釣厹台分舵作戰支部（三），代號為，『化妝舞會』】
依度就係雲集與我擁有同樣抱負既人既據點 — 釣狗公大作戰聯盟。
『厹』，亳無疑問就係狗公既意思，釣厹台…咁眼熟既名梗係好似係邊見過咁…
點都好啦！成為沈嘉儀既我入到group，當然第一時間就禁左入Group名單睇下咩料子先啦，一睇，真係Hi左出黎，Pure,大波,少女怨婦乜都齊，難聽d講，D J圖仲多過高登！但係既然我已經成為左一個女神，我唯有拉返好條拉鏈，打消要邪惡既念頭。
正當我諗緊作為一個絲打要如何say hi黎而又不失貴氣既時侯，都未曾出字姐，已經見到有個清純學生妹icon既「絲打」打破左我既沉思。
「哈囉，又黎左個新人？Hi～我係Melody啊～我係依度最pure 最true既一個～NiCe To MeeT YoU Arrr =^w^=」一個外表清純，束齊蔭馬尾，眼睛又如寶石般閃耀既「絲打」傳來極度修飾推砌既問侯語。雖然年紀睇上黎未夠秤，但係毫無疑問，icon中既女生的確係非常優質。
「慳Ｄ啦，我先係最pure最true果個囉，OK?」字裏行間不帶半點修飾，卻隱隱滲出陣陣mk味道，配埋相中少女仰角45度，黑絲盡露既傳統拍攝手法，一字記之曰「淫」。果然…人如其名，Kay。時尚既黑皮褸配搭狂野既豹紋熱褲，一頭烏黑漸變紅啡既曲髮造型令依名「絲打」加添幾分J-able。
「你地兩個靜少少好冇？唔好嚇親新人，你好，歡迎你加入我地聯盟。」對比上面兩個好似心智未發育完全既o靚妹，Monico好明顯比較成熟。
原來依個Group都仲有Ｄ正常人…
…
……
……….
Sorry，當我冇講過。
依位自稱Monico既絲打，相中人口味甚重過度重裝，畫埋eye’s shadow，成隻眼仲大過個嘴，兩隻double孖住上，足足覆蓋左成塊面既七成面積，七成！係七成啊！
接著一連串既問侯同閒談，令我忘掉一整天的疲憊，
不停止既訊息提示音同震過震蛋既抖動令我記返起原來手機係識震既。